قوعام • 08 قاراشا، 2019

ەلوردادا ايتۆ-مەن كۇرەس ايلىعى باستالدى

28 رەتكورسەتىلدى

ەلوردادا «قوعامداستىقتاردىڭ شەشۋشى ءرولى» ۇرانىمەن دۇنيەجۇزىلىك جيتس-كە قارسى كۇرەس ۇيىمىنىڭ شەڭبەرىندە ايلىق باستالدى. ول وسى جىلدىڭ 5 جەلتوقسانىنا دەيىن جۇرگىزىلەدى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.

ايلىقتى وتكىزۋ اياسىندا نۇر-سۇلتاندا ايتۆ/جيتس تۋرالى ءبىلىمدى ارتتىرۋعا، سونداي-اق وسى اۋرۋعا شالدىققان ادامدارعا قاتىستى ستيگما مەن كەمسىتۋدى جويۋعا باعىتتالعان ءىس-شارالار جوسپارلانعان.

سونىمەن قاتار ايتۆ-عا جەدەل تەستىلەۋ اكتسيالارى جۇرت كوپ جينالاتىن ساۋدا-ويىن-ساۋىق ورتالىقتارىندا، بازارلاردا، ۆوكزالداردا، اۋەجايدا، «بارىس ارەنا» ستاديونىندا وتەدى. سونداي-اق جاستار دەنساۋلىق ورتالىقتارىنىڭ ۆولونتەرلەرىن تارتا وتىرىپ، ستۋدەنتتەرگە ارنالعان فورۋمدار، دەباتتار، فلەشموبتار، دوڭگەلەك ۇستەلدەر، ۆيكتورينالار ۇيىمداستىرىلادى.

نۇر-سۇلتان قالاسى «جيتس» ورتالىعىنىڭ باس دارىگەرى ءسابيت ءابدىرايىموۆتىڭ مالىمەتى بويىنشا، 2019 جىلدىڭ 9 ايى ىشىندە نۇر-سۇلتان قالاسىندا قازاقستان ازاماتتارى اراسىندا ايتۆ-نىڭ 155 وقيعاسى انىقتالدى. 15-49 جاس ارالىعىنداعى جاستار توبىندا ايتۆ-نىڭ تارالۋى نۇر-سۇلتان قالاسىندا «دەنساۋلىق» مەملەكەتتىك باعدارلاماسىنىڭ كورسەتكىشتەرى شەگىندە ۇستالىپ وتىر.

«جيتس ينفەكتسياسىنىڭ تارالۋىنا ۇلتتىق جاۋاپ بەرۋ ءۇشىن، حالىقتىڭ نەگىزگى توپتارىنىڭ جانە ايتۆ-عا شالدىققان ادامداردىڭ الدىن الۋ، كۇتۋ جانە قولداۋ بويىنشا قىزمەتتەرگە قول جەتكىزۋىن كەڭەيتۋ جولىمەن، 2018 جىلدان باستاپ، قالالىق جيتس ورتالىعى 2021 جىلعا دەيىن جاھاندىق قوردىڭ گرانتىن الدى. گرانت اياسىندا ءبىز الدىن الۋ قىزمەتتەرىن، سونداي-اق ايتۆ-مەن ءومىر سۇرەتىن ادامدارعا كۇتىم مەن قولداۋ كورسەتەتىن 4 ۇەۇ-مەن ىنتىماقتاسامىز»، دەدى س. ءابدىرايىموۆ.

ونىڭ ايتۋىنشا، جوبانى ىسكە اسىرۋ كەزىندە وسى قىزمەتتەردىڭ حالىقتىڭ نەگىزگى توپتارى اراسىندا ازاماتتىق سەكتور ارقىلى سۇرانىسقا يە ەكەندىگىن ايعاقتايتىن وڭ ناتيجەلەرگە قول جەتكىزىلدى.

بۇگىنگى تاڭدا جيتس ورتالىعىندا ايتۆ-عا شالدىققان 1095 ادام ەسەپتە تۇر، ونىڭ ىشىندە 867 پاتسيەنت انتيرەتروۆيرۋستىق تەراپيانى(ارت) الادى. بۇل مۇقتاجداردىڭ 80%-ىن قۇرايدى.

«وتكەن جىلمەن سالىستىرعاندا ارت-تى قامتۋ 17%-عا نەمەسە 247 ادامعا ارتتى. جيتس ەمدەۋ مەملەكەت بيۋدجەتىنىڭ ەسەبىنەن تولىعىمەن تەگىن جۇرگىزىلەدى. انتيرەتروۆيرۋستىق تەراپيانى قابىلدايتىن جانە بەلگىسىز دەڭگەيگە دەيىن بەرىلەتىن ۆيرۋسى بار تۇلعالار ينفەكتسيانى باسقالارىنا جۇقتىرا المايدى. بۇل ەمدەۋدىڭ جوعارى تيىمدىلىگىنىڭ ەڭ سەنىمدى كورسەتكىشى جانە ايتۆ-مەن سىرقاتتانۋشىلىقتى تومەندەتۋ جولىنداعى جەتىستىك بولىپ سانالادى»، دەپ اتاپ ءوتتى سپيكەر.


سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار