جاستارمەن كەزدەسۋ وقۋ ورداسىنىڭ ارحەولوگيالىق كورمە ورتالىعىنداعى زەرتتەۋ جۇمىستارىنىڭ جادىگەرلەرىمەن تانىسۋدان باستالدى.
سونىمەن قاتار «100 جاڭا وقۋلىق» اتتى ورتالىقتى ارالاۋ بارىسىندا, قازاق تىلىنە اۋدارىلعان 10 وقۋلىقتىڭ بەينە روليگىن قالا اكىمىنە ۋنيۆەرسيتەت رەكتورى انار مەرەكەقىزى تانىستىردى.
ونىمەن قوسا ەرلان قۋانىش ۇلى اتالمىش ءبىلىم ورداسىنداعى «نۇرسۇلتان نازارباەۆ», «IT Class» سىندى ورتالىقتاردى ارالاپ, ستۋدەنتتەردىڭ تىنىس-تىرشىلىگىمەن تانىستى.
كەزدەسۋدە قالا اكىمى جاستارعا كوكەيلەرىندە جۇرگەن سۇراقتارى مەن ۇسىنىستارىن ەش قىسىلماي قويۋلارىن سۇرادى.
«جاستار جىلىنا وراي شىمكەنت قالاسىندا ءتۇرلى ءىس-شارالار وتكىزىلىپ, جاستاردىڭ بەلسەندىلىگىن ارتتىرۋعا باعىتتالعان ءبىرشاما جوبالار جۇرگىزىلۋدە. كەلەسى جىل «ەرىكتىلەر جىلى» دەپ بەكىتىلدى. ودان بولەك, شىمكەنت 2020 جىلى تمد ەلدەرىنىڭ مادەني استاناسى بولادى. «ەكىنشى ۇستاز» ءابۋ ناسىر ءال-ءفارابيدىڭ 1150 جىلدىعى مەن ۇلى ابايدىڭ 175 جىلدىعىن دا جوعارى دەڭگەيدە تويلاعالى وتىرمىز. اتالمىش شارالاردىڭ بارلىعىنا جاستار قويان-قولتىق اتسالىسۋ كەرەك. قايىرىمدى قالامىزدىڭ قوناقجايلىق ءتۋريزمىن دامىتۋ دا باستى نازاردا» دەدى ە.ايتاحانوۆ.
كەزدەسۋ بارىسىندا ستۋدەنتتەر, كىتاپحانا ماسەلەسى, پاندىك, سالالىق بايقاۋلار جايىندا ءوز ويلارىن ايتتى. قوعامدىق كولىك سالاسىنداعى تۇيىتكىلدى پروبلەمالاردى دا العا تارتتى.
ءوز كەزەگىندە قالا باسشىسى جاستار كوتەرگەن ماسەلەلەر مەن ۇسىنىستاردى جان-جاقتى قاراپ, ءتيىستى شەشىم قابىلدايتىنىن جەتكىزدى.
