ايماقتار • 08 قاراشا، 2019

شقو تۇرعىندارى الەۋمەتتىك مەديتسينالىق ساقتاندىرۋ جۇيەسىنە ءازىر مە؟

39 رەتكورسەتىلدى

ءار تۇرعىن ءوزىنىڭ ستاتۋسىن egov.kz. پورتالى ارقىلى تەكسەرە الادى.

سۋرەتتى تۇسىرگەن: تىلەۋبەك شاياحمەت

2020 جىلدىڭ 1 قاڭتارىنان باستاپ ەلىمىزدىڭ دەنساۋلىق ساقتاۋ سالاسىنا مىندەتتى الەۋمەتتىك مەديتسينالىق ساقتاندىرۋ جۇيەسى ەنگىزىلەتىنى بەلگىلى. وسىعان شىعىس قازاقستان تۇرعىندارى ءازىر مە؟ حالىق بۇل جۇيە تۋرالى بىلە مە؟ ونىڭ ارتىقشىلىقتارى، باسىمدىقتارى قانداي؟ وسى جانە وزگە دە ماسەلەلەر وبلىس اكىمىنىڭ ورىنباسارى اسەم ءنۇسىپوۆانىڭ توراعالىعىمەن وتكەن مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ ماسەلەلەرى جونىندەگى جەرگىلىكتى شتابتىڭ وتىرىسىندا جان-جاقتى تالقىلاندى.

jcv

حالىق ءۇشىن ماڭىزى زور ماسەلەنى ارقاۋ ەتكەن جيىنعا نۇر-سۇلتان قالاسىنان «الەۋمەتتىك مەديتسينالىق ساقتاندىرۋ قورى» كەاق باسقارما توراعاسىنىڭ ورىنباسارى مارات شورانوۆ ارنايى قاتىسىپ، الەۋمەتتىك مەديتسينالىق ساقتاندىرۋ جۇيەسىن ەنگىزۋ ەلىمىزدە قالاي ءجۇرىپ جاتقانىن، بۇعان مەديتسينالىق نىسانداردىڭ، دارىگەرلەردىڭ جانە تۇرعىنداردىڭ دايىندىعى قانداي ەكەندىگىن جانە ولاردىڭ نە ىستەۋ قاجەتتىگىن، نەنى ءبىلۋ كەرەكتىگىن تاپتىشتەپ ايتىپ، ءتۇسىندىرىپ بەردى. ء«ار وڭىردە «الەۋمەتتىك مەديتسينالىق ساقتاندىرۋ قورىنىڭ» فيليالدارى بار. قورعا اي سايىن تولەم جاساعان جاعدايدا كەز كەلگەن تۇرعىن كەڭەيتىلگەن مەديتسينالىق كومەك الادى. مەديتسينالىق ساقتاندىرۋ جوسپارلى ستاتسيونارلىق ەمدەۋمەن جانە ءدارى-دارمەكپەن عانا شەكتەلمەيدى، وسى جۇيە ارقىلى جوعارى ساپاداعى مەديتسينالىق قىزمەتتەردى، وڭالتۋ جاردەمدەرىن، كونسۋلتاتسيالىق-دياگنوستيكالىق كومەك پەن مەدبيكەلىك كۇتىمگە دە قول جەتكىزۋگە بولادى» دەيدى ول.

ijhfyjd

مىندەتتى الەۋمەتتىك مەديتسينالىق ساقتاندىرۋ ەلىمىزدىڭ ءار تۇرعىنى ءۇشىن ماڭىزدى بولعاندىقتان حالىقتىڭ بارلىق توپتارىن، ياعني، ەڭبەكتەگەن بالادان ەڭكەيگەن قارياعا دەيىن قامتۋى ءتيىس. ء«ار تۇرعىن ءوزىنىڭ ستاتۋسىن egov.kz. پورتالى ارقىلى تەكسەرە الادى. بۇل ءۇشىن ءوزىنىڭ جسن ءنومىرىن تەرۋ قاجەت، سول كەزدە «جۇمىسى بار»، «الەۋمەتتىك تولەم الۋشى»، «18 جاسقا دەيىنگى بالالار»، ء«وزىن ءوزى جۇمىسپەن قامتۋشى رەتىندە تىركەلگەن» دەگەن حابارلامانىڭ ءبىرى كەلەدى. ەگەر سىزگە «ستاتۋسىڭىز انىقتالمادى» دەگەن حابارلاما كەلسە، بۇل ءسىزدىڭ جۇيەگە تىركەلمەگەندىگىڭىزدى كورسەتەدى. سوندىقتان تەزدەتىپ تىركەلۋ قاجەت. ەگەر ءسىز جۇمىسسىز بولساڭىز، حالىققا قىزمەت كورسەتۋ، جۇمىسپەن قامتۋ نەمەسە اكىمدىكتەرگە حابارلاسۋ كەرەك. ال ءوزىن ءوزى جۇمىسپەن قامتىعان ازامات بولساڭىز يپ، ياعني جك رەتىندە تىركەلۋ كەرەك نەمەسە بىرىڭعاي جيىنتىق تولەم (بجت) جۇيەسى ارقىلى تولەۋگە بولادى. قور سونىمەن قاتار «Saqtandyrý» دەپ اتالاتىن ارنايى پلاگين ازىرلەدى. وسى پلاگينگە جسن ەنگىزۋ ارقىلى دا تۇرعىندار ستاتۋستارىن انىقتاي الادى. وڭىردەگى بارلىق مەديتسينالىق مەكەمەلەر ءوز سايتتارىنا وسى پلاگيندى ورنالاستىرىپ قويسا دەگەن تىلەگىمىز بار» دەگەن مارات شورانوۆ 2020 جىلى ەلىمىز بويىنشا مىندەتتى الەۋمەتتىك مەديتسينالىق ساقتاندىرۋ جۇيەسىندەگى تۇرعىنداردى مەديتسينالىق كومەكپەن قامتۋ دەڭگەيى 95 پايىز بولادى دەپ بولجانىپ وتىرعانىن جەتكىزدى.

ال شىعىس قازاقستاندا ءدال قازىرگى ۋاقىتتا ءوڭىر تۇرعىندارىنىڭ 86 پايىزى (1 373،5 مىڭ ادام) شارتتى تۇردە ساقتاندىرىلىپتى. ال قالعان 14 پايىز نەمەسە 191،3 مىڭ ادام ءالى دە وكىنىشكە قاراي بۇل جۇيەدەن تىس قالىپ كەلەدى. بۇل 191 مىڭنىڭ ىشىندە جالدانىپ جۇمىس ىستەيتىن، شەت ەلگە بارىپ-كەلىپ جۇرەتىن ادامدار دا، جەكە شارۋا قوجالىقتارى بار كىسىلەر دە، ۇيدە بالا كۇتىمىمەن وتىرعان نەمەسە اياعى اۋىر ايەلدەر دە، ستۋدەنتتەر دە، ءوزىن ءوزى جۇمىسپەن قامتىعان ادامدار دا بار. «بۇل رەتتە ءبىز ءبىرىنشى كەزەكتە وبلىستىڭ قولداۋىنا سۇيەنەمىز. بارلىق قالالار مەن اۋدانداردىڭ اكىمدەرى ورتالىق اۋرۋحانالاردىڭ باس دارىگەرلەرىنە قولداۋ بىلدىرگەنى ءجون. ءوڭىردىڭ بارلىق تۇرعىندارى جاڭا جۇيەدەن تىس قالماۋى، مىندەتتى تۇردە قاتىسۋلارى ءتيىس» دەدى م.شورانوۆ.

جوعارىدا اتاپ وتكەن 191 مىڭنىڭ 44 مىڭى - ءوزىن-ءوزى جۇمىسپەن قامتىپ وتىرعان جانە تىركەلمەگەن جۇمىسسىز ادامدار. «مىندەتتى الەۋمەتتىك مەديتسينالىق ساقتاندىرۋ جۇيەسىنىڭ ەنگىزىلۋىنە از ۋاقىت قالدى. وسى باعىتتاعى جۇمىستاردى شيراتۋ قاجەت. وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى جانە وبلىستىق مەملەكەتتىك كىرىستەر دەپارتامەنتىنىڭ جاۋاپتى ماماندارى ءالى دە تىركەلمەگەن 44 مىڭ اداممەن دۇرىستاپ جۇمىس ىستەۋى كەرەك. حالىق اراسىندا ءتۇسىندىرۋ جۇمىستارىن جۇرگىزۋدىڭ ماڭىزى زور» دەدى وبلىس اكىمىنىڭ ورىنباسارى اسەم ءنۇسىپوۆا جيىندى قورىتىندىلاعان سوزىندە.

وسكەمەن

 

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار