ا.ايتجانوۆ تاعايىندالعانعا دەيىن دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ مەملەكەتتىك قىزمەتتەر كورسەتۋ جانە تسيفرلاندىرۋ باسقارماسىنىڭ باس ساراپشىسى لاۋازىمىندا جۇمىس ىستەدى.
قازاقستان رەسپۋبليكاسىنىڭ پرەزيدەنتىنىڭ 2015 جىلعى 29 جەلتوقسانداعى № 153 جارلىعىنا سايكەس ادەپ جونىندەگى ۋاكىلدىڭ فۋنكتسيالارى باسشىلىق قىزمەت اتقاراتىن, سونداي-اق ۇجىمدا قادىرلى جانە قۇرمەتكە يە بولعان مەملەكەتتىك قىزمەتشىگە جۇكتەلەدى. ادەپ جونىندەگى ۋاكىل – قىزمەتتىك ادەپ نورمالارىنىڭ ساقتالۋىن جانە مەملەكەتتىك قىزمەت, سىبايلاس جەمقورلىققا قارسى ءىس-قيمىل تۋرالى زاڭناما مەن قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىن بۇزۋشىلىقتاردىڭ پروفيلاكتيكاسىن قامتاماسىز ەتۋ قىزمەتىن جۇزەگە اسىراتىن, سونداي-اق ءوز فۋنكتسيالارى شەگىندە مەملەكەتتىك قىزمەتشىلەر مەن ازاماتتارعا كونسۋلتاتسيا بەرەتىن مەملەكەتتىك قىزمەتشى.
ادەپ جونىندەگى ۋاكىلدىڭ دەربەس لاۋازىمى اۋماقتىق بولىمشەلەرى نەمەسە ۆەدومستۆولارىنىڭ اۋماقتىق بولىمشەلەرى, شەت ەلدەگى مەكەمەلەرى بار ورتالىق مەملەكەتتىك ورگانداردا (قۇقىق قورعاۋ جانە ارناۋلى مەملەكەتتىك ورگانداردى, سونداي-اق قازاقستان رەسپۋبليكاسىنىڭ قورعانىس مينيسترلىگىن قوسپاعاندا), سونداي-اق وبلىستار, رەسپۋبليكالىق ماڭىزى بار قالالار جانە استانا اكىمدەرىنىڭ اپپاراتتارىندا ەنگىزىلگەن.
