قازاقستان رەسپۋبليكاسى ۇكىمەتىنىڭ قاۋلىسى №255
سارسەنبى, 29 مامىر 2013 1:05
2013 جىلعى 18 ناۋرىز, استانا, ۇكىمەت ءۇيى
ەلەكترمەن جابدىقتاۋدىڭ ۇلگىلىك شارتىن بەكىتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 5-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ەلەكترمەن جابدىقتاۋدىڭ ۇلگىلىك شارتى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
سارسەنبى, 29 مامىر 2013 1:05
2013 جىلعى 18 ناۋرىز, استانا, ۇكىمەت ءۇيى
ەلەكترمەن جابدىقتاۋدىڭ ۇلگىلىك شارتىن بەكىتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 5-1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ەلەكترمەن جابدىقتاۋدىڭ ۇلگىلىك شارتى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س. احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 18 ناۋرىزداعى № 255 قاۋلىسىمەن بەكىتىلگەن
ەلەكترمەن جابدىقتاۋدىڭ ۇلگىلىك شارتى
______________________________ 20____ج. «__»________ (شارتتىڭ جاسالۋ ورنى)
_____________________________ليتسەنزياسىنا سايكەس
(ليتسەنزيا ءنومىرى, بەرىلگەن كۇنى)
تۇتىنۋشىلاردى ەلەكترمەن جابدىقتاۋدى جۇزەگە اسىراتىن, بۇدان ءارى جەتكىزۋشى دەپ اتالاتىن,
______________________________________________________________
(ەنەرگيامەن جابدىقتاۋشى ۇيىمنىڭ اتاۋى)
__________________________________________نەگىزىندە ارەكەت ەتەتىن
_____________________________________اتىنان ءبىر تاراپتان,
(لاۋازىمى, ت.ا.ءا.)
جانە بۇدان ءارى تۇتىنۋشى دەپ اتالاتىن,
نەگىزىندە ارەكەت ەتەتىن________________________________________________,
(لاۋازىمى, ت.ا.ءا.)
اتىنان ەكىنشى تاراپتان, بۇدان ءارى تاراپتار دەپ اتالاتىندار تومەندەگىلەر تۋرالى وسى ەلەكترمەن جابدىقتاۋ شارتىن (بۇدان ءارى – شارت) جاساستى:
1. شارتتا پايدالانىلاتىن نەگىزگى ۇعىمدار
1. شارتتا مىناداي نەگىزگى ۇعىمدار پايدالانىلادى:
1) ەسەپ ايىرىسۋ كەزەڭى – تۇتىنىلعان ەلەكتر ەنەرگياسى ەسكەرىلۋى جانە تۇتىنۋشى تولەمىنە ۇسىنىلۋى ءتيىس شارتپەن ايقىندالاتىن ۋاقىت كەزەڭى;
2) تۇتىنۋشى – ەلەكتر ەنەرگياسش شارت نەگىزىندە تۇتىناتىن جەكە نەمەسە زاڭدى تۇلعا;
3) كوممەرتسيالىق ەسەپكە الۋ اسپابى – ەلەكتر ەنەرگياسىن كوممەرتسيالىق ەسەپكە الۋعا ارنالعان, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قولدانۋعا رۇقسات ەتىلگەن تەحنيكالىق قۇرىلعى;
4) تۇتىنۋشىنى ەلەكتر جەلىلەرىنە قوسۋ سحەماسى – ولارعا ەسەپ ايىرىسۋ ءۇشىن بەرىلەتىن جانە تۇتىنىلاتىن ەلەكتر ەنەرگياسىنىڭ ەسەبىن قامتاماسىز ەتەتىن ەلەكتر ەنەرگياسىن ەسەپكە الۋ اسپابىنىڭ ەلەكتر جەلىسىنە بەلگىلى ءبىر ەلەكترلىك قوسىلۋى.
2. شارتتىڭ نىساناسى
2. جەتكىزۋشى تۇتىنۋشىعا ەلەكتر بەرۋشى ۇيىمنىڭ جالعاستىرىلعان جەلىسى ارقىلى ەلەكتر ەنەرگياسىن بەرۋگە, ال تۇتىنۋشى شارتقا سايكەس تارتىپتە جانە شارتتاردا قابىلدانعان ەلەكتر ەنەرگياسىنا اقى تولەۋگە مىندەتتەنەدى.
3. شارت قولدانىستاعى زاڭنامادا بەلگىلەنگەن تارتىپپەن ەلەكتر بەرۋشى ۇيىمنىڭ جەلىلەرىنە قوسىلعان جابدىقتىڭ وندا بولۋى كەزىندە, سونداي-اق كوممەرتسيالىق ەسەپكە الۋ اسپاپتارىنىڭ بولۋى كەزىندە تۇتىنۋشىمەن جاسالادى.
4. شارت بويىنشا ابونەنت رەتىندە ەنەرگيانى تۇرمىستىق تۇتىنۋ ءۇشىن پايدالاناتىن جەكە تۇلعا بولعان جاعدايدا, شارت بەلگىلەنگەن تارتىپپەن ابونەنتتىڭ جالعاستىرىلعان جەلىگە ءىس جۇزىندە العاشقى قوسىلعان ساتىنەن باستاپ جاسالعان بولىپ ەسەپتەلەدى.
5. شارت جاساسۋ ءۇشىن تۇتىنۋشىدا (ەلەكتر ەنەرگياسىن تۇرمىستىق مۇقتاجدىقتار ءۇشىن پايدالاناتىن تۇتىنۋشىنى قوسپاعاندا) مىنالار بولۋى قاجەت:
1) شارتقا 1-قوسىمشاعا سايكەس نىسان بويىنشا تەڭگەرىمدىك تيىستىلىگىن ءبولۋ اكتىسى جانە تاراپتاردىڭ پايدالانۋ جاۋاپكەرشىلىگىنىڭ اكتىسى;
2) ەنەرگەتيكالىق ساراپتامانى جۇرگىزۋ قاعيدالارىندا كوزدەلگەن تارتىپپەن بەلگىلەنگەن جاعدايلاردا تۇتىنۋشى ەلەكتر قوندىرعىلارىنىڭ تەحنيكالىق جاي-كۇيىن تەكسەرۋ جونىندەگى ساراپتامالىق ۇيىمنىڭ اكتىسى;
3) اۆاريالىق اكتى جانە (نەمەسە) تەحنولوگيالىق برون اكتىسى (قاجەت بولعان جاعدايدا);
4) تۇتىنۋشىنى ەلەكتر جەلىلەرىنە قوسۋ سحەماسى.
3. تۇتىنىلاتىن ەلەكتر ەنەرگياسىن ەسەپكە الۋ
6. جەتكىزۋشى بەرگەن جانە تۇتىنۋشى قابىلداعان ەنەرگيا سانى كوممەرتسيالىق ەسەپكە الۋ اسپاپتارىنىڭ كورسەتكىشتەرىمەن ايقىندالادى, ال ەسەپكە الۋ تۇتىنۋشىنىڭ كىناسىنەن ەمەس ۋاقىتشا بۇزىلعان جاعدايدا, ەلەكتر ەنەرگياسى ءۇشىن ەسەپ ايىرىسۋ كوممەرتسيالىق ەسەپكە الۋ اسپابى جانە تۇتىنۋشىنى ەلەكتر ەنەرگياسى جەلىلەرىنە قوسۋ سحەماسى جارامدى بولعان الدىڭعى نەمەسە كەيىنگى ەسەپ ايىرىسۋ كەزەڭىندە تۇتىنۋشىنىڭ ورتاشا تاۋلىكتىك شىعىنى بويىنشا جۇرگىزىلەدى.
7. تۇتىنىلاتىن ەلەكتر ەنەرگياسىن ەسەپكە الۋ كەزىندە كوممەرتسيالىق ەسەپكە الۋ اسپابى تاراپتاردىڭ پايدالانۋ جاۋاپكەرشىلىگىنىڭ شەكاراسىندا ورناتىلادى.
8. كوممەرتسيالىق ەسەپكە الۋ اسپاپتارىنىڭ سانى شارتقا 2-قوسىمشاعا سايكەس كوممەرتسيالىق ەسەپكە الۋ اسپاپتارىنىڭ تىزبەسىندە كورسەتىلەدى.
9. كوممەرتسيالىق ەسەپكە الۋ اسپاپتارىنىڭ كورسەتكىشتەرىن الۋدى جەتكىزۋشىنىڭ نەمەسە ەنەرگيا بەرۋشى ۇيىمنىڭ وكىلدەرى تۇتىنۋشىنىڭ نە ونىڭ وكىلدەرىنىڭ قاتىسۋىمەن جۇرگىزەدى.
10. كەزەكتى جىلعا ەلەكتر ەنەرگياسىن تۇتىنۋ كولەمىن انىقتاۋ ءۇشىن تۇتىنۋشى (ەلەكتر ەنەرگياسىن تۇرمىستىق مۇقتاجدىقتار ءۇشىن پايدالاناتىن تۇتىنۋشىنى قوسپاعاندا) جەتكىزۋ جىلىنا دەيىنگى جىلدىڭ باستالعانىنا دەيىن 30 كۇننەن كەشىكتىرمەي, شارتقا 3-قوسىمشاعا سايكەس نىسان بويىنشا ەلەكتر ەنەرگياسىنا جەتكىزۋ تۋرالى الدىن الا ءوتىنىم بەرەدى.
11. تۇتىنۋشىنىڭ كىناسى بويىنشا كوممەرتسيالىق ەسەپكە الۋ اسپاپتارىنىڭ كورسەتكىشتەرىن ەكى ەسەپ ايىرىسۋ كەزەڭى ىشىندە الۋ مۇمكىن بولماعان كەزدە جەتكىزۋشى ەسەپ ايىرىسۋدى جۇكتەمەلەردىڭ ماۋسىمدىق كەستەسىن ەسكەرە وتىرىپ, وسى تۇتىنۋشىنىڭ وتكەن كەزەڭ ءۇشىن ەلەكتر ەنەرگياسىنىڭ ورتاشا تاۋلىكتىك شىعىنى بويىنشا جۇرگىزەدى.
بۇل رەتتە, ەلەكتر ەنەرگياسىنىڭ ورتاشا تاۋلىكتىك شىعىنى بويىنشا ەسەپ ايىرىسۋ كەزەڭى ءبىر ەسەپ ايىرىسۋ كەزەڭىنەن اسپايدى. كەيىنگى قايتا ەسەپتەۋلەر تۇتىنۋشىنى جالعاۋعا ارنالعان تەحنيكالىق شارتتارعا سايكەس بەلگىلەنگەن قۋات بويىنشا جۇرگىزىلەدى.
4. ەلەكتر ەنەرگياسىنا اقى تولەۋدىڭ شارتتارى مەن ءتارتىبى
12. تۇتىنۋشىلارعا بەرىلگەن ەلەكتر ەنەرگياسى ءۇشىن ەسەپ ايىرىسۋلار تابيعي مونوپوليالار جانە رەتتەلەتىن نارىقتار تۋرالى زاڭناماعا سايكەس بەلگىلەنگەن تاريفتەر بويىنشا جۇرگىزىلەدى.
زاڭدى تۇلعا بولىپ تابىلاتىن تۇتىنۋشى تۇتىنعان ەلەكتر ەنەرگياسى ءۇشىن تولەمدى تاۋلىكتىك ايماقتار بويىنشا سارالانعان تاريفتەر بويىنشا جۇرگىزەدى.
زاڭدى تۇلعا بولىپ تابىلمايتىن تۇتىنۋشىلار تۇتىنعان ەلەكتر ەنەرگياسى ءۇشىن تولەمدى ونى تۇتىنۋ كولەمىنە بايلانىستى سارالانعان تاريفتەر بويىنشا نەمەسە تاۋلىكتىك ايماقتار بويىنشا سارالانعان تاريفتەر بويىنشا جۇرگىزەدى.
جاڭا تاريفتەردى قولدانىسقا ەنگىزۋ تۇتىنۋشىلارعا بۇقارالىق اقپارات قۇرالدارى ارقىلى الدىن الا حابارلاعاننان كەيىن جۇزەگە اسىرىلادى جانە وسى شارتتى قايتا جاساسۋ ءۇشىن نەگىز بولىپ تابىلمايدى.
13. ەنەرگيا ءۇشىن ەسەپ ايىرىسۋ ءتارتىبى زاڭنامامەن نەمەسە تاراپتاردىڭ كەلىسىمىمەن ايقىندالادى.
تۇتىنۋشى تولەمدى ەسەپتىك ايدان كەيىنگى ايدىڭ 25-كۇنىنەن كەشىكتىرمەي (نەمەسە شارتتا كەلىسىلۋى ءتيىس مەرزىمدەردە تۇتىنۋشى مەن جەتكىزۋشى اراسىنداعى كەلىسىم بويىنشا) جۇرگىزەدى.
ەسەپ ايىرىسۋ كەزەڭى ءبىر كۇنتىزبەلىك ايدى قۇرايدى.
14. شارتتا كوزدەلگەن ەلەكتر ەنەرگياسى ءۇشىن تولەمدى كەشىكتىرگەن جاعدايدا تۇتىنۋشى جەتكىزۋشىگە كەشىكتىرگەن ءاربىر كۇن ءۇشىن وسى سومانى تولەۋ كۇنى قازاقستان رەسپۋبليكاسى ۇلتتىق بانكىنىڭ قولدانىستاعى قايتا قارجىلاندىرۋ ستاۆكاسىنان 1,5 ەسەدەن استام ەمەس, بىراق نەگىزگى قارىز سوماسىنان استام ەمەس مولشەردە تۇراقسىزدىق ايىبىن تولەيدى.
15. ەگەر تۇتىنۋشى بەلگىلەنگەن تارتىپپەن ول پايدالانعان ەلەكتر ەنەرگياسىنا تولەمەگەنى ءۇشىن اجىراتىلسا, وندا ونى قوسۋدى قارىز وتەلگەننەن جانە قوسۋ ءۇشىن كورسەتىلەتىن قىزمەتكە اقى تولەنگەننەن كەيىن ەنەرگيا بەرۋشى ۇيىم جۇرگىزەدى.
بۇل رەتتە, قوسۋ ءۇشىن تولەم جەتكىزۋشىگە جازىلعان تولەم قۇجاتىندا كورسەتىلەدى.
16. تۇتىنۋشى تۇتىنعان ەلەكتر ەنەرگياسى ءۇشىن تولەم شارت تالاپتارىنا سايكەس كوممەرتسيالىق ەسەپكە الۋدىڭ اۆتوماتتاندىرىلعان جۇيەسىن پايدالاناتىن تۇتىنۋشىلاردى قوسپاعاندا, كوممەرتسيالىق ەسەپكە الۋ اسپاپتارىنىڭ ناقتى كورسەتكىشتەرى نەگىزىندە ەسەپتىك ايدان كەيىنگى ايدىڭ 10-كۇنىنەن كەشىكتىرمەي جەتكىزۋشى تۇتىنۋشىعا جازعان جانە بەرگەن تولەم قۇجاتى بويىنشا جۇرگىزىلەدى.
17. كوممەرتسيالىق ەسەپكە الۋ اسپاپتارىن تەڭگەرىمدىك تيىستىلىك شەكاراسىندا ەمەس ورناتقان كەزدە ءبولۋ شەكاراسىنان كوممەرتسيالىق ەسەپكە الۋ اسپاپتارىن ورناتۋ ورنىنا دەيىنگى جەلى ۋچاسكەسى ەلەكتر ەنەرگياسىنىڭ شىعاسىلارىن (ترانسفورماتورلاردا جانە جەلىلەردە) تەڭگەرىمىندە كورسەتىلگەن جەلى ۋچاسكەسى بار تاراپ تولەيدى.
18. ەسەپتەۋ اسپاپتارىن سمارت-كارتامەن قولدانۋعا نەگىزدەلگەن ەلەكتر ەنەرگياسىن كوممەرتسيالىق ەسەپكە الۋدىڭ اۆتوماتتاندىرىلعان جۇيەسى بولعان جاعدايدا, تۇتىنىلعان ەلەكتر ەنەرگياسى ءۇشىن تولەمدى تۇتىنۋشى ءوزى بەلگىلەگەن مولشەردە تولەم قۇجاتىن قويۋسىز جۇرگىزەدى.
5. تۇتىنۋشىنىڭ قۇقىقتارى مەن مىندەتتەرى
19. تۇتىنۋشىنىڭ:
1) مەملەكەتتىك ستاندارتتاردا نەمەسە وزگە نورماتيۆتىك-تەحنيكالىق قۇجاتتامادا بەلگىلەنگەن تالاپتارعا جانە شارت جاعدايلارىنا سايكەس ەلەكتر ەنەرگياسىن الۋعا;
2) جەتكىزۋشىدەن ناقتى كەلتىرىلگەن زالالدى تولىق كولەمدە وتەۋىن تالاپ ەتۋگە;
3) ەنەرگيانى وعان قاجەتتى مولشەردە پايدالانۋعا;
4) جەتكىزۋشىگە حابارلاعان جەنە تۇتىنىلعان ەلەكتر ەنەرگياسى ءۇشىن تولىق تولەم جۇرگىزگەن جاعدايدا ءبىر جاقتى تەرتىپپەن شارتتى بۇزۋعا;
5) شارتتى جاساۋعا جانە ورىنداۋعا بايلانىستى داۋلى مەسەلەلەردى شەشۋ ءۇشىن سوتقا جۇگىنۋگە;
6) كوپ مولشەرلەمەلى ەسەپكە الۋ اسپابى بولعان كەزدە تەۋلىكتىك ايماقتار بويىنشا سارالانعان تاريفتەردى بەلگىلەۋ ءۇشىن جەتكىزۋشىگە وتىنىشپەن جۇگىنۋگە;
7) كەلەسى كۇنتىزبەلىك ايعا تۇتىنىلاتىن ەلەكتر ەنەرگياسىنىڭ شارتتى كولەمىنە ەسەپتىك ايدىڭ 26-كۇنىنە دەيىن (ەلەكتر ەنەرگياسىن تۇرمىستىق مۇقتاجدىقتار ءۇشىن پايدالاناتىن تۇتىنۋشىلاردى قوسپاعاندا) تۇزەتۋلەر ەنگىزۋگە;
8) قازاقستان رەسپۋبليكاسىنىڭ زاڭناماسىندا كوزدەلگەن وزگە دە قۇقىقتارعا قۇقىعى بار.
20. تۇتىنۋشى:
1) ەلەكتر ەنەرگياسىن تۇتىنۋ رەجيمدەرىن ساقتاۋعا;
2) ەلەكتر جانە ەنەرگيا كۇرىلعىلارى مەن كوممەرتسيالىق ەسەپكە الۋ اسپاپتارىنىڭ تيىسىنشە تەحنيكالىق جاي-كۇيىن ساقتاۋعا, ەلەكتر ەنەرگياسىن پايدالانۋ قاعيدالارىنا سايكەس ولاردىڭ تەحنيكالىق جاي-كۇيىنە قويىلاتىن تالاپتاردى ورىنداۋعا;
3) شارتقا 4-قوسىمشاعا سايكەس تۇتىنۋشىنى ەلەكتر جەلىلەرىنە قوسۋ سحەماسىن ساقتاۋعا;
4) ەلەكتر ەنەرگياسىن كوممەرتسيالىق ەسەپكە الۋ اسپاپتارىنىڭ جۇمىسىنداعى اۆاريالار, ورتتەر, اقاۋلىقتار جانە ەلەكتر ەنەرگياسىن پايدالانۋ كەزىندە تۋىندايتىن وزگە دە بۇزۋشىلىقتار تۋرالى جەتكىزۋشىگە دەرەۋ حابارلاۋعا;
5) تۇتىنۋشىنىڭ شارت تالاپتارىن ورىنداۋ مانىنە قاراۋ, تەكسەرۋ ماقساتىندا كوممەرتسيالىق ەسەپكە الۋ اسپاپتارىنا جەتكىزۋشى وكىلدەرىن جىبەرۋگە;
6) ەلەكتر ەنەرگياسىنا سارالانعان تاريفتەر بويىنشا جاسالعان شارتقا سايكەس تۇتىنىلعان ەلەكتر ەنەرگياسىن ۋاقتىلى تولەۋگە;
7) قازاقستان رەسپۋبليكاسىنىڭ زاڭناماسىندا كوزدەلگەن وزگە دە مىندەتتەمەلەردى ورىنداۋعا مىندەتتى.
6. جەتكىزۋشىنىڭ قۇقىقتارى مەن مىندەتتەرى
21. جەتكىزۋشىنىڭ:
1) ەلەكتر ەنەرگياسىن بەرۋ توقتاتىلعانعا, توقتاتىلا تۇرعانعا دەيىن ءبىر ايدان كەشىكتىرمەي ابونەنتتى جازباشا ەسكەرتۋ شارتىمەن تۇتىنۋشىنىڭ پايدالانعان ەنەرگيانى تولەمەۋىنە بايلانىستى شارتتى ورىنداۋدى توقتاتۋعا, توقتاتا تۇرۋعا;
2) مىناداي جاعدايلاردا تاراپتاردىڭ كەلىسىمى بويىنشا تۇتىنۋشىعا ەلەكتر ەنەرگياسىن بەرۋدى توقتاتۋعا:
ەنەرگيا بەرۋشى ۇيىمنىڭ جەلىسىنە ەلەكتر ەنەرگياسىن قابىلداعىشتاردى ءوز ەركىمەن جالعاۋ;
كوممەرتسيالىق ەسەپكە الۋ اسپاپتارىنان باسقا ەلەكتر ەنەرگياسىن قابىلداعىشتاردى جالعاۋ;
ەنەرگيا بەرۋشى ۇيىمنىڭ جانە باسقا تۇتىنۋشىلاردىڭ ەلەكتر قوندىرعىلارىنىڭ جۇمىس ىستەۋىن بۇزاتىن ماندەرگە دەيىن تۇتىنۋشىنىڭ كىناسى بويىنشا ەلەكتر ەنەرگياسىنىڭ ساپاسى كورسەتكىشتەرىن تومەندەتۋ;
جەتكىزۋشى وكىلدەرىن ولاردىڭ قىزمەتتىك كۋالىكتەرى بويىنشا تۇتىنۋشىنىڭ كوممەرتسيالىق ەسەپكە الۋ اسپاپتارى مەن ەلەكتر قوندىرعىلارىنا (قوسالقى ستانتسيالار, توك قابىلداعىشتار, جەلىلەر, ەلەكتر بەرۋ جەلىلەرى) جىبەرمەۋ;
رەزەرۆتىك قورەكتەندىرۋ بولماعان كەزدە جابدىقتى جوندەۋ جانە جاڭا تۇتىنۋشىلاردى قوسۋ بويىنشا جوسپارلى جۇمىستاردى جۇرگىزۋ. بۇل رەتتە جەتكىزۋشى تۇتىنۋشىعا اجىراتقانعا دەيىن ءۇش كۇننەن كەشىكتىرمەي, ونىڭ ىشىندە بۇقارالىق اقپارات قۇرالدارىندا حابارلاندىرۋدى ورنالاستىرۋ ارقىلى ەسكەرتەدى;
جەدەل حابارلاپ جانە اجىراتۋ سەبەبىن كورسەتە وتىرىپ, ادامداردىڭ ومىرىنە قاۋىپ ءتوندىرۋى, ماڭىزدى ەكونوميكالىق زالال كەلتىرۋى, كوممۋنالدىق شارۋاشىلىقتىڭ جانە ەلەكترمەن جابدىقتاۋ جۇيەلەرىنىڭ اسا ماڭىزدى ەلەمەنتتەرىنىڭ جۇمىس ىستەۋىن بۇزۋى مۇمكىن اۆاريالاردىڭ الدىن الۋ, ولاردى جويۋ جونىندەگى شۇعىل شارالار قابىلداۋ;
3) اۆاريالىق احۋال جاعدايىندا تۇتىنۋشىعا ەلەكتر ەنەرگياسىن بەرۋدى توقتاتۋعا;
4) شارتتى جاساسۋعا جانە ورىنداۋعا بايلانىستى داۋلى ماسەلەلەردى شەشۋ ءۇشىن سوتقا جۇگىنۋگە;
5) قازاقستان رەسپۋبليكاسىنىڭ زاڭناماسىندا كوزدەلگەن وزگە دە قۇقىقتارعا قۇقىعى بار.
22. جەتكىزۋشى:
1) مەملەكەتتىك ستاندارتتاردا نەمەسە وزگە نورماتيۆتىك-تەحنيكالىق قۇجاتتامادا بەلگىلەنگەن تالاپتارعا جانە شارت جاعدايلارىنا سايكەس ەلەكتر ەنەرگياسىن بەرۋگە;
2) تۇتىنۋشىعا تولەمەگەنى ءۇشىن اجىراتقانعا دەيىن وتىز كۇن بۇرىن جازباشا حابارلاۋعا;
3) حابارلاندىرۋدى بۇقارالىق اقپارات قۇرالدارىنا ورنالاستىرۋ جولىمەن تۇتىنۋشىنى ەلەكترمەن جابدىقتاۋ قىزمەتىنە تاريفتەر تۋرالى, ولاردىڭ وزگەرۋى تۋرالى حاباردار ەتۋگە;
4) تۇرمىستىق تۇتىنۋشىدان وعان بەرىلگەن ەلەكتر ەنەرگياسى ءۇشىن تولەمدەردى ءوز كاسسالارى, سونداي-اق بانكتەر مەن بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار ارقىلى قابىلداۋدى قامتاماسىز ەتۋگە;
5) تۇتىنۋشىعا تۇتىنعان ەلەكتر ەنەرگياسى ءۇشىن اقى تولەۋگە تولەم قۇجاتىن اي سايىن ۇسىنۋعا;
6) تابيعي مونوپوليالار جانە رەتتەلەتىن نارىقتار سالاسىندا ء(تيىستى نارىقتا ۇستەم (مونوپوليالىق) جاعدايعا يە دومينانتتار تىزىلىمىنە ەنگىزىلگەن رەتتەلەتىن نارىق سۋبەكتىلەرى ءۇشىن) باسشىلىقتى جۇزەگە اسىراتىن مەملەكەتتىك ورگانمەن كەلىسىلگەن تاريفتەر بويىنشا ەلەكتر ەنەرگياسىن بەرۋگە مىندەتتى.
23. جەتكىزۋشى تۇتىنۋشىعا ء(تيىستى نارىقتا ۇستەم (مونوپوليالىق) جاعدايعا يە دومينانتتار تىزىلىمىنە ەنگىزىلگەن رەتتەلەتىن نارىق سۋبەكتىلەرى ءۇشىن) تاۋلىكتىك ايماقتار بويىنشا سارالانعان تاريفتەر بويىنشا جانە (نەمەسە) ونى تۇتىنۋ كولەمىنە (جەكە تۇلعالار ءۇشىن) بايلانىستى ەلەكتر ەنەرگياسىن وتكىزۋدەن (ساتۋدان) باس تارتۋعا قۇقىلى ەمەس.
7. تاراپتاردىڭ جاۋاپكەرشىلىگى
24. ەنەرگيامەن جابدىقتاۋ شارتى بويىنشا مىندەتتەمەلەردى ورىنداماعان نەمەسە تيىسىنشە ورىنداماعان جاعدايلاردا تاراپتار مۇنىمەن كەلتىرىلگەن ناقتى زالالدى وتەۋگە مىندەتتى.
25. جەتكىزۋشى تۇتىنۋشىنىڭ الدىندا فورس-ماجورلىق ءمان-جايلاردان (ستيحيالىق قۇبىلىستار, اسكەري ءىس-قىمىلدار جانە ت.س.س), سونداي-اق جەتكىزۋشىگە بايلانىستى ەمەس ءمان-جايلاردان (ەلەكتر بەرۋ جەلىلەرىن جانە باسقا دا جابدىقتى ۇرلاۋ نەمەسە نۇقسان كەلتىرۋ جانە ت.س.س.) تۋىنداعان ەلەكتر ەنەرگياسىن بەرۋدەگى ۇزىلىستەر ءۇشىن ماتەريالدىق جاۋاپكەرشىلىكتە بولمايدى.
26. تاراپتار شارت تالاپتارىن ورىنداۋ ءۇشىن قاجەتتى ءوز اتاۋىنىڭ, زاڭدى مەكەنجايىنىڭ, ناقتى ورنالاسقان ورنىنىڭ جانە وزگە دەرەكتەمەلەردىڭ وزگەرۋى تۋرالى ءبىر-بىرىنە جەدەل حابارلاۋعا مىندەتتەنەدى.
8. قورىتىندى ەرەجە
27. شارت تاراپتار وعان قول قويعان كۇنىنەن باستاپ ءبىر جىل مەرزىمگە جاسالعان بولىپ ەسەپتەلەدى.
مەرزىمى اياقتالۋى بويىنشا شارتتى توقتاتۋ نەمەسە وزگەرتۋ تۋرالى تاراپتاردىڭ ءبىرىنىڭ ءوتىنىشى بولماعان جاعدايدا, ول شارتتى جاساۋ كەزىندە وندا كوزدەلگەن مەرزىمگە جانە سول تالاپتاردا ۇزارتىلعان بولىپ ەسەپتەلەدى.
شارت تاراپتاردىڭ كەلىسىمى بويىنشا وزگەرتىلۋى مۇمكىن.
28. وسى شارتتىڭ تالاپتارىن ورىنداۋعا بايلانىستى جەتكىزۋشى مەن تۇتىنۋشى اراسىنداعى بارلىق داۋلى ماسەلەلەر زاڭنامادا بەلگىلەنگەن تارتىپپەن شەشىلەدى.
29. شارتقا تاراپتاردىڭ ۋاعدالاستىعى بويىنشا ەنگىزىلەتىن بارلىق وزگەرىستەر مەن تولىقتىرۋلار شارت ەرەجەلەرىنە قايشى كەلمەۋى ءتيىس, قوسىمشا كەلىسىم تۇرىندە رەسىمدەلەدى, تاراپتاردىڭ ۋاكىلەتتى وكىلدەرىنىڭ قولدارى قويىلادى جانە زاڭنامادا بەلگىلەنگەن تارتىپپەن رەسىمدەلەدى.
30. وسى شارت ءاربىر تاراپقا ءبىر-بىردەن مەملەكەتتىك جانە ورىس تىلدەرىندە ەكى دانادا جاسالدى.
9. تاراپتاردىڭ دەرەكتەمەلەرى
جەتكىزۋشى تۇتىنۋشى
_________________________________ _____________________________________
_________________________________ _____________________________________
_________________________________ _____________________________________
م.و م.و. (زاڭدى تۇلعا ءۇشىن)
ەلەكترمەن جابدىقتاۋدىڭ ۇلپلىك شارتىنا 1-قوسىمشا
نىسان
№
تەڭگەرىمدىك تيىستىلىكتى ءبولۋ اكتىسى
تۇتىنۋشىنىڭ سەنىمدىلىك ساناتى___________________________
تەحنيكالىق شارتتار بويىنشا رۇقسات ەتىلگەن ەلەكتر قۋاتى
№__________________________________________________________
_______________________________________________________باستاپ
ر=_______________________________________________________كۆت,
تۇتىنۋشىنىڭ جۇمىس رەجيمى .
1. ابونەنتتىڭ تەڭگەرىمىندە مىناداي ەلەكتر قوندىرعىلارى بار:
1) اۋە جەلىلەرى______________________________________________
_____________________________________________________________
_____________________________________________________________
_____________________________________________________________
2) كابىلدىك جەلىلەر_____________________________________________
_____________________________________________________________
_____________________________________________________________
_____________________________________________________________
3) قوسالقى ستانتسيالار _________________________________________
_____________________________________________________________
_____________________________________________________________
_____________________________________________________________
4) جەلىلەردى ءبولۋ شەكاراسى_____________________________________
_____________________________________________________________
_____________________________________________________________
_____________________________________________________________
2. ونىڭ ىشىندە مىنالارعا پەرسونال قىزمەت كورسەتەدى:
1) ابونەنتتىڭ_________________________________________________
_____________________________________________________________
_____________________________________________________________
2) ەلەكتر بەرۋشى ۇيىمنىڭ______________________________________
_____________________________________________________________
_____________________________________________________________
جەتكىزۋشى: تۇتىنۋشى:
_______________________ ___________________________
ەلەكترمەن جابدىقتاۋدىڭ ۇلگىلىك شارتىنا 2-قوسىمشا
كوممەرتسيالىق ەسەپكە الۋ اسپاپتارىنىڭ تىزبەسى
ر/س
№ اتاۋى ەسەپتەۋىش ءتيپى زاۋىتتىق ءنومىرى توك ترانسفورماتورلارى ەسەپتەۋ كوەف.
1 2 3 4 5 6
جەتكىزۋشى تۇتىنۋشى
________________________________ _______________________________________
ەلەكترمەن جابدىقتاۋدىڭ ۇلگىلىك شارتىنا 3-قوسىمشا
نىسان
كىمگە________________________________________
(ەنەرگيامەن جابدىقتاۋشى ۇيىم)
كىمنەن_______________________________________ (ت.ا.ءا.)
ەلەكتر ەنەرگياسىن جەتكىزۋ تۋرالى الدىن الا ءوتىنىم
مەن,______________________________________________, سىزدەن ەلەكتر ەنەرگياسىن
___________________باستاپ__________________دەيىن مىناداي مولشەردە الدىن الا
جەتكىزۋدى سۇرايمىن.
ر/س
№ ايلار
كۆت.ساعات
تسيفرمەن جازباشا
1 قاڭتار
2 اقپان
3 ناۋرىز
4 ساۋىر
5 مامىر
6 ماۋسىم
7 شىلدە
8 تامىز
9 قىركۇيەك
10 قازان
11 قاراشا
12 جەلتوقسان
جيىنى
جەتكىزۋشى: تۇتىنۋشى:
___________________________ ______________________
ەلەكترمەن جابدىقتاۋدىڭ ۇلگىلىك شارتىنا 4-قوسىمشا
تۇتىنۋشىنى ەلەكتر جەلىلەرىنە قوسۋ سحەماسى
جەتكىزۋشى: تۇتىنۋشى:
______________________ ________________________
