مۇراجاي قىزمەتكەرى ايدانا تاجيەۆا مۇراجاي كورسەتىلىمىن 1956 جىلدىڭ 27 جەلتوقسانىنداعى قىزىلوردا وبلىسىنىڭ ميليتسيا باسقارماسىن, قىزىلوردا وبلىستىق ىشكى ىستەر باسقارماسى بولىپ قايتا قۇرۋ جايلى تاريحي بۇيرىعىمەن تانىستىرۋدان باستادى. ء ارى قاراي دەپارتامەنت تاريحىنان باستاپ مادەنيەت, سپورت سالاسىنداعى جەتىستىكتەرى, قىزمەتتىك مىندەتتەرىن وتەۋ بارىسىندا قايتىس بولعان قىزمەتكەرلەردىڭ, ىشكى ىستەر ورگاندارى ارداگەرلەرىنىڭ ومىرىنەن سىر شەرتەتىن ەكسپوناتتارمەن, فوتوستەندتەرمەن, قۇندى كىتاپتارمەن تانىستىرىپ ءوتتى.
سونداي-اق 13 جىلعا جۋىق ۋاقىت قىزىلوردا وبلىستىق ىشكى ىستەر باسقارماسىن باسقارىپ, 40 جىل ءومىرىن ىشكى ىستەر ورگاندارىنا ارناعان ميليتسيا گەنەرال-مايورى دەمەسىنوۆ ەسەن دەمەسىن ۇلىنىڭ قىزمەت بارىسىندا پايدالانىلعان زاتتارى مەن مەدالدارىن, نىساندى كيىمىن دە تانىستىرا ءوتتى. مۇندا سونىمەن بىرگە قوعامدىق ءتارتىپتى ساقتاۋ كەزىندە مەرت بولعانداردىڭ ەرلىك ىستەرى جايىندا دەرەكتەر مەن ەستەلىكتەر, كەزىندە قولدانىستا بولعان قارۋلار, تاركىلەنگەن سۋىق قارۋلار مەن وق-جاراقتار دا مۇراجايدىڭ قۇندى ەكسپوناتى.
«مۇراجاي 2007 جىلدان بەرى جۇمىس ىستەپ كەلەدى. مۇراجاي قورىندا 500-دەن اسا ەسكپونات قورى بار, ونىڭ ىشىندە قىلمىسكەر قولىنان قازا بولعان پوليتسيا قىزمەتكەرلەرى عازيز بايتاسوۆقا, تالعات قوزىباەۆقا ارنايى ەستەلىك بۇرىشى اشىلعان. مۇراجايعا كوبىنە وقۋشىلار, ستۋدەنتتەر مەن جاس قىزمەتكەرلەر ءجيى كەلەدى, مۇمكىندىگىنشە مۇراجاي ەكسپوناتتارى تۋرالى تولىق ماعلۇمات بەرەمىز» دەدى مۇراجاي قىزمەتكەرى ايدانا تاجيەۆا.
وتكەن تاريحقا كۋا ەكسپوناتتاردى تاماشالاعان قاج قىزمەتكەرلەرى وتانسۇيگىشتىك, پاتريوتتىق-رۋحاني اسەر الىپ, الداعى ۋاقىتتا وسىنداي ءىس-شارالاردىڭ ءجيى وتكىزىلۋى قىزمەتكەرلەرگە وڭ اسەرىن بەرەرى ءسوزسىز ەكەندىگى ايتىلماي قالعان جوق.
