مەملەكەتارالىق ۇيلەستىرۋ سۋ شارۋاشىلىعى كوميسسياسىنىڭ 77-ءشى وتىرىسىنا قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ۆيتسە-ءمينيسترى گروموۆ سەرگەي, قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار مينيسترلىگىنىڭ سۋ رەسۋرستار كوميتەتىنىڭ توراعاسى تۇرلىبەك ارمان, وزبەكستان رەسپۋبليكاسىنىڭ سۋ شارۋاشىلىعى ءمينيسترى حامراەۆ شاۆكات, تاجىكستان رەسپۋبليكاسى ەنەرگەتيكا جانە سۋ رەسۋرستارى مينيسترلىگى سۋ-ەنەرگەتيكا ساياساتى, عىلىم مەن تەحنيكانى دامىتۋ باسقارماسىنىڭ باستىعى دالەر ابدۋرازوكزودا, تۇرىكمەنستاننىڭ سۋ شارۋاشىلىعى مەملەكەتتىك كوميتەتى توراعاسىنىڭ ورىنباسارى دوۆلەتمۋراد ماممەدوۆ قاتىستى.
⠀⠀⠀
وتىرىس بارىسىندا سىرداريا جانە ءامۋداريا وزەندەرىنىڭ باسسەيندەرى بويىنشا 2019 جىلعى ۆەگەتاتسيالىق كەزەڭدە سۋ قويمالارى كاسكادتارىنىڭ جۇمىس رەجيمى مەن ليميتتەرىن پايدالانۋ قورىتىندىلارى تالقىلاندى.
كەلىسسوزدەر قورىتىندىسى بويىنشا 2019-2020 جىلدار ارالىعىندا سىرداريا جانە امۋداريا وزەندەرىنىڭ باسسەيندەرى بويىنشا ەلدەردىڭ سۋ الۋ ليميتتەرى مەن سۋ قويمالارى كاسكادتارىنىڭ بولجامدىق جۇمىس رەجيمى بەكىتىلدى.
⠀⠀⠀
سونداي-اق 2018 جىلعى 24 تامىزدا تۇركمەنباشي قالاسىندا وتكەن سامميتتە ايتىلعان حاقق قۇرىلتايشى مەملەكەتتەر باسشىلارىنىڭ باستامالارىن ىسكە اسىرۋ جونىندەگى مۇسك عاو اقپاراتى قارالدى.
⠀⠀⠀
مەملەكەتارالىق ۇيلەستىرۋ سۋ شارۋاشىلىعى كوميسسياسىنىڭ كەزەكتى 78-ءشى وتىرىسى تۇرىكمەنستاننىڭ استاناسى اشحاباد قالاسىندا 2020 جىلدىڭ ءبىرىنشى ونكۇندىگىندە وتەدى.
