ۇيىمنىڭ كۇن تارتىبىندە ددقا پرەزيدەنتىن, ۆيتسە-پرەزيدەنتىن جاڭا مەرزىمگە سايلاۋ, الەۋمەتتىك زەرتتەۋلەر, دەنساۋلىق, مەديتسينا, دوپينگكە قارسى ۇيىمنىڭ حالىقارالىق ستاندارتتارىنا شولۋ جانە وزگە دە وزەكتى ماسەلەلەر كوتەرىلەدى.
كونفەرەنتسياعا سپورتتىڭ بارلىق تۇرىنەن 2 مىڭعا جۋىق دەلەگات شاقىرىلعان. بۇل باسقوسۋعا قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترى ەلدوس رامازانوۆ, سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى اسقار ەسىموۆ, قازاقستاننىڭ دوپينگكە قارسى ۇلتتىق ورتالىعىنىڭ ديرەكتورى مايرا باقاشەۆا قاتىسۋدا.
كونفەرەنتسيا اياسىندا قازاقستاندىق دەلەگاتسيا ددقا باس ديرەكتورى وليۆە نيگگلەمەن, ازيا كەڭسەسىنىڭ ديرەكتورى كازۋحيرو حاياشيمەن (Kazuhiro Hayashi) ەكىجاقتى كەزدەسۋلەر وتكىزەدى.
ءىس-شارا 7 قاراشاعا دەيىن جالعاسادى.
ايتا كەتەيىك, ددقا بيىل ءوزىنىڭ 20 جىلدىعىن اتاپ وتەدى. ال قازاقستان رەسپۋبليكاسى دوپينگكە قارسى ۇلتتىق ورتالىعى قازاقستان رەسپۋبليكاسى ۇكىمەتىنىڭ 2012 جىلعى 29 جەلتوقسانداعى № 1718 قاۋلىسىنا سايكەس قۇرىلعان مەملەكەتتىك ۇيىم.
قازدقۇو قىزمەتى حالىقارالىق دوپينگكە قارسى زاڭنامالىق اكتىلەرگە سايكەس. ورتالىقتىڭ نەگىزىندە ورتا ازيا وڭىرلىك دوپينگكە قارسى ءۇيىمى (RADOCA) جۇمىس ىستەيدى, ول ورتالىق ازيا بويىنشا قازاقستان رەسپۋبليكاسى, وزبەكستان رەسپۋبليكاسى, قىرعىز رەسپۋبليكاسى, تاجىكستان رەسپۋبليكاسى, تۇرىكمەنستان, اۋعانستان يسلام رەسپۋبليكاسى, پاكىستان يسلام رەسپۋبليكاسى جانە موڭعوليادا ءىس-شارالارعا باعىت-باعدار بەرۋ جولىندا قىزمەت اتقارادى.
قازدقۇو نەگىزگى ميسسياسى سپورتشىلارعا اقپارات بەرۋ جانە ولاردى ءادىل جانە ادال ويىن قاعيداتتارىن جانە سپورتتى دوپينگتەن ساقتاۋ ءۇشىن قاجەتتى ءبىلىم مەن داعدىلارمەن قامتاماسىز ەتۋ.
