فەستيۆال 5-7 قاراشا ارالىعىندا كورەرمەندەر نازارىنا ەۋروپالىق وداققا مۇشە ەلدەردىڭ 16 ءفيلمىن, سونداي-اق ەۋروپالىق رەجيسسەرلەردىڭ ەكسكليۋزيۆتى ماستەر-كلاسستارىن ۇسىنادى. فەستيۆالدىڭ ماقساتى – ەۋروپا مادەني مۇراسىنىڭ ۇزدىك جاڭا فيلمدەرىن ۇسىنۋ, كوپشىلىك بۇقارانىڭ كينەموتوگرافيالىق ونەرگە قىزىعۋشىلىعىن ارتتىرۋ جانە حالىقارالىق ىنتىماقتاستىقتى نىعايتۋ.
شارانىڭ اشىلۋ سالتاناتىنا قازاقستانداعى ەۋروپالىق وداق ەلشىسى سۆەن-ولوۆ كارلسسون, فەستيۆالدىڭ ارنايى قوناقتارى رەجيسسەر رەنارس ۆيمبا (لاتۆيا), رەجيسسەر كارولين تيريون (بەلگيا) جانە زەرتتەۋشى ەنن لوديسۋا («مبۋدحا» ءفيلمنىڭ باستى كەيىپكەرى) قاتىستى.
ۇسىنىلعان كينو تۋىندىلاردىڭ بارلىعى بەدەلدى حالىقارالىق كينوفەستيۆالدەردىڭ جۇلدەگەرلەرى, اتاپ ايتقاندا, ءۇش «سەزار» سىيلىعىنىڭ جۇلدەگەرى – «كىشكەنتاي فەرمەر» (Bloody Milk), «داۆيد دي دوناتەللو» سىيلىعىنىڭ يەگەرى – «چامبرا» (A Ciambra), ء«ۇمىت ايىبى» (The Vice of Hope) فيلمدەرى, كانن فەستيۆالىنىڭ سىنشىلار اپتاسىنىڭ گران-پري يەگەرى – «ديامانتينو» (Diamantino), لوكارنو كينوفەستيۆالىنىڭ ادىلقازىلار القاسىنىڭ ارنايى سىيلىق جۇلدەگەرى – «رەي مەن ليز» (Ray & Liz), ۆەنەتسيا كينوفەستيۆالىنىڭ «ۇزدىك اكتەر» نوميناتسياسىنىڭ جۇلدەگەرى– «اۋليە گەورگي» (Saint George), كارلوۆى ۆارى كينوفەستيۆالىنىڭ «ۇزدىك رەجيسسەر» نوميناتسياسىنىڭ جۇلدەگەرى – «شەك» (The Line) , «قىسقى شىبىن-شىركەي» (Winter Flies), سونىمەن قاتار بۋحارەست, سلوۆەنيا, سلوۆاكيا, مونرەال, توكيو جانە ساندەنس كينوفەستيۆالدارىنىڭ بىرقاتار جۇلدەگەرلەرى.
ء«بىزدىڭ كورەرمەندەرىمىز ءار ءتۇرلى جانرداعى, قىزىقتى جەلىسى بار جانە ارتىستەر سويلەيتىن تىلدەردىڭ سانالۋاندىلىعىندا جاتقان ەۋروپالىق مادەني ارتۇرلىلىكتىڭ بايلىعىن سەزىنە الادى, ءوز كەزەگىندە, بۇل ەشكىمدى بەي-جاي قالدىرمايدى دەپ ويلايمىن. بيىل ءبىز وقىتۋ كومپونەنتىن كۇشەيتۋ ماقساتىندا قازاقستاننىڭ جاس رەجيسسەرلەرىنە كەزدەسۋ مەن تاجىريبە الماسۋعا الاڭ ۇسىندىق. فەستيۆال كينو نارىعىن دامىتۋعا سەپتىگىن تيگىزىپ, ەۋروپانىڭ ۇزدىك كينوسىن ۇسىناتىن تۇعىرناماعا اينالۋى قۋانتارلىق جايت», - دەپ اتاپ ءوتتى قازاقستانداعى ەۋروپالىق وداق ەلشىسى سۆەن-ولوۆ كارلسسون.
فەستيۆال باعدارلاماسىن لاتۆيالىق رەجيسسەر رەنارس ۆيمبانىڭ «مەن وسىندامىن» اۆتورلىق ءفيلمى اشتى. ول – بەرلين كينوفەستيۆالىنىڭ «14plus» ساناتىنداعى ەڭ ۇزدىك كوركەم ءفيلمى ءۇشىن «حرۋستال ايۋ» جۇلدەسىنىڭ يەگەرى. ۆيمبانىڭ ءفيلمى – جالعىزدىق, العاشقى ماحاببات جانە ءجاسوسپىرىمنىڭ العاشقى ساتسىزدىكتەرى, سىناقتارى مەن ەرەسەك ءومىردىڭ ءبىرىنشى جەڭىستەرى تۋرالى وقيعا.
6 قاراشا كۇنى تۇران ۋنيۆەرسيتەتىندە فيلم جاساۋ, پيتچينگ جانە دەرەكتى فيلم ءتۇسىرۋ تاقىرىبىندا رەجيسسەرلەر رەنارس ۆيمبا مەن كارولين تيريوننىڭ كينەماتوگرافيستەرگە ارنالعان ارنايى ماستەر-كلاسستارى وتەدى.
ال 7 قاراشا كۇنى فەستيۆالدى كارولين تيريوننىڭ «مبۋدحا» دەرەكتى ءفيلمى اياقتايدى. كينوفيلمدە ەنن لوديسۋانىڭ كونگو دەموكراتيالىق رەسپۋبليكاسىنا جاسالعان ەكسپەديتسياسى كورسەتىلگەن. فيلم فرانتسيانىڭ گرەنوبل قالاسىندا 2019 جىلى وتكەن Les Clefs de l'Aventure فەستيۆالىنىڭ جۇلدەگەرى.
فەستيۆال فيلمدەرى بەدەلدى ەۋروپالىق Cineuropa پورتالىمەن بىرگە ىرىكتەلدى. فيلمدەردىڭ باسىم كوپشىلىگى بىرنەشە ەۋروپالىق ەلدەردىڭ بىرلەسكەن وندىرىسىمەن شىعارىلعان. فيلمدەر ورىس تىلىندەگى سۋبتيترلەرمەن بىرگە تۇپنۇسقا تىلىندە كورسەتىلەدى, سونداي-اق كورەرمەندەرگە كىرۋ تەگىن.
