كۇزگى لاگەرگە وبلىستاعى ءبىلىم وشاقتارىنان 50 بالا ىرىكتەلىپ الىنعان ەكەن. بارلىعى بىردەي قيىن بالالار ەمەس, اراسىندا بەلسەندى ءارى ۇزدىك وقۋشىلار دا بار. ماماندار ارنايى جوسپارلى جۇمىستارىن جۇرگىزىپ, بالالاردىڭ ۋاقىتىن پايدالى ءارى قىزىقتى وتكىزۋدە.
– كۇزگى ماۋسىمدا ءتۇرلى قۇقىق بۇزۋشىلىقتار جاساعان جاسوسپىرىمدەرمەن جۇمىس جۇرگىزۋ ءۇشىن بالالاردى جينادىق. مەنىڭ ويىمشا, جۇمىستىڭ مۇنداي باعىتى, ياعني جاڭا فورماتى ءتيىمدى بولماق. تاربيەنىڭ ناتيجەلى بولۋى, ولاردىڭ تىلىندە سويلەپ, قىزىعۋشىلىقتارىن ءبىلۋ, – دەيدى وبلىستىق كامەلەتكە تولماعانداردىڭ ءىسى جونىندەگى مامانداندىرىلعان اۋدانارالىق سوتىنىڭ ءتورايىمى ايسۇلۋ جۇماتوۆا.
جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ قاجەت ەكەنى بەلگىلى. بيىل – جاستار جىلى. وسى جىلدىڭ شاراپاتى دا از ەمەس. وبلىستا اتقارىلىپ جاتقان جۇمىستاردىڭ نەگىزگى باعىتتارىنىڭ ءبىرى بالالاردىڭ قۇقىقتارى مەن زاڭدى مۇددەلەرىن قورعاۋ جانە ولاردىڭ ءومىر ءسۇرۋ ساپاسىن جاقسارتۋ.
– كامەلەتتىك جاسقا جەتپەگەن جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋ ماقساتىندا كۇزگى دەمالىس كەزىندە العاش رەت لاگەر ۇيىمداستىرۋدى ۇيعاردىق. «بالالىق شاقتىڭ پلانەتاسى» دەپ اتالادى. ماقساتىمىز دەمالىس ۋاقىتىندا بالالارمەن كوبىرەك جۇمىس ىستەۋ, – دەيدى وبلىستىق ءبىلىم باسقارماسى باسشىسىنىڭ ورىنباسارى بوتاگوز دۇيسەنوۆا.
بالالارمەن ارنايى ماماندار ءتۇرلى ترەنينگتەر وتكىزۋدە. سونىمەن قاتار بالالارعا ارنالعان جوبالار, فورۋمدار جانە ءىس-شارالار ارقىلى وقۋشىلار ءوز پىكىرلەرىن ورتاعا سالىپ, جان-جاقتى دامۋعا مۇمكىندىك الىپ وتىر.
– ماعان كۇزگى لاگەرگە باراسىڭ دەگەندە قاتتى قۋاندىم. بۇل جەردە ۋاقىتتى وتە كوڭىلدى وتكىزۋدەمىز, – دەيدى كوكشەتاۋ قالاسىنداعى №16 ورتا مەكتەپءتىڭ وقۋشىسى الەكساندر سترابىكين.
قيىن بالالارمەن جۇمىس ىستەۋ دە وڭاي ەمەس. ايتسە دە بۇرىنعى جاتتاندى جۇمىسقا قاراعاندا, تىڭعا سالعان سوقپاق ءتيىمدى بولا ما دەگەن ءۇمىت مول.
اقمولا وبلىسى
