«اقپاراتتىق تۋردىڭ ماقساتى ء–ار ءوڭىردىڭ تۋريستىك الەۋەتى جايلى مالىمەت جيناپ, ىشكى ءتۋريزمنىڭ دامۋىنا سەرپىن بەرۋ.
تۋروپەراتورلاردىڭ پىكىرىنشە, تاريحى تەرەڭنەن باستاۋ الاتىن ەجەلگى ۇلى جىبەك جولىنىڭ بويىنداعى قالالارعا بارۋشىلار سانى كوپ بولماق. وعان شەتەلدىك تۋريستەر عانا ەمەس, قازاقستاندىقتار دا قىزىعۋشىلىق تانىتادى دەگەن سەنىمدە.
سونداي-اق اقپاراتتىق تۋرعا قاتىسۋشىلار ءاربىر وڭىردە كەزدەسەتىن, دەگەنمەن ءتۇپ تامىرى ورتاق ماسەلەنىڭ بارلىعىن اڭعاردى. ونىڭ ىشىندە, شەت تىلدەرىن مەڭگەرگەن ەكسكۋرسيا جۇرگىزۋشى مامانداردىڭ تاپشىلىعى, تۋريستىك ماڭىزى بار نىسانداردا قولايلى جاعدايدىڭ جوقتىعى, مەيمانداردى كۇتۋ مادەنيەتىنىڭ ءالى قالىپتاسا قويماعاندىعى, شيپاجايلاردا ەم-دومدى ۇزاق قابىلدايتىندارعا ارنايى مادەني باعدارلامانىڭ ۇيىمداستىرىلمايتىنى سىندى ماسەلەلەر تەزدەتىپ شەشىمىن تابۋى ءتيىس.
«مۇنداي اقپاراتتىق تۋرلاردى ۇيىمداستىرۋ ارقىلى ءبىز ەلىشىلىك تۋر باعدارلاماسىنا قانداي نىسانداردى ەنگىزۋگە بولاتىنىن انىقتاي الامىز. سونداي-اق بولاشاعى بار تۋرونىمدەردى قالىپتاستىرۋ ءۇشىن ءالى قانداي جۇمىستار اتقارىلۋ قاجەتتىگى جايلى ۇسىنىس بەرە الامىز», دەيدى اقپاراتتىق تۋرعا قاتىسۋشىلاردىڭ ءبىرى سالتانات ابجانوۆا.
تۋريزم سالاسىندا تاجىريبەسى مول قىزمەتكەردىڭ پىكىرىنشە, ءدامحانالاردا اس ءمازىرىن ءۇش تىلدە جازۋ, مادەني باعدارلامانى قالىپتاستىرۋ سىندى ءاربىر ۇساق-تۇيەك ءتۋريستىڭ جادىندا ساقتالارى انىق.
ەستەرىڭىزگە سالا كەتسەك, وسى جىلدىڭ مامىر ايىندا وتكەن رەسپۋبليكالىق اقپاراتتىق تۋرعا ەلىمىزدىڭ باتىسىنداعى 4 ايماقتان جينالعان تۋروپەراتورلار نۇر-سۇلتان – بۋراباي – شىمكەنت – سارىاعاش – الماتى – الماتى وبلىسى – شىعىس-قازاقستان وبلىسى باعىتى بويىنشا ساپار شەككەن بولاتىن», دەلىنگەن حابارلامادا.
