ءبىر قىزىعى, مەنشىككە سالىق تولەۋگە سالعىرت قارايتىنداردىڭ دەنى پوليتسيا قىزمەتكەرلەرى مەن اسكەري قىزمەتشىلەر ەكەن. شاھاردىڭ كىرىستەر ورگاندارى مەملەكەتتىك قىزمەتكەرلەردىڭ تۇرعىلىقتى مەكەنجايى جانە جۇمىس ورنى بويىنشا پايدا بولعان بەرەشەكتى وتەۋ قاجەتتىگى تۋرالى حابارلاما دا جىبەرگەن.
ماسەلەن, مەنشىك سالىعى بويىنشا جۇرگىزىلگەن مونيتورينگ ناتيجەسىندە ىشكى ىستەر ورگاندارىنىڭ 289 قىزمەتكەرى, اسكەري بولىمدەردىڭ 218 قىزمەتكەرى, قارجى قۇرىلىمى سالاسىندا ەڭبەك ەتەتىن 67 جەكە تۇلعا جەكە م ۇلىك سالىعىن كەشىكتىرگەن. ماماندار بورىشكەرلەر تىزىمىندە اكىمدىك قىزمەتكەرلەرىنەن باستاپ باسقا دا مەملەكەتتىك ورگان وكىلدەرىنىڭ بارىن ايتادى.
– مەنشىك سالىعىن تولەۋ مەرزىمى قازان ايىنىڭ العاشقى كۇنى اياقتالعانىن ەسكە سالامىز. جەكە تۇلعالاردىڭ كولىك قۇرالدارىنا بيىلعى سالىناتىن سالىق جەلتوقساننىڭ سوڭىنا دەيىن تولەنۋى ءتيىس. ەگەر ۋاقىتىندا تولەنبەگەن جاعدايدا قايتا قارجىلاندىرۋدىڭ رەسمي ستاۆكاسىنىڭ 1,25 ەسەلەنگەن مولشەرىندە ءوسىمپۇل ەسەپتەلەدى. سونىمەن قاتار ەلىمىزدە 2019 جىلدىڭ 16 شىلدەسىنەن باستاپ سالىقتار بويىنشا ءوسىمپۇلداردى ەسەپتەن شىعارۋ جانە جەكە تۇلعالار ءۇشىن سالىقتىق راقىمشىلىق جاساۋ تۋرالى زاڭ كۇشىنە ەندى. وسىلايشا 2019 جىلدىڭ 1 قاڭتارىنا دەيىن سالىق كەزەڭدەرى ءۇشىن سالىقتىڭ نەگىزگى سوماسىن تولەگەن جاعدايدا ءوسىمپۇلدى ەسەپتەن شىعارۋ جولىمەن جۇرگىزىلەتىن سالىقتىق راقىمشىلىق تۋرالى سالىق تولەۋشىلەر مەن جەكە تۇلعالاردىڭ قاپەرىنە جەتكىزگىمىز كەلەدى, – دەيدى الماتى قالاسى بويىنشا مەملەكەتتىك كىرىستەر دەپارتامەنتىنىڭ ماماندارى.
وسىعان بايلانىستى پايدا بولعان بەرەشەكتى شەكتەۋ جانە وزگە دە ماجبۇرلەپ ءوندىرىپ الۋ شارالارىن قابىلداۋدى بولدىرماۋ ءۇشىن قۇزىرلى ورگان ميلليوندار توعىسقان مەگاپوليس تۇرعىندارىن مەملەكەت الدىنداعى مىندەتتەمەلەرىن ۋاقىتىندا ورىنداۋعا, سونداي-اق جۇرگىزىلىپ جاتقان سالىقتىق تالاپتاردى پايدالانا وتىرىپ, جيناقتالعان بورىشتاردان بوساتۋعا شاقىردى.
الماتى
