سونداي-اق ترانزيتتىك جۇكتەردى باقىلاۋ تاۋەكەلدەردى باسقارۋ جۇيەسى مەن تەحنيكالىق قۇرالداردى باقىلاۋ ناتيجەلەرى شەڭبەرىندە عانا جۇزەگە اسىرىلاتىنىن اتاپ ءوتۋ قاجەت. ەگەر جۇيە تەكسەرۋگە ۇسىنىستار بەرمەسە جانە ينسپەكتسيالىق-تەكسەرۋ كەشەندەرى سايكەسسىزدىكتەردى انىقتاماسا, وندا ترانزيتتىك جۇكتەر كىدىرىسسىز مارشرۋت بويىنشا جۇرەدى.
الايدا زاڭنامانى بۇزعان بيزنەس سۋبەكتىلەرى بار. بيىلعى 9 ايدا 842 زاڭ بۇزۋشىلىق انىقتالىپ, تاۋارلاردى ترانزيتتىك تاسىمالداۋ كەزىندە 72,5 ملن تەڭگە ايىپپۇل سالىندى.
«ەۋرازيالىق ەكونوميكالىق وداق بويىنشا ارىپتەستەرمەن ءترانزيتتى قاداعالاۋ بويىنشا ناۆيگاتسيالىق پلومبا ەنگىزۋ جوباسى ازىرلەنۋدە. مۇنداي پلومبالاردى قولدانۋ كەدەندىك راسىمدەردى قوسىمشا جەڭىلدەتۋگە مۇمكىندىك بەرەدى جانە تەكسەرۋ جانە فيزيكالىق سۇيەمەلدەۋ تۇرىندە باقىلاۋدىڭ فيزيكالىق شارالارىن الىپ تاستاۋ ەسەبىنەن بيزنەسكە اكىمشىلىك جۇكتەمەنى ازايتادى», دەپ اتاپ ءوتتى ق. ىسماعۇلوۆ.
پيلوتتىڭ جوبا قازىردىڭ وزىندە قازاقستان مەن رەسەيدىڭ كەدەن ورگاندارى اراسىندا وتكىزىلدى. ەندى ەاەو-نىڭ باسقا ەلدەرىنىڭ قاتىسۋىمەن كوپجاقتى وتكىزۋ جوسپارلانىپ وتىر.
ق. ىسماعۇلوۆتىڭ ايتۋىنشا, TIR EPD جۇيەسى بويىنشا الدىن الا اقپارات بەرەتىن جانە شەكتەس تاراپتا حجت جۇيەسىن اشاتىن تاسىمالداۋشىلار ءۇشىن ترانزيت جەتىلدىرىلەدى. اتاپ ايتقاندا, مۇنداي تاسىمالداۋشىلار ءۇشىن وتكىزۋ پۋنكتتەرىندە جەكەلەگەن قوزعالىس جولاقتارى ۇيىمداستىرىلدى جانە تاۋەكەلدەردى باسقارۋ جۇيەسى وڭايلاتىلادى.
