كونفەرەنتسيا بارىسىندا كوپتىلدى ءبىلىم بەرۋدى جۇزەگە اسىرۋداعى مەكتەپكە دەيىنگى جانە باستاۋىش ءبىلىم بەرۋ ساباقتاستىعى, كوپتىلدى ءبىلىم بەرۋ جاعدايىنداعى مەملەكەتتىك ءتىلدىڭ ءرولى, ءتىل مەن پانگە كىرىكتىرىلگەن وقىتۋ ادىستەمەسىن (CLIL) ەنگىزۋ جانە دامىتۋدىڭ وزەكتى ماسەلەلەرى, ۇلتتىق مەكتەپتەردە ءۇشتىلدى ءبىلىم بەرۋدى دامىتۋ, سونداي-اق كوپتىلدى تۇلعانى قالىپتاستىرۋداعى ءۇشتىلدى ءبىلىم بەرۋدىڭ ءرولى تاقىرىپتارى تالقىلاندى. «ورلەۋ» باۇو» اق فيليالى الماتى قالاسى بويىنشا پق باي ديرەكتورى, پ.ع.د. سادۆاكاسوۆا رايسا اجداروۆنا ءۇشتىلدى ءبىلىم بەرۋ ستراتەگياسىن دامىتۋ ماقساتىندا ۇيىمداستىرىلعان حالىقارالىق دارەجەدەگى كونفەرەنتسياعا قاتىسۋشىلاردى قۇتتىقتاپ, ءىس-شارا بارىسىندا قاراستىرىلاتىن ماسەلەلەردىڭ ءتيىمدى شەشىم تاباتىنىنا سەنىم ءبىلدىردى.
كونفەرەنتسيا جۇمىسىنا اقش ەلشىلىگىنىڭ, بريتان كەڭەسىنىڭ, فرانتسۋز اليانسىنىڭ وكىلدەرى, ەقىۇ شقنم ايماقتىق مەكتەبىنىڭ (ەستونيا, قىرعىزستان), جوعارى وقۋ ورىندارىنىڭ (كيمەپ, سدۋ) ساراپشىلارى, الماتى قالاسى ءبىلىم باسقارماسىنىڭ وكىلدەرى, مەكتەپكە دەيىنگى جانە باستاۋىش ءبىلىم بەرۋ پەداگوگ قىزمەتكەرلەرى, ءپان مۇعالىمدەرى, بۇقارالىق اقپارات قۇرالدارىنىڭ وكىلدەرى قاتىستى.
كونفەرەنتسيادا سينگاپۋردان, ۋكراينادان كەلگەن قاتىسۋشىلاردىڭ بەينەدارىستەرى جانە الەمنىڭ ءتۇرلى ەلدەرىنەن كەلگەن كوپتىلدى ءبىلىم بەرۋ سالاسىنداعى ساراپشىلارمەن سۇحباتتارى ۇسىنىلدى. قاتىسۋشىلار كونفەرەنتسيانىڭ دايىندىق جانە وتكىزۋ دەڭگەيىن جوعارى باعالادى.
الماتى
