تانىمدىق ويىندى ماحامبەت ۋنيۆەرسيتەتىنىڭ فيلولوگيا فاكۋلتەتى ستۋدەنتتەرى ۇيىمداستىرعان. سايىسقا ۋنيۆەرسيتەت ستۋدەنتتەرىنەن قۇرالعان «بولاشاق», «جاس قىران», «جىبەك», «كومەتا», «بىلگىرلەر», «سامعاۋ» اتتى 6 كوماندا قاتىستى.
- ويىننىڭ ماقساتى – اباي ءومىرى مەن شىعارماشىلىعىن جاس ۇرپاققا ناسيحاتتاۋ, ءتىل مادەنيەتىن كوتەرۋ, تالاپتى, تالانتتى جاستاردى تابۋ بولاتىن. ويىنعا قاتىسۋشىلارعا جول كارتاسى بەرىلدى. وسى كارتا بويىنشا كوماندالار ءبىرىنشى بەكەتتە اباي اندەرىن ورىنداسا, ەكىنشى بەكەتتە ابايدىڭ ولەڭدەرىن جاتقا وقىدى. ءۇشىنشى بەكەتتە حاكىمنىڭ شىعارماشىلىعىنان ءتۇرلى سۇراق قويىلسا, ءتورتىنشى بەكەتتە اقىن ءومىرى مەن ول تۋرالى زەرتتەۋ ەڭبەكتەرىنەن ساۋالدار بەرىلدى. سوڭعى, بەسىنشى بەكەتتە ويىنعا قاتىسۋشىلار ورال قالاسىنىڭ ورتالىعىندا ورىن تەپكەن اباي ەسكەرتكىشىنىڭ جانىندا فوتوسۋرەتكە ءتۇستى, - دەيدى وسى تانىمدىق ويىندى ۇيىمداستىرۋشىلاردىڭ ءبىرى, ۋنيۆەرسيتەتتىڭ فيلولوگيا فاكۋلتەتىنىڭ 3-كۋرس ستۋدەنتى اياجان قۋانىشەۆا.
قازىلار القاسى سايىستا تاپقىرلىق پەن جەدەلدىك تانىتقانى ءۇشىن ۋنيۆەرسيتەتتىڭ مادەنيەت جانە ونەر فاكۋلتەتى ستۋدەنتتەرىنەن قۇرىلعان «جىبەك» كومانداسىنا 1 ورىن جۇلدەسىن تابىستادى. ەكىنشى ورىن فيلولوگيا فاكۋلتەتىنىڭ «سامعاۋ» كومانداسىنا, ءۇشىنشى جۇلدە جاراتىلىستانۋ-گەوگرافيا فاكۋلتەتىنىڭ «كومەتا» كومانداسىنا بۇيىردى. ويىن جەڭىمپازدارى ارنايى ديپلومدارمەن جانە ەستەلىك سىيلىقتارمەن ماراپاتتالدى.
باتىس قازاقستان
