بۇل شارانىڭ ماقساتى – جاسوسپىرىمدەر اراسىندا بولاتىن قىلمىستىڭ الدىن الۋ, ساباقتان جالتارىپ, كوشەدە قايىر سۇراۋمەن اينالىسىپ جۇرگەن كامەلەتكە تولماعان بالالاردى جانە ولاردى وسى ىسكە تارتقان اتا-انالاردى انىقتاۋ بولاتىن. ەكى كۇن ىشىندە اتا-اناسىنىڭ قاداعالاۋىنسىز ءتۇن مەزگىلىندە كوشەدە جۇرگەن 88 ءجاسوسپىرىم پوليتسيانىڭ قولىنا تۇسكەن. ءسويتىپ ولاردىڭ اتا-اناسىنا ءتيىستى اكىمشىلىك جازا قولدانىلدى. 13 وتباسى ءوزىنىڭ اتا-انالىق مىندەتىن دۇرىس اتقارماعانى ءۇشىن, تاعى 5 ازامات كوپشىلىك ورىنداردا جۇرتتىڭ مازاسىن العانى ءۇشىن اكىمشىلىك جاۋاپكەرشىلىككە تارتىلدى.
«ەرەسەكتەردىڭ قاداعالاۋىنسىز كەتىپ, قاڭعىباستىققا سالىنعان 3 ءجاسوسپىرىم بالالارعا ارنالعان ارنايى ورتالىققا ورنالاستىرىلدى» دەيدى بقو پوليتسيا دەپارتامەنتى ءباسپاسوز قىزمەتى.
باتىس قازاقستان
