ر. ەڭسەباەۆ سالىقتىق بونۋستار تولەۋشىلەرگە مىندەتتى تۇردە چەك الۋعا جاقسى موتيۆاتسيا بولاتىنىن اتاپ ءوتتى.
«0,5% – سالىق بونۋسى. ءبىز بۇل ماسەلە بويىنشا ءالى جۇمىس ىستەپ جاتىرمىز. الەمدىك تاجىريبە كورسەتكەندەي, بۇل ءتيىمدى مەحانيزم. ءبىز قازىر جوسپارلاپ وتىرمىز, كەلەسى جىلى ءبىز ونى پيلوتتىق جوبا رەتىندە ورىندايمىز جانە مۇمكىن بولسا 2021 جىلدان باستاپ بۇل شەشىمدى اۋقىمدى تۇردە قولدانامىز», — دەدى ۆيتسە-مينيستر.
ونىڭ ايتۋىنشا, سالىقتىق بونۋس حالىقتى تولەم كارتالارى ارقىلى نەمەسە فيسكالدى چەكتەر الۋمەن قولما-قول اقشامەن تولەۋگە ىنتالاندىرۋعا جول اشادى, وسىلايشا, سالىق ورگاندارى كاسىپكەرلەر مەن كومپانيالاردىڭ بارلىق اينالىمىن كورە الاتىن بولادى.
«بۇل ەكوجۇيەنىڭ ەكىجاقتى بولۋىنىڭ ماڭىزى وتە زور, تۇرعىنداردى ىنتالاندىرۋ ءۇشىن چەكتەردى بەرۋدى تالاپ ەتۋمەن شەكتەلمەۋى ءتيىس. ويتكەنى سالىق ينسپەكتورلارىنىڭ وزدەرى وسى اۋقىمدى سالىق پروتسەسىن اكىمشىلەندىرە المايدى, سوندىقتان ادامدار ساتۋشىلاردان چەكتەردى تالاپ ەتۋگە مۇددەلى بولادى. چەكتە ساتىپ الۋ باعاسى تۋرالى بارلىق اقپارات قامتىلادى. ءبىز قازىر بۇل قۇننىڭ قانشا بولىگى جەكە كابينەتكە, سالىق ءاميانىنا تۇسەتىنىن پىسىقتاپ جاتىرمىز, ءبىز مۇنى ازىرلەۋدەمىز, سىزدەر ساتىپ الۋشى رەتىندە دە, ازاماتتار رەتىندە دە سالىقتى نەمەسە باسقا دا تولەمدەر مەن ايىپپۇلداردى تولەۋ ەسەبىنە پايدالانۋعا بولاتىن وزىڭىزگە بەلگىلى ءبىر سومانىڭ قالاي ءتۇسىپ جاتقانىن كورەتىن بولاسىزدار», — دەپ ءتۇسىندىردى ول.
ر. ەڭسەباەۆ اتاپ وتكەندەي, بۇل پروتسەسس اۆتوماتتى تۇردە جولعا قويىلاتىن بولادى.
ء«بىز ۇنەمى ادام ءوزىنىڭ سالىق نەمەسە ايىپپۇل قارىزى بار ەكەنىن بىلمەي قالدى, سوندىقتان بارمادى, ال ونىڭ ەسەپشوتى بۇعاتتالدى دەپ ايتامىز. ءبىز وسىنداي اقپاراتتى جيناقتايتىن ينتەللەكتۋالدى جۇيەنى جاساپ جاتىرمىز, ياعني باعاسى ساتىپ الۋلارعا بايلانىستى جانە ايىپپۇل پايدا بولسا, ول اۆتوماتتى تۇردە تولەنەتىن بولادى», — دەدى ۆيتسە-مينيستر.
سونىمەن قاتار, قارجى ۆيتسە-ءمينيسترى 0,5% دەگەن مولشەردىڭ الدىن الا ەسەپتەۋلەر بويىنشا عانا ەكەنىن ايتتى. بۇل تەتىككە وزگەرىستەر مەن تولىقتىرۋلار ەنگىزىلەدى دەپ كۇتىلۋدە.
ء«بىز تاعى دا ءتۇرلى تولىقتىرۋلار ەنگىزۋدى كوزدەپ وتىرمىز. وتاندىق وندىرۋشىلەر دە وسى جۇيەگە قوسىلۋعا ءتۇرلى قىزىعۋشىلىقتار تانىتىپ وتىر. ولار مۇمكىن, قوسىمشا بونۋستار بەرەتىن بولادى», — دەپ قوستى ر. ەڭسەباەۆ.
