«QazIndustry» قازاقستاندىق يندۋستريا جانە ەكسپورت ورتالىعى» اق قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 30 قاراشاداعى № 1128 بۇيرىعىمەن بەكىتىلگەن وتاندىق وڭدەلگەن تاۋارلاردى ىلگەرىلەتۋ بويىنشا يندۋستريالىق-يننوۆاتسيالىق قىزمەت شىعىندارىنىڭ ءبىر بولىگىن وتەۋ ەرەجەلەرىنە سايكەس (بۇدان ءارى - ەرەجە) مەملەكەتتىك قولداۋ شارالارىنىڭ وپەراتورى رەتىندە كەلەسىنى حابارلايدى:
- قر ساۋدا جانە ينتەگراتسيا ءمينيسترىنىڭ 2019 جىلعى 16 قازانداعى №67 بۇيرىعىمەن جوعارىدا كورسەتىلگەن ەرەجەگە وزگەرىستەر مەن تولىقتىرۋلار ەنگىزىلدى.
- قر ساۋدا جانە ينتەگراتسيا مينيسترلىگىنىڭ تاپسىرماسىنا سايكەس اعىمداعى جىلعا وتىنىمدەردى قابىلداۋدى اياقتاۋ مەرزىمى 2019 جىلدىڭ 1 قاراشاسىنان باستاپ 1 جەلتوقسانىنا دەيىن ۇزارتىلدى جانە جوعارىدا كورسەتىلگەن وزگەرىستەردى ەسكەرە وتىرىپ جۇرگىزىلەدى.
وتىنىمدەردى قابىلداۋ مىنا مەكەن-جاي بويىنشا جۇزەگە اسىرىلادى: نۇر-سۇلتان ق., قابانباي باتىر داڭعىلى 17, (بلوك ە, 5-قابات, كاب.502 (كەڭسە) نەمەسە www.export.gov.kz web-پورتالى ارقىلى, انىقتاما ءۇشىن تەلەفون: 8 (7172) 98-37-87 (ىشكى: 444).
جوعارىدا كورسەتىلگەن تۇزەتۋلەرمەن مەملەكەتتىك قولداۋ شارالارىنا جاتاتىن شىعىنداردى راستاۋ ءۇشىن قۇجاتتار تىزبەسى ايتارلىقتاي وزگەرتىلدى.
ەرەجەنىڭ 4-تارماعىنا سايكەس قولداۋ شارالارىن الۋ ءۇشىن مىناداي قۇجاتتاردى ۇسىنۋ قاجەت: ءوتىنىم, تاۋاردىڭ شىعۋ تەگىن راستايتىن قۇجاتتار, تاپسىرىس بەرىلەتىن جۇمىستار مەن قىزمەتتەرگە ارنالعان شارتتاردىڭ كوشىرمەلەرى, تولەم قۇجاتتارىنىڭ جانە ورىندالعان جۇمىستار اكتىلەرىنىڭ كوشىرمەلەرى.
سونىمەن قاتار, شىعىندار تۇرىنە بايلانىستى شىعىستاردى راستاۋ ءۇشىن ەرەجەنىڭ 13-تارماعىنا سايكەس قۇجاتتاردى قوسىمشا ۇسىنۋ قاجەت.
ەرەجەنىڭ 4-تارماعىنىڭ 1-6-تارماقشالارىنا سايكەس شىعىندار بويىنشا ەرەجەگە جوعارىدا اتالعان وزگەرىستەردى ەسكەرە وتىرىپ, ءوتىنىم بەرۋ كۇنىنە دەيىن 32 ايدان ەرتە ەمەس شەككەن شىعىستار وتەلۋگە جاتادى.
ەرەجەنىڭ 4-تارماعىنىڭ 7-تارماقشالارىنا سايكەس شىعىندار بويىنشا 2019 جىلعى 1 قاڭتاردان باستاپ ەرەجەگە جوعارىدا اتالعان وزگەرىستەردى ەسكەرە وتىرىپ, ءوتىنىم بەرۋ كۇنىنە دەيىن, بىراق اعىمداعى جىلعا وتىنىمدەردى قابىلداۋدى اياقتاۋ مەرزىمىنەن كەشىكتىرمەي شەككەن شىعىستار وتەلۋگە جاتادى.
مەملەكەتتىك قولداۋ شارالارىن الۋ ءتارتىبى بويىنشا ەگجەي-تەگجەيلى اقپارات, ەرەجەگە سايكەس وتاندىق وڭدەلگەن تاۋارلاردى ىلگەرىلەتۋ بويىنشا قۇجاتتاردىڭ تولىق تىزبەسى www.export.gov.kz web-پورتالىندا جانە كورپوراتيۆتىك www.kidi.gov.kz سايتىندا بار.
