تەحنولوگيا • 01 قاراشا، 2019

IT بايقاۋىنىڭ ۇزدىكتەرى ماراپاتتالدى

221 رەتكورسەتىلدى

اقپاراتتىق كوممۋنيكاتسيالىق تەحنولوگيالار دامۋ مەن العا جىلجۋ باعىتىندا ۋاقىت وزدىرماي يگەرەتىن مۇمكىندىكتەردىڭ ءبىرى رەتىندە ەلىمىزدىڭ كوپتەگەن جوعارى وقۋ ورىندارىنىڭ بىلىكتى ماماندار دايارلاۋ باعدارلاماسىنا ەندى. وقۋ ورىندارى ستۋدەنتتەردىڭ بىلىكتىلىگىن ارتتىرىپ، تاجىريبەلەرىن بايىتۋ ءۇشىن ءىت يندۋسترياسىنىڭ كوشباسىندا تۇرعان كومپانيالارمەن بايلانىس ورناتۋدىڭ ماڭىزدى ەكەنى تۇسىنىكتى.

جاستار دا ءىت يندۋسترياداعى ءىرى كومپانيالاردا تاجىريبەدەن ءوتىپ، جۇمىسقا ورنالاسۋ ءۇشىن جاس ماماندار باسەكەگە قابىلەتتىلىك تالاپتارىن بەلسەندى يگەرىپ كەلەدى. جاقىندا Huawei كومپانياسىنىڭ ەلىمىزدەگى وكىلدىگىنىڭ ۇيىمداستىرۋىمەن باستالعان اقپاراتتىق كوممۋنيكاتسيالىق تەحنولوگيالار بايقاۋى مارەگە جەتكەن بولاتىن. ءال-فارابي اتىنداعى قازۇۋ كىتاپحاناسىندا جەڭىمپازداردى قۇتتىقتاۋ سالتاناتى ءوتتى. ءال-فارابي اتىن­داعى قازۇۋ، ل.ن.گۋميلەۆ اتىنداعى ەۇۋ، الماتى ەنەرگەتيكا جانە بايلانىس ۋني­ۆەرسيتەتى، قبتۋ، سدۋ ۋنيۆەر­سيتەت­تەرىنەن قاتىسقان مىڭنان استام ستۋدەنت بايقاۋدىڭ العاشقى كەزەڭىندە جوعارى كورسەتكىشتەرىمەن كوزگە ءتۇسىپ، ولاردىڭ اراسىنان 70-ءسى وزا شاۋىپ العا شىقتى. ال ىرىكتەۋ كەزەڭىندە 10 جەڭىمپاز تەحنولوگيا ءتىلىن جەتىك مەڭگەرگەندەر ساناتىنا قوسىلدى.

 «Huawei Technologies Kazakhstan» جشس ديرەكتورى چجان تسينگو كونكۋرسقا قاتىسقان قازاقستاندىق ستۋدەنتتەرگە ءسات-ساپار تىلەدى. ول: «ستۋدەنتتەردىڭ بەل­سەندىلىگىنە، قابىلەتىنە ءتانتى بولدىق. سىزدەر قازاقستاننىڭ اقپاراتتىق-كوممۋ­نيكاتسيالىق سالاسىنىڭ بولاشاعىن قامتي­­سىزدار دەگەن ۇمىتتەمىن. ۇلتتىق كەزەڭنىڭ جەڭىمپازى بولعان 10 ستۋدەنت ەندىگى كە­زەكتە 50 ەلدىڭ ۇزدىكتەرى قاتىساتىن حا­لىق­ارالىق فينالدا قازاقستاننىڭ نامىسىن لايىقتى قورعايدى دەپ سەنەمىز. IT يندۋسترياسىنىڭ جەتەكشى وكىلى رەتىندە  ءبىز اقپاراتتىق-كوممۋنيكاتسيالىق تەحنولوگيالار سالاسىنداعى ءبىلىم بەرۋ، عىلىمي جانە قولدانبالى قىزمەتتەردى ىلگەرىلەتۋگە كۇش سالامىز. بولاشاقتا ۋنيۆەرسيتتەرمەن اراداعى بايلانىس­تى نىعايتىپ، وسى سالاداعى جاستاردى ىنتالاندىرۋعا تىرىسامىز»، دەپ اتاپ ءوتتى.

الەمگە ايگىلى كوللەدجدەر مەن ۋني­ۆەر­سيتەتتەردىڭ وكىلدەرى قاتىساتىن يننو­ۆاتسيالىق كونكۋرس بارىسىندا قاتىسۋ­شىلارعا IoT، Big Data جانە جاساندى ينتەللەكت سياقتى وزىق تەحنولوگيالاردى ناقتى جاعدايلاردا قول­دانۋعا مۇمكىندىك بەرىلەدى. مۇنداي باي­قاۋ العاش رەت 2015 جىلى قىتايدا وتكىزىلگەن. جەتى مىڭنان استام ستۋدەنت قاتىسقان بايقاۋدىڭ اياسى جىلدان-جىل­عا كەڭەيىپ، ۇلىبريتانيا، يتاليا، اۋس­تراليا، مىسىر، وڭتۇستىك افريكا، رەسەي، ءۇندىستان مەملەكەتتەرىنەن قاتى­سۋشىلاردىڭ سانى بۇگىندە 40 مىڭنان اسادى.

قازاقستاندا وتكەن بايقاۋدا ۇلتتىق كەزەڭنىڭ ناتيجەسى بويىنشا ءبىرىنشى ورىندى ەۋرازيا ۇلتتىق ۋنيۆەرسيتەتىنىڭ ستۋدەنتى اقنيەت نۇرجاۋباەۆ جەڭىپ الدى. ەكىنشى ورىنعا ەۋرازيا ۇلتتىق ۋنيۆەر­سيتەتىنىڭ ستۋدەنتى بەرىك ءابدىراحمان يە بولسا، قازاق ۇلتتىق ۋنيۆەرسيتەتىنىڭ اتىنان قاتىسقان ايدانا بايزاحانوۆا مەن ەۋرازيا ۇلتتىق ۋنيۆەرسيتەتىنىڭ تاعى ءبىر ستۋدەنتى الىشەر انۋاربەك ءۇشىنشى ورىندى ءبولىستى. بايقاۋ بارىسىندا باتىرحان ابدىراشەۆ، عالىمجان يبادۋللا، ەرلان تىلەۋعاليەۆ، نۇرسايا ومىرسەرىك، داستان جۇما­بەكوۆ، ەراسىل سلياموۆ جاقسى نا­تي­جە كورسەتكەندەر قاتارىندا Huawei كوم­پا­نيا­سىنىڭ سىيلىقتارىنا يە بولدى. سونداي-اق الماس سەرىكباەۆ، الديار اگيشەۆ، ءايشابىبى سەيىلوۆا، نۇرقات عابدوللاەۆ ۇزدىك وقىتۋشىلار دەپ تانىلدى. ولارعا دا تيىسىنشە ارنايى سەرتيفيكاتتار تاپسىردى.

ءال-فارابي اتىنداعى قازۇۋ قاتتى دەنەلەر فيزيكاسى جانە بەيسىزىق فيزيكا كافەدراسىنىڭ مەڭگەرۋشىسى، PhD م.يبرايموۆ، ل.ەلمۇرات، ا.سماعۇلوۆا، ج.كاماشبەك، بايقاۋدى ۇيىمداستىرۋشى كومپانيانىڭ وكىلى ليۋ ديا، تاعى باسقا­لارى جەڭىمپازداردى قۇتتىقتاپ، جىلى لەبىزدەرىن ءبىلدىردى.

جەڭىمپاز اقنيەت نۇرجاۋباەۆ بايقاۋ­دىڭ قاتاڭ سىناق الاڭى بولعانىن، ءوزىنىڭ وعان ۇلكەن ىزدەنىسپەن، دايىندىقپەن كەل­گەنىن جەتكىزدى. بىلتىر جولى بولماسا دا تاۋى شاعىلماي، بيىل كەزەكتى مارتە باق سىناپ، تاپسىرمالاردىڭ قيىندىعىنا قاراماستان، جەڭىمپازدار قاتارىنان تا­بىلعان اقنيەت قازاقستاندىق ستۋدەنت­تەردىڭ الەمنىڭ ۇزدىك كومپانيالارىمەن بايلانىس ورناتۋى وتاندىق ءىت-سالادا بىلىكتى ماماندار قاتارىنىڭ كوبەيۋىنە ىقپال ەتەدى دەيدى.

وسىعان دەيىن باعدارلاما اياسىندا قازاقستاندىق 20 ستۋدەنت قىتايدا ءبىلىم العان. ال Huawei كومپانياسى 2023 جىلعا قاراي ءار سالادا تسيفرلى ترانسفورماتسيانى دامىتۋ ءۇشىن قولجەتىمدى تسيفرلى الەم قۇرۋ ءۇشىن 700 مىڭنان استام مامان دايىنداۋدى جوسپارلاپ وتىر.

 

الماتى

 

سوڭعى جاڭالىقتار

قازالىدا رەترو-فەستيۆال ءوتتى

ايماقتار • بۇگىن، 16:58

كۇلكى كەرۋەنى № 20

رۋحانيات • كەشە

ۇقساس جاڭالىقتار