ءبىر قىزىعى مەنشىككە سالىق تولەۋگە سالعىرت قارايتىنداردىڭ دەنى پوليتسيا قىزمەتكەرلەرى مەن اسكەري قىزمەتشىلەر ەكەن. شاھاردىڭ كىرىستەر ورگاندارى مەملەكەتتىك قىزمەتشىلەردىڭ تۇرعىلىقتى مەكەن جايى جانە جۇمىس ورنى بويىنشا پايدا بولعان بەرەشەكتى وتەۋ قاجەتتىلىگى تۋرالى حابارلاما دا جىبەرگەن.
ماسەلەن, مەنشىك سالىعى بويىنشا بەرەشەكتى تالداۋ ناتيجەسىندە ىشكى ىستەر ورگاندارىنىڭ 289 قىزمەتكەرى جالپى سوماسى 5,9 ملن تەڭگەمەن كوش باسىندا تۇر. سونداي-اق اسكەري بولىمدەردىڭ 218 قىزمەتكەرى, قارجى قۇرىلىمى سالاسىندا ەڭبەك ەتەتىن 67 جەكە تۇلعا جەكە م ۇلىك سالىعىن كەشىكتىرگەن. بورىشكەرلەر تىزىمىندە اكىمدىك قىزمەتكەرلەرىنەن باستاپ باسقا دا مەملەكەتتىك ورگانداردىڭ وكىلدەرى بار.
«مەنشىك سالىعىن تولەۋ مەرزىمى قازان ايىنىڭ العاشقى كۇنى اياقتالعانىن ەسكە سالامىز. جەكە تۇلعالاردىڭ كولىك قۇرالدارىنا 2019 ج. سالىناتىن سالىق جەلتوقساننىڭ سوڭىنا دەيىن تولەنۋى ءتيىس. سالىق ۋاقىتىندا تولەنبەگەن جاعدايدا قايتا قارجىلاندىرۋدىڭ رەسمي ستاۆكاسىنىڭ 1,25 ەسەلەنگەن مولشەرىندە ءوسىمپۇل ەسەپتەلەدى. سونىمەن قاتار, قازاقستاندا 2019 جىلدىڭ 16 شىلدەسىنەن باستاپ سالىقتار بويىنشا ءوسىمپۇلداردى ەسەپتەن شىعارۋ بويىنشا جەكە تۇلعالار ءۇشىن سالىقتىق راقىمشىلىق جاساۋ تۋرالى زاڭ كۇشىنە ەندى. وسىلايشا, 2019 جىلدىڭ 1 قاڭتارىنا دەيىن سالىق كەزەڭدەرى ءۇشىن سالىق مىندەتتەمەلەرى بويىنشا سالىقتىڭ نەگىزگى سوماسىن جەكە تۇلعا تولەگەن جاعدايدا ءوسىمپۇلدى ەسەپتەن شىعارۋ جولىمەن جۇرگىزىلەتىن سالىقتىق راقىمشىلىق تۋرالى سالىق تولەۋشىلەر مەن جەكە تۇلعالاردىڭ نازارىنا جەتكىزەمىز»,- دەيدى الماتى قالاسى بويىنشا مەملەكەتتىك كىرىستەر دەپارتامەنتىنىڭ ماماندارى.
وسىعان بايلانىستى, پايدا بولعان بەرەشەكتى شەكتەۋ جانە وزگە دە ماجبۇرلەپ ءوندىرىپ الۋ شارالارىن قابىلداۋدى بولدىرماۋ ءۇشىن قۇزىرلى ورگان مەگاپوليس تۇرعىندارىن مەملەكەت الدىنداعى مىندەتتەمەلەرىن ۋاقىتىندا ورىنداۋعا, سونداي-اق جۇرگىزىلىپ جاتقان سالىقتىق تالاپتاردى پايدالانا وتىرىپ, جيناقتالعان بورىشتاردان بوساتۋعا شاقىردى.
الماتى
