ا. وسپانوۆ اتاپ وتكەندەي, قازاقستاندا 1 قاراشادان باستاپ مەكەنجاي انىقتاماسى تالاپ ەتىلمەيدى جانە مەملەكەتتىك كورسەتىلەتىن قىزمەتتەر تىزىلىمىنەن الىنىپ تاستالاتىن بولادى. ياعني, ەش مەملەكەتتىك ورگان, مەكتەپ نە مەديتسينالىق مەكەمە ازاماتتاردان مەكەنجاي انىقتاماسىن 1 قاراشادان باستاپ سۇراتا المايدى. ونى «ازاماتتارعا ارنالعان ۇكىمەتتىڭ» فيليالدارىنان دا, ەلەكتروندى ۇكىمەت پورتالىنان دا الۋ مۇمكىندىگى بولمايدى.
«قاجەت بولعان جاعدايدا قازاقستاندىقتار تىركەۋگە تۇرعان مەكەنجايلارىن egov.kz ەلەكتروندى ۇكىمەت پورتالى مەن eGov mobile قوسىمشاسىنداعى جەكە كابينەتى ارقىلى تەكسەرە الادى»,- دەدى ا. وسپانوۆ.
مەملەكەتتىك ورگاندارعا كەلەتىن بولساق, ولار بۇل مالىمەتتى ىشكى ىستەر مينيسترلىگىنىڭ دەرەكتەر بازاسىمەن ينتەگراتسيالانعان اقپاراتتىق جۇيەلەرى ارقىلى الاتىن بولادى.
سونىمەن قاتار ا. وسپانوۆ جۇمىس بەرۋشىلەردىڭ مەكەنجاي انىقتاماسىن سۇراۋعا قۇقىلارى جوق ەكەنىن ايتتى. ءبىرىنشى كەزەكتە, ەڭبەك كودەكسىندە تۇرعىلىقتى مەكەنجايىن راستايتىن قۇجاتتى ۇسىنۋ قاجەتتىگى تۋرالى تالاپ جوق.
«ەگەر ءبىز بۇگىن مەملەكەتتىك دەڭگەيدە مەكەنجاي انىقتاماسى ۇعىمىن الىپ تاستايتىن بولساق, وندا ازاماتتان بۇل قۇجاتتى ەڭبەككە ورنالاسۋ كەزىندە تالاپ ەتۋگە ەشكىمنىڭ قۇقىعى جوق. سوندىقتان ءبىز بارلىق جۇمىس بەرۋشىلەر جۇمىسقا ەڭبەككە ورنالاسۋعا قاتىستى وزدەرىنىڭ تالاپتارىن سايكەستەندىرۋى كەرەك دەپ وتىرمىز»,- دەدى ۆيتسە-مينيستر.
جۇمىس بەرۋشىلەردەن باسقا, مەكەنجاي انىقتاماسىن ەلىمىزدەگى بارلىق مەكەمەلەر ەندى سۇراماۋى ءتيىس.
ء«بىز بۇگىن ەلىمىزدە تۇرعىلىقتى ورنى مەن مەكەنجايى تۋرالى ۇعىمدى تۇبەگەيلى وزگەرتىپ وتىرمىز. بۇرىن ءبىز ءار ادىم سايىن, بارلىق جەردە - ەڭبەككە ورنالاسقاندا, جۇمىسقا قابىلداعاندا, مەديتسينالىق ۇيىمدا, بالاباقشالاردا, پيك قىزمەتتەرىنە كەلىسىمشارتتار جاساسۋ ءۇشىن ت.ب. ونى راستاۋىمىز كەرەك بولاتىن. بارلىق جەردە ءبىز بۇل انىقتامانى بارىپ الىپ, ونى سۇراعان مەكەمەگە ۇسىنۋىمىز كەرەك بولاتىن. بىزدە وسى مالىمەتتەردىڭ قاجەتتىگىنەن باس تارتۋعا نەگىز بولعان جوق. ال بۇگىن بارلىق تۇرعىندارعا وسىنداي مۇمكىندىكتى ۇسىنىپ وتىرمىز. قازىر قازاقستان ازاماتى ءوزىنىڭ قانداي دا ءبىر مەكەنجاي بويىنشا تۇرىپ جاتقانىن ەشكىمگە دالەلدەۋگە مىندەتتى ەمەس»,- دەدى ا. وسپانوۆ.
مەديتسينالىق جانە ءبىلىم بەرۋ مەكەمەلەرىنە كەلسەك, بۇل ۇيىمداردا ينتەگراتسيالانعان اقپاراتتىق جۇيەلەر بار. مىسالى, بارلىق مەديتسينالىق مەكەمەلەردە بۇگىندە بىرىڭعاي دەنساۋلىق ساقتاۋ اقپاراتتىڭ جۇيەسىمەن كىرىكتىرىلگەن اقپاراتتىق جۇيەلەر جۇمىس ىستەيدى. دارىگەردىڭ قابىلداۋىندا بولۋ ءۇشىن ەڭ الدىمەن تۇرعىلىقتى جەرى بويىنشا تىركەلۋى كەرەك. ەگەر بۇرىن وسى كەزەڭدە مەكەنجاي انىقتاماسىنىڭ بولۋى مىندەتتى بولسا, قازىر ول تالاپ ەتىلمەيدى.
ء«بىلىم بەرۋ مەكەمەلەرىندە دە سولاي. مەديتسينالىق جانە ءبىلىم بەرۋ مەكەمەلەرىمەن جۇمىستاردى ءبىز وتكەن جىلى باستادىق. وتكەن جىلدىڭ جازىندا اتا-انالاردان مەكەنجاي انىقتاماسىن ۇسىنۋدى تالاپ ەتۋگە تىيىم سالىنعان ەدى. اكىمدىكتەر دەڭگەيىندە ءتۇسىندىرۋ جۇمىستارى جۇرگىزىلدى»,- دەدى ۆيتسە-مينيستر.
سونىمەن قاتار ول بۇگىنگى تاڭدا ەلەكتروندى فورماتتا 28 انىقتاما بەرىلەتىنىن ايتتى. جىل سايىن ءتۇرلى ۇيىمدارعا ۇسىنۋ ءۇشىن 20 ملن-نان اسا انىقتاما باسىپ شىعارىلادى ەكەن. كەلەسى جىلدان باستاپ مەكەنجاي انىقتاماسى ءتارىزدى, باسقا دا انىقتامالاردى بىرتىندەپ الىپ تاستاۋ كوزدەلىپ وتىر.
