ايماقتار • 30 قازان، 2019

يماندىلىق – ادامگەرشىلىك كەپىلى

58 رەتكورسەتىلدى

سەمەيدەگى قازاقستان يننوۆاتسيالىق اكادەمياسى بىلىكتى مامان، ءبىلىمدى ستۋدەنت داايىنداپ، وقىتۋدا ۇزدىكتەردىڭ قاتارىندا كورىنىپ كەلە جاتقان بەدەلدى وقۋ ورنى. جاقىندا اتالمىش وقۋ ورنىندا ەلباسى نۇرسۇلتان نازارباەۆتىڭ «رۋحاني جاڭعىرۋ» ماقالاسىنا وراي «يماندىلىق ادامگەرشىلىك كەپىلى» اتتى دوڭگەلەك ۇستەل ۇيىمداستىردى.

دوڭگەلەك ۇستەلدىڭ ماقساتى – اكادەميا ستۋدەنتتەرىن يماندىلىققا، يناباتتىلىققا، اۋىزبىرشىلىككە شاقىرۋ. اكادەميا رەكتورى، عالىم بەرىك قايىپحان ۇلى جينالعاندارعا الاش استاناسى بولعان سەمەي قالاسىنىڭ تاريحىنان سىر شەرتتى جانە الاشورداشى مىرجاقىپ دۋلات ۇلىنىڭ «ويان، قازاق!» شىعارماسىنىڭ ماڭىزدىلىعىنا توقتالىپ ءوتتى.

سونداي-اق «پەداگوگيكا جانە الەۋمەتتىك عىلىمدار» كافەدراسىنىڭ مەڭگەرۋشىسى جاننا گاجكەنقىزى دوڭگەلەك ۇستەلدى ۇيىمداستىرۋشى ستۋدەنتتەرگە وسىنداي ماڭىزدى تاقىرىپتى تەرەڭىنەن قوزعاپ ۇيىمداستىرۋ ماسەلەسىنە وراي اقىل-كەڭەستەرىن ايتتى. دوڭگەلەك ۇستەلگە بەلسەندى ستۋدەنتتەر اتسالىسىپ، ءدىن، يمانشىلىق تاقىرىبىنا كوبىرەك توقتالدى. ولاردىڭ ءسوزىن قولداعان قازاقستان يننوۆاتسيالىق اكادەمياسىنداعى تاريحشى مامان، ءدىنتانۋ ءپانىنىڭ ۇستازى جۇلدىز اسقار ۇلى وي سالارلىق پىكىرلەرىن ايتىپ، جاستاردى باعىتتاپ وتىردى. ال ۇزاق جىلداردان بەرى ۇستازدىق جولدا ەڭبەك ەتىپ كەلە جاتقان پسيحولوگ ۇستاز، پروفەسسور  باعلان يمانعاليقىزى ورازا ۇستاۋ، ناماز وقۋداعى پسيحولوگيالىق ەرەكشەلىكتەرگە توقتالدى.

- ءبىزدىڭ ەلىمىز كونستيتۋتسيادا زايىرلى، قۇقىقتىق مەملەكەت دەپ جازىلعان، سوندىقتان دا 130-دان استام ۇلت پەن ۇلىس تۇراتىن قازاق جەرىندە تاتۋلىق باستى قاعيدات. مەملەكەتتە زاڭ بويىنشا بەلگىلەنگەن بىلگىلى ءبىر ناقتى ءدىندى تۇتىنۋ ءار ازاماتتىڭ ءدىني بوستاندىعى، سەنىمى جانە ەركىنە بايلانىستى. ءدىندى زورلاپ، تاڭۋعا بولمايدى. مەملەكەت تاراپىنان قۇربان ايت سياقتى مەرەكەلەر زاڭدى تۇردە بەلگىلەنگەن. ونى ەلىمىز اتا-بابامىزدىڭ سالت-داستۇرىنە ساي اتاپ وتەدى. كەيدە ادامدار ورازا تۇتۋدى «كۇنادان ارىلۋ» دەپ ەمەس، سالماق تاستاسام، دەنە ءبىتىمىمدى سۇلۋلاندىرسام دەپ ۇستانىپ جاتادى. بۇل مەنىڭشە دۇرىس ەمەس. جالپى، ناماز وقۋ، ورازا تۇتۋ ءۇشىن ادام پسيحولوگيالىق جاعىنان دايىن بولۋى، قابىلەتى، اقىل-ويى جەتىك بولىپ، تولىسۋى قاجەت،- دەدى باعلان يمانعاليقىزى.

 

Cەمەي

 

سوڭعى جاڭالىقتار

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

باعا QR كودتار ارقىلى بەرىلەدى

ايماقتار • 08 جەلتوقسان، 2019

«جەلتوقسانشى» جەتكىنشەك ەسكە الىندى

رۋحانيات • 08 جەلتوقسان، 2019

ۇقساس جاڭالىقتار