ەل اۋماعىندا باستاۋ العان اكتسيانىڭ ماقساتى – مەملەكەتتىك تۋدى ناسيحاتتاپ, جاستاردىڭ تۋعان ەلىنە دەگەن وتانسۇيگىشتىگىن وياتۋ. رەسپۋبليكالىق اكتسياعا قازاقستاننىڭ مەملەكەتتىك تۋىن بەلسەندى ناسيحاتتايتىن ستۋدەنتتىك جاستار دا ءۇن قوستى. تۋدى قاستەرلەۋ – ءاربىر ازاماتتىڭ بورىشى, سەبەبى بۇل ءرامىز ەلدىڭ ەگەمەندىگى مەن بىرتۇتاستىعىن بىلدىرەتىن باستى بەلگى بولىپ تابىلادى.
رەسپۋبليكا بويىنشا جالعاسقان بۇل ۇردىسكە «Nur Otan» پارتياسى ماڭعىستاۋ وبلىستىق فيليالىنىڭ ساياسي جۇمىستار ءبولىمى جانە اقتاۋ قالالىق فيليال قىزمەتكەرلەرى, قالالىق ءماسليحات دەپۋتاتى ق.ەسەتوۆ, «Nur Otan» پارتياسى موف پارتيالىق باقىلاۋ ينسپەكتورى ر.شالباەۆ جانە ۋنيۆەرسيتەت ۇجىمى ات سالىستى.
-شەتەلگە شىقساڭىز, تۋدى جەكە ۇيلەردىڭ اۋلالارىنا, كوشەلەردە ءجيى كەزدەسەتىنىن بايقايسىز. تۋدىڭ قاستەرلىلىگى قاشاندا باستى نازاردا. ماسەلەن, ۇلى وتان سوعىسى كەزىندە قايدا بارسا دا تۋدى تاستاماي, جىرتىلعان جەرىن تىگىپ, الىپ جۇرگەن, دەگەن «Nur Otan» موف پارتيالىق باقىلاۋ ينسپەكتورى راقىمجان شالباەۆ راحىمجان قوشقارباەۆتىڭ رەيحستاگقا تۋ تىگۋ ساتىندەگى ەستەلىگىن جاستاردىڭ ەسىنە سالدى.
