ال اۋدانداعى سيرەك كەزدەسەتىن وسىمدىكتەر مەن جانۋارلار دۇنيەسى قورعاۋعا الىنعان, قويناۋى قازىناعا تولى كيەلى ولكەگە جىلدىڭ ءتورت مەزگىلىندە دە تاڭدانىسپەن قارايتىنىمىز انىق. وسىناۋ ەرەكشەلىكتەرىمەن ايشىقتالعان ۇيعىر اۋدانىنىڭ اقتام اۋىلىندا جاقىندا قازانعاپ ماحانبەك ۇلى اتىنداعى جاڭا مەشىتتىڭ اشىلۋ ءراسىمى ءوتتى.
كەتپەن جوتاسىنىڭ ەتەگىندە ورنالاسقان اياداي عانا اۋىلدا ءوسىپ ونگەن نۇرلان قازانعاپ ۇلى ءاردايىم يگى باستامالاردى قولداپ, اۋىلعا قولداۋ كورسەتۋدەن ەش ايانباعان. وسى جولى دا مەشىتتىڭ اشىلۋىنا مۇرىندىق بولدى. «ىرگەلى ىستەرىن ەلىنىڭ يگىلىگىنە جۇمساپ جۇرگەن نۇرلان قازانعاپ ۇلى 2007 جىلى ەڭبەكشى قازاق اۋدانى, بايتەرەك اۋىلىندا مەشىت سالىپ, 2019 جىلدا سول مەشىتتى قايتا جوندەۋ جۇمىستارىن جۇرگىزىپ قوسقۇلاق ءبيدىڭ اتىمەن اشىلۋ ءراسىمىن وتكىزدى. بولاتىن. مىنە, سول يگى باستاما جالعاسىن تاۋىپ تۋعان اۋلىندا جاڭا مەشىتتىڭ بوي كوتەرۋىنە سەبەپكەر بولدى», دەيدى تاڭجارىق نۇرمۇحان ۇلى. وسىنداي ابزال ازامات اۋىل حالقىنىڭ دىنگە بەت بۇرىپ, يمان ءجۇزدى جاستار قاتارىنىڭ ارتۋىنا سۇبەلى ۇلەس قوسا وتىرىپ, اۋىلدىڭ ورتاسىنان جارقىراتىپ مەشىت سالىپ بەردى.
جاڭا مەشىتتىڭ اشىلۋ سالتاناتىنا الىس-جاقىننان ارنايى قوناقتار كەلىپ, قۇتتىقتاۋ لەبىزدەرىن ارنادى. اقتام اۋىلىنىڭ تۇرعىندارى جومارتتىق تانىتىپ, ەلىنە ەلەۋلى ەڭبەك ەتىپ جاتقان نۇرلان اعامىزدىڭ يىعىنا شاپان جاۋىپ, استىنا ات مىنگىزسە, بايتەرەك اۋىلىنداعى قوسقۇلاق اتا اتىنداعى مەشىتتىڭ باس يمامى ابدىعاني اقساقال «بەيبىتشىلىك الەمى» شىعارماشىلىق بىرلەستىگى اتىنان «ەل ارداقتىسى» توسبەلگىسىن نۇرلان قازانعاپ ۇلىنا تابىس ەتتى.
مەشىتتە اس بەرىلىپ, قۇران وقىلدى. اقتام اۋىلى تۇرعىندارى ءتۇس اۋا الامان بايگەنى تاماشالاپ, اتقا مىنەر ازاماتتارى كوكپار تارتتى.
