اتالعان باسقارما باسشىسىنىڭ ورىنباسارى شىڭعىسحان ساۋرانباەۆتىڭ ايتۋىنشا, بيزنەس سالاسىنا جاڭا قادام باسقان ايەلدەرگە قولداۋ كورسەتۋ ماقساتىندا ۇيىمداستىرىلعان جارمەڭكە تىڭ باستامالاردى ىنتالاندىرۋعا مۇمكىندىك بەرەدى. اعىمداعى جىلى ايەلدەردىڭ 40 پايىزى «بيزنەستىڭ جول كارتاسى – 2020», «ەڭبەك», «جىبەك جولى» مەملەكەتتىك جانە ايماقتىق باعدارلامالارىنا قاتىسقان. بۇگىندە ەلىمىزدەگى شاعىن جانە ورتا بيزنەستىڭ 41,5 پايىزى ايەلدەردىڭ ەنشىسىندە بولسا, ونىڭ باسىم بولىگى وڭتۇستىك استاناعا تيەسىلى. ال اعىمداعى جىلى قالا اكىمىمەن بەكىتىلگەن «Isker ana» ايماقتىق باعدارلاماسى ءوز كاسىبىن اشقىسى كەلەتىن ايەلدەردى كاسىپكەرلىكتىڭ الىپپەسىنە باۋلىپ, بيزنەستى ۇيىمداستىرۋدىڭ تاجىريبەسىن مەڭگەرۋگە مۇمكىندىك بەرەدى. سونداي-اق اعىمداعى جىلى بەرىلگەن 94 گرانتتىڭ 32-ءسىن قالا بويىنشا كاسىپكەرلىك سالاسىندا جۇرگەن نازىك جاندىلار ەنشىلەگەن.
بيىلعى جىلى ونىنشى رەت ءوتىپ وتىرعان «قاناتتى ايەل» يگى شاراسى بارىسىندا تۇرمىسى تومەن نەمەسە كاسىبىن ەندى باستاعان كاسىپكەرلەر مەن ۇلتتىق ءداستۇردى دارىپتەي بىلگەن, سونداي-اق جاڭا تەحنولوگيالاردى پايدالانعان جوبالارعا ەرەكشە كوڭىل ءبولىندى. جارمەڭكەدە نارىقتا بولماعان كادەگە جارار تىڭ بۇيىمدار, مىسالى كىلەمدەرگە ارنالعان قاپ, سالاۋاتتى ءومىر سالتىنا ارنالعان تاعام تۇرلەرى, ت.ب. كوپشىلىك نازارىنا ۇسىنىلدى.
جاڭا باستامالار جارمەڭكەسىنە قاتىسقان وتىزعا جۋىق ورتا جانە شاعىن بيزنەس وكىلدەرى «تابىستى ستارتاپ», «الەۋمەتتىك-جاۋاپتى بيزنەس» جانە ء«وز ىسىنە ادالدىق» اتالىمدارى بويىنشا ماراپاتتالدى. مىسالى, قانت ديابەتىمەن اۋىراتىندارعا ارنالعان, دەنساۋلىققا زيانسىز بالكۇلشەلەر «تابىستى ستارتاپ» اتالىمىن جەڭىپ الدى.
