سەرپەر سىيلىعىنىڭ لاۋرەاتى, اقىن سايات قامشىگەر قولداۋ كورسەتىپ, رەداكتسياسىن جاساعان ادەبي جيناققا ادەبيەت الەمىنە العاش قادام باسىپ, ءوز وي-سەزىمدەرىن قاعاز بەتىنە تۇسىرگەن قازاق فيلولوگياسى ءبولىمىنىڭ 22 ستۋدەنتىنىڭ شىعارمالارى ەنگەن. ومىردە بولعان وقيعالار جەلىسىنە قۇرىلعان جيناقتىڭ تۇساۋكەسەر راسىمىنە سدۋ رەكتورى قۋانىش ەرعاليەۆ, «پەداگوگيكالىق جانە گۋمانيتارلىق عىلىمدار» فاكۋلتەتىنىڭ دەكانى تالعات ەششانوۆ, سونداي-اق وقۋ ورنىنىڭ پروفەسسورلىق-وقىتۋشىلار قۇرامى قاتىستى.
«بۇلاق كورسەڭ - كوزىن اش»,- دەمەكشى, ماقساتىمىز - جاس قالامگەرلەردىڭ قابىلەتىن اشۋ, ادەبيەت پەن ونەرگە قۇشتارلىعىن ارتتىرۋ, قازاق ادەبيەتى مەن پروزاسىنا جاڭاشىل لەپ اكەلەتىن جاس ەسىمدەر مەن اۆتورلاردى ءوسىرۋ, رەسپۋبليكالىق دەڭگەيدە ناسيحاتتاۋ. وقۋ باعدارلاماسى اياسىندا بۇل توپپەن بىرنەشە جوبانى جۇزەگە اسىرۋدامىز. «جاس قالامگەر» جوباسى بويىنشا اڭگىمە جازۋدان سايىس ۇيىمداستىرىپ, ناتيجەسىندە ۇزدىك شىعارمالاردى ىرىكتەپ باسپادان شىعارامىز. الداعى ۋاقىتتا شاكىرتتەر وسى كىتاپتىڭ جالعاسى رەتىندە شەتەلدىك ەرتەگىلەردى قازاق تىلىنە ءتارجىمالاپ, جارىققا شىعارۋدى جوسپارلاپ وتىر, - دەپ اتاپ ءوتتى جوبا جەتەكشىسى, سدۋ وقىتۋشىسى قانات يبراگيموۆ.
جيناق اۆتورلارى الداعى ۋاقىتتا مۇنداي ءىس-شارالاردىڭ اۋقىمىن كەڭەيتىپ, رەسپۋبليكالىق دەڭگەيدگە شىعارىپ, ەلدىڭ تۇكپىر-تۇكپىرىندەگى جاس تالانتتاردىڭ بەلسەندىلىگىن ارتتىرۋدى ماقسات ەتەدى. جيناق 3000 دانامەن ەلىمىز ايماقتارىنا جولداندى.
