قازاقستان • 21 قازان، 2019

شەتەلدىك ستۋدەنتتەرگە قۇرمەت كورسەتىلدى

178 رەتكورسەتىلدى

جۋىردا پەتروپاۆل قالا­سىندا قازاقستان حالقى اسسامبلەياسى وبلىستىق بولىمشەسىنىڭ عيماراتىندا دۇنيە ءجۇزى قازاقتارى قاۋىم­داستىعى فيليالىنىڭ ۇيىم­داستىرۋىمەن م.قوزىباەۆ اتىن­داعى ۋنيۆەرسيتەتتىڭ «Foundation» (نەگىز) فاكۋل­تەتىندە وقىپ جاتقان شەتەلدىك ستۋدەنتتەرمەن كەزدەسۋ بولدى. ولار قازاقستاندىق جوعارى وقۋ ورىندارىنا ءتۇسۋ ءۇشىن دايىن­دىق كۋرسىنان ءوتىپ جاتىر.

ۇزىن سانى الپىس شاقتى ستۋدەنت رەسەي، قىتاي، موڭعوليا جانە باسقا دا ەلدەردەن كەلدى. تۋعان ۇيلەرىن ساعىنعان جاس­تار وزدەرىمەن كەزدەسۋگە كەلگەن قىزىلجارلىق اقساقالدار مەن اپالارعا جىلىۇشىراي قارايدى. «Foundation» فاكۋلتەتى 2016 جىلى اشىلعان. وسى كۋرستا ءبىر جىل وقىپ، دايىندىقتان وتكەن جاستار قابىلەتىنە قاراي كەيىن ءتۇرلى فاكۋلتەتتەرگە وقۋعا تۇسەدى.

مەرەكەلىك شارانى ۇيىمداس­تىر­­عان قاۋىمداستىقتىڭ وب­لىس­­­تىق فيليالى كەزدەسۋگە­ ونەر ۇجىمدارىنىڭ وكىل­دە­­­رىن شاقىرىپتى. سونىڭ ىشىندە اجەلەردىڭ «بالقاديشا» ءانسامبلى ستۋدەنتتەردىڭ الدىن­دا ءان شىرقاپ، بي بيلەدى. سونداي-اق وبلىستىق فيلارمونيا مەن س.مۇقانوۆ اتىنداعى قازاق تەاترىنىڭ ارتيستەرى اسەم اندەر مەن توگىلگەن كۇيلەرىن شەرتتى. باسقا ۇلت وكىلدەرى كوپ پەتروپاۆلدا قوڭىلتاقسىپ جۇر­گەن جاستار ءبىر مەزگىل سەرپىلىپ، كوڭىلدەرى كوتەرىلىپ قالدى. قا­لىڭ قازاقتىڭ ورتاسىنان كەلگەن جاستاردىڭ قاتتى قۋانعانى كورىنىپ تۇردى. الىس-جاقىن شەتەلدەردەن كەلگەن قازاقتار دا وسى جەرگە جينالىپ، جاستارعا وزدەرىنىڭ اقىل-كەڭەستەرىن ايتىپ جاتتى.

رەسەيدىڭ قورعان وبلىسىن­دا تۇرعان، سونداعى قازاق ۇلتتىق-مادەني ورتالىعىن قۇرۋعا بەلسەنە قاتىسقان بورانباي بيجىگىتوۆتى اڭگىمەگە تارتتىق. جا­سى جەتپىسكە كەلگەن اقساقالدىڭ قىزىلجارعا قونىس اۋدارعانىنا بەس جىل بولىپتى. «بىراق رەسەي­دە قالعان تۋعان-تۋىستاردى، قان­داستاردى ۇمىتپايمىز. ءوزىم قورعاننىڭ ماكۋشينو دەگەن اۋدانىندا تۋىپ-ءوستىم. پارتيا مەن كەڭەس ورگاندارىندا، ءتۇرلى كاسىپورىنداردا باسشىلىق قىز­مەتتەردە بولدىم. بارلىعى التى بالام بار ەدى، ءبىر ۇل، ءبىر قىزىم ءالى دە سول جاقتا تۇرىپ جاتىر. قالعانى اتامەكەنگە ورالدى. ءوزىم قورعان وبلىسىنىڭ «قازاق ءتىلى» قوعامىندا جيىرما بەس جىل بويى بەلسەندى بولدىم. «قازاقتىڭ ۇلتتىق-مادەني اۆتونومياسىن» رەسەيدە ەڭ ءبىرىنشى ءبىز اشتىق. قازاق تىلىندە «بىرلىك» دەگەن گازەت شىعارىپ تۇردىق. راديودان دا ءوز حابارىمىزدى بەرىپ تۇردىق، بىراق تەلەحابار اشۋعا شامامىز كەلمەدى. سونى اشامىز دەپ كوپ اۋرەلەندىك. سوڭعى 25 جىلدا ءبىز قورعان وب­لىسىنىڭ بارلىق اۋدانىندا 20 قۇرىلتاي وتكىزدىك. قازىر ول جاقتا ون بەس مىڭداي قازاق تۇرادى. مىنا وقۋعا كەلىپ جاتقانداردىڭ اراسىندا دا ءبىزدىڭ جاستارىمىز بار. جۋىردا ماكۋشين اۋدانىنىڭ ءبىر مەكتەبىندە ءبىرىن­شى قازاق سىنىبىن اشۋعا قول جەتكىزدىك. وعان وتىز شاقتى بالا قابىلداندى. وقۋ قازاقستاندىق باعدارلامامەن وقىتىلادى. قازىر قورعان وبلىسىنداعى ۇلتتىق-مادەني اۆتونومياسىنىڭ باسشىسى قايرات ورالوۆ ەسىمدى جاس جىگىت. وسى سىنىپتىڭ اشىلۋىنا سول جىگىت كوپ ەڭبەك ءسىڭىردى. بىزگە اۋداننىڭ بۇرىنعى اكىمى، قازىرگى مەملەكەتتىك دۋمانىڭ دەپۋتاتى ۆاسيلي شيشكوەدوۆ كوپ كومەك بەردى. مۇعالىمدەرى التىناي بەكىشوۆا – قازاقستاندىق كە­لىن. وسى جەردە قازاقشا باس­تا­ۋىش مەكتەپتى بىتىرگەندەر كەيىن قازاقستانعا كەلىپ، وقۋىن جال­­عاستىراتىن بولادى دەگەن ۇمىت­تەمىز»، دەيدى اقساقال.

ستۋدەنت جاستاردىڭ الدىندا قىزىلجارلىق قوعامدىق بەلسەندىلەر، ءانشى، اقىن داستەن باي­مۇقانوۆ، ەجەلگى پەداگوگ جانگەلدى ءتاجين، «ۇرپاق» مادەني ورتالىعىنىڭ جەتەكشىسى، عالىم گۇلباقشا مۇساباەۆا، «شابىت» فەستيۆالىنىڭ لاۋرەاتى، اقىن امانجول زاعىپار جانە ت.ب. ءسوز سويلەپ، جاستاردى وقۋ بىتىرگەن سوڭ اتامەكەندە قالۋعا شاقىردى. جەرگىلىكتى بيلىك تاراپىنان جيىندا ارنايى وكىل بولماعانىمەن قوعام وكىلدەرى قازاقتاردىڭ كو­بەيگەنىنە، كوشىپ كەلگەندەرىنە قۋانىشتى ەكەندەرىن جەتكىزدى.

 

سولتۇستىك قازاقستان وبلىسى

 

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار