قازاقستان • 15 قازان، 2019

الماتىدا زيالى قاۋىم وكىلدەرى پرەزيدەنتتىڭ العىس حاتىمەن ماراپاتتالدى

103 رەتكورسەتىلدى

قالالىق اكىمدىكتە جينالعان زيالى قاۋىم وكىلدەرىنە الماتى قالاسىنىڭ اكىمى باقىتجان ساعىنتاەۆ «قازاق سسر تىلدەر تۋرالى» العاشقى زاڭنىڭ قابىلدانعانىنا 30 جىل تولۋىنا وراي  مەملەكەتتىك ءتىلدىڭ دامۋىنا ۇلەس قوسقانى ءۇشىن مەملەكەت باسشىسىنىڭ العىس حاتتارىن تاپسىردى.

انا ءتىلىنىڭ مەرەيىن ءوسىرىپ، قولدانۋ اياسىن كەڭەيتىپ، ۇلتارالىق قاتىناس تىلىنە اينالۋ ماسەلەسىندەگى ەڭبەكتەرى ءۇشىن ماراپاتتالعاندار قاتارىندا  «مەملەكەتتىك تىلگە قۇرمەت» قوعامدىق بىرلەستىگىنىڭ ءتورايىمى اسىلى وسمان، حالىقارالىق «قازاق ءتىلى» قوعامىنىڭ پرەزيدەنتى ومىرزاق ايتباەۆ، حالىق جازۋشىسى مۇحتار شاحانوۆ، م. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ، جازۋشى سماعۇل ەلۋباەۆ، ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى تەلعوجا جانۇزاقوۆ، ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى ەردەن قاجىبەك، قازاقستان جازۋشىلار وداعى توراعاسىنىڭ ورىنباسارى مەرەكە قۇلكەنوۆ، ۇلتتىق اۋدارما بيۋروسىنىڭ رەداكتورى نازگۇل قوجابەكوۆا، جازۋشى-پۋبليتسيست جۇماش كەنەباي، «جاس قازاق» گازەتىنىڭ باس رەداكتورى سرايىل سمايىلدىڭ ەسىمى اتالدى.

بۇل شارا ءتىل تاعدىرىنا الاڭداپ جۇرگەن زيالى قاۋىم ءۇشىن كەلەلى ويلارىن ورتاعا سالعان ەرەكشە ءبىر كەزدەسۋ بولدى.  مەملەكەتتىك ءتىلدىڭ مارتەبەسىن ارتتىرۋداعى ءتىل تۋرالى زاڭنىڭ قابىلدانۋى،  الماتى جۇرتشىلىعىنىڭ الداعى مىندەتتەرى، عىلىمي-زەرتتەۋ ينستيتۋتتارى، جوعارى وقۋ ورىندارى مەن بۇقارالىق اقپارات قۇرالدارىنىڭ ءتىلدىڭ اياسىن كەڭەيتۋدەگى ۇلەسى،  قالا مەكتەپتەرىنىڭ كىتاپحانالارىن قازاق جازۋشىلارىنىڭ كىتاپتارىمەن، عالامتوردى قازاق ءتىلدى كونتەنتپەن تولىقتىرۋ سياقتى وزەكتى جايتتاردى ءتىل جاناشىرلارى توتەسىنەن قويىپ، وسى شارالار ەسكەرىلسە دەگەن ۇسىنىستارىن ءبىلدىردى.

سوڭعى جاڭالىقتار

قازالىدا رەترو-فەستيۆال ءوتتى

ايماقتار • بۇگىن، 16:58

كۇلكى كەرۋەنى № 20

رۋحانيات • كەشە

ءحالىڭ قالاي، قوستاناي؟

ايماقتار • كەشە

ۇقساس جاڭالىقتار