اۋدان ورتالىعىنان 16 شاقىرىم جەردە ورنالاسقان اۋىل وكرۋگىندە ەمدەۋ ورنىنىڭ بۇرىنعى عيماراتى توزىعى جەتىپ, ەسكىرگەن بولاتىن. وبلىس اكىمدىگىنىڭ قولداۋىمەن سالىنعان مەديتسينالىق مەكەمەنىڭ اشىلۋ سالتاناتىنا وبلىس اكىمىنىڭ ورىنباسارى جولدىمۇرات امانباەۆ, وبلىستىق قوعامدىق دەنساۋلىق باسقارماسىنىڭ باسشىسى مۇقان ەگىزباەۆ جانە جەرگىلىكتى تۇرعىندار قاتىستى. حالىققا دارىگەرلىك كومەك كورسەتۋگە ارنالعان جاڭا ەمدەۋ-پروفيلاكتيكالىق مەكەمەسى زاماناۋي مەديتسينالىق جابدىقپەن تولىق قامتىلعان. حالىق سانى جەتى جارىم مىڭنان اساتىن قىزىلجار اۋىلدىق وكرۋگىنىڭ جاڭا ەمدەۋ مەكەمەسىندە قىرىققا جۋىق مەديتسينا قىزمەتكەرى جۇمىس ىستەيدى. اشىلۋ سالتاناتىنا قاتىسقان اۋىل تۇرعىندارى, ەندى دەرتىنە داۋا ىزدەپ الىسقا تابان توزدىرمايتىندارىن ايتىپ, العىستارىن ءبىلدىردى.
