كەزدەسۋ بارىسىندا تاراپتار قازاقستان مەن سينگاپۋر اراسىنداعى قازىرگى جاعدايدى جانە ساياسي, ساۋدا-ەكونوميكالىق سالالار بويىنشا پەرسپەكتيۆالىق جوبالاردى, سونىمەن قاتار, تسيفرلاندىرۋعا قاتىستى بىرلەسكەن ءىس-قيمىل ماسەلەلەرىن تالقىلادى.
ەكى ەل اراسىندا دوستىق قارىم-قاتىناس ورناعانىن ايتقان قاسىم-جومارت توقاەۆ قازان ايىندا ەرەۆاندا وتكەن جەەو سامميتىندە سينگاپۋر پرەمەر-ءمينيسترى لي سيان لۋنمەن كەلەلى كەلىسسوز جاساعانىن جەتكىزدى. سونداي-اق مەملەكەت باسشىسى سينگاپۋر پرەزيدەنتى حاليما ياكوبكە ءوزىنىڭ سالەمىن جەتكىزۋدى ءوتىندى.
– مەن سينگاپۋر پرەزيدەنتىن بۇرىننان تانيمىن. ەكەۋمىز دە ءوز ەلدەرىمىزدىڭ پارلامەنتتەرىندە سپيكەر قىزمەتىن اتقاردىق. مەن ونىڭ مەملەكەت باسشىسى بولعانىنا وتە قۋانىشتىمىن,– دەدى قاسىم-جومارت توقاەۆ.
ءوز كەزەگىندە تەو چي حين قاسىم-جومارت توقاەۆقا سينگاپۋر پرەزيدەنتى مەن پرەمەر-ءمينيسترىنىڭ اقجارما تىلەگىن جەتكىزدى. سونىمەن قاتار ەكى ەل اراسىنداعى بايلانىستاردى ودان ءارى نىعايتا بەرۋگە نيەتتى ەكەنىن اتاپ ايتتى.
