قوعام • 14 قازان، 2019

نان باعاسىنىڭ كۇرت كوتەرىلۋىنە جول بەرمەيمىز - اۋىل شارۋاشىلىعى مينيسترلىگى

38 رەتكورسەتىلدى

ۇكىمەتىنىڭ ءباسپاسوز ورتالىعىندا وتكەن ءباسپاسوز كونفەرەنتسياسىندا قر اۋىل شارۋاشىلىعى ءمينيسترى ساپارحان وماروۆ نان باعاسىنىڭ تۇراقتىلىعىن قامتاماسىز ەتۋ بويىنشا قابىلدانىپ جاتقان شارالار تۋرالى ايتىپ بەردى. بۇل تۋرالى primeminister.kz حابارلادى.

اۋىل شارۋاشىلىعى ءمينيسترىنىڭ ايتۋىنشا، جالپى رەسپۋبليكا بويىنشا ءداندى-داقىلداردى جيناۋ الاڭى 15،2 ملن گا قۇرايدى، ونىڭ ىشىندە 15،1 ملن گا جينالدى، بۇل 99،2% قۇرايدى. 19،1 ملن توننا استىق باستىرىلدى. ورتاشا ونىمدىلىك 12،6 تس/گا قۇرادى.

«قازىرگى ۋاقىتتا ەگىن جيناۋ جۇمىستارى 99،2%-عا اياقتالعان. قالعان 0،8%-ى ‒ جۇمىستى اياقتاپ جاتقان ۇساق شارۋاشىلىقتار. جاڭا استىقتىڭ ءتۇسىمى، كولەمى، ساپاسى تۋرالى سۇراقتار تۋىندايدى. بيىل بۋنكەرلىك سالماعىندا 19،1 ملن توننا استىق الامىز دەپ بولجاپ وتىرمىز. ءبىزدىڭ الدىن-الا ەسەپتەۋلەرىمىزگە سايكەس، بىلتىردان قالعان استىقتى ەسەپكە الماعاندا، بىزدە 11،5-12 ملن توننا بيداي بولادى، سوندىقتان بولۋگە شامامەن 14 ملن توننا استىق باعىتتالادى. بۇل ىشكى سۇرانىستى 6 ملن تونناعا قامتاماسىز ەتۋگە جەتكىلىكتى»، - دەدى س. وماروۆ.

سونىمەن قاتار، مينيستر نان باعاسىنىڭ ازداپ ءوسۋى كۇتىلىپ وتىرعانىن، دەگەنمەن ازىق-ت ۇلىك كەلىسىمشارت كورپوراتسياسىندا باعانىڭ كۇرت كوتەرىلۋىنە جول بەرمەۋ ءۇشىن استىق جەتكىلىكتى ەكەنىن ايتتى.

«نان باعاسىنىڭ كۇرت كوتەرىلۋىنە جول بەرمەۋ ءۇشىن ءبىز قازىر تۇراقتاندىرۋ قورىنا استىق ساتىپ الۋمەن اينالىسىپ جاتىرمىز. سونىمەن قاتار، ءار وبلىس اكىمدىگى استىق پەن ۇن ساتىپ الىپ جاتىر. جىل سايىن ىشكى نارىقتاعى باعانى تۇراقتاندىرۋ ءۇشىن اقپاننان شىلدەگە دەيىن ازىق-ت ۇلىك كەلىسىم شارت كورپوراتسياسى 150-دەن 250 مىڭ تونناعا دەيىن استىق ساتادى. بيىل نان باعاسىنىڭ كۇرت كوتەرىلۋىنە جول بەرمەۋ ءۇشىن ءبىز ىشكى نارىققا 150 مىڭ توننا استىق ساتتىق»، - دەدى س. وماروۆ.

ونىڭ ايتۋىنشا، نان باعاسىنىڭ قالىپتاسۋى تەك بيدايعا عانا بايلانىستى ەمەس، باسقا دا قوسىمشا شىعىندار بار. بۇل ەنەرگيانى تۇتىنۋ، جالاقى، جانارماي جانە ت.ب.

«مۇنىڭ ءبارى نارىقتاعى جاعدايعا بايلانىستى. بۇگىنگى تاڭدا ەلەۆاتورلارعا بارلىعى 2،9 ملن توننا استىق جەتكىزىلدى. قاراشا ايىنىڭ سوڭىنا قاراي بارلىق استىق ەلەۆاتورلاردا بولادى، سودان كەيىن ءبىز باعانىڭ قانداي بولاتىندىعىن تۇسىنەمىز. ناننىڭ باعاسى تەك بيدايعا عانا بايلانىستى ەمەس، نان باعاسىنىڭ قالىپتاسۋىندا بيداي شامامەن 54% قۇرايدى. قالعانى باسقا قوسىمشا شىعىندارعا بايلانىستى. نان باعاسىنىڭ كۇرت كوتەرىلمەۋى ءۇشىن ءبىز جۇمىس ىستەيمىز. قازىر ناننىڭ باعاسى وڭىرگە بايلانىستى 75-78 تەڭگە ارالىعىندا. مەنىڭ ويىمشا، شامالى ءوسىم بولادى»، — دەپ ناقتىلادى س. وماروۆ.

ءوز كەزەگىندە قر اۋىل شارۋاشىلىعى ۆيتسە-ءمينيسترى رۇستەم قۇرمانوۆ بۇگىنگى تاڭدا ازىق-ت ۇلىك كەلىسىمشارت كورپوراتسياسىنىڭ تۇراقتاندىرۋ قورىندا 350 مىڭ توننا استىق بار ەكەنىن، وعان قوسا كەلىسىمشارت جاسالعان 70 مىڭ توننا استىق بار ەكەنىن ايتتى، بۇل شامامەن 400-420 مىڭ توننا استىق. بۇل كولەم ىشكى نارىقتاعى باعانى تۇراقتاندىرۋ ءۇشىن جەتكىلىكتى.

«نان زاۋىتتارى ناننىڭ ءار ءتۇرىن شىعارادى. ءبىزدىڭ قىزمەت سالامىز الەۋمەتتىك نانعا قاتىستى. اكىمدىكتەردە قۇرالدار بار ‒ بۇل تۇراقتاندىرۋ قورلارى، ولار سولاردان ۇن ساتىپ الىپ، الەۋمەتتىك نان ءپىسىرۋ ءۇشىن ناۋبايحانالارعا جەتكىزە الادى. سونىمەن قاتار، اكىمدىكتەر ەكى باعىتتا ارەكەت ەتەدى: بىرەۋى ۇن ساتىپ الادى، ساقتايدى جانە ناۋبايحانالارعا جىبەرەدى، ال بىرەۋى، كەرىسىنشە، الەۋمەتتىك نانعا ارزان نەسيە بەرەدى»، - دەدى ر. قۇرمانوۆ.

«ازىق-ت ۇلىك كەلىسىمشارت كورپوراتسياسى» اق باسقارۋشى ديرەكتورى نۇربەك دايربەكوۆتىڭ ايتۋىنشا، قازىرگى ۋاقىتتا جالپى ساقتاۋ سىيىمدىلىعى شامامەن 12،2 ملن توننا بولاتىن 187 ليتسەنزيا بەرىلگەن نان قابىلداۋ كاسىپورنى بار، ولار اكىمدىكتەر بەرگەن ليتسەنزيا نەگىزىندە قويما قىزمەتى بويىنشا قىزمەتتەر كورسەتەدى.

سونىمەن قاتار، ءاشتو 14،9 ملن توننا استىق ساقتاۋ مۇمكىندىگى بار. وسىلايشا، استىق ساقتاۋ قويمالارىنىڭ جالپى كولەمى 27،1 ملن توننانى قۇرايدى، بۇل بولجامدى ونىمدىلىكتى ەسكەرە وتىرىپ، استىقتى ساقتاۋعا جەتكىلىكتى.

«بۇگىندە ازىق-ت ۇلىك كەلىسىمشارت كورپوراتسياسى رەسپۋبليكا بويىنشا نان باعاسىنا مونيتورينگ جۇرگىزۋدە. ءبىز قانداي ساپاداعى بيداي جينالعانىن، قانشا كولەمدە جينالعانىن قارايمىز. وسى ساندارعا سۇيەنە وتىرىپ، ءبىز ءوزىمىزدىڭ ءىس-قيمىلدارىمىزدى جاسايمىز. ەگىن جيناۋ ناتيجەلەرىنە قاراي ءبىز تولىق باعا بەرىپ، ازىق-ت ۇلىك كورپوراتسياسىنىڭ تۇراقتاندىرۋ قورلارىن قالىپتاستىرۋ ماقساتىندا نارىققا جاڭا ۇسىنىستار ەنگىزەمىز، وسىلايشا 2020 جىلى كۇزگى-كوكتەمگى كەزەڭدە باعانى تومەندەتۋگە قاجەتتىلىك تۋىنداعان جاعدايدا، ىشكى نارىقتاعى باعانى تۇراقتاندىرۋعا قۇرالدار بولادى»، - دەدى ن. دايربەكوۆ.

سونىمەن بىرگە، بۇگىندە بيدايدىڭ ەكسپورتتىق الەۋەتى شامامەن 6 ملن توننانى، ارپا بويىنشا ‒ 2 ملن تونناعا جۋىق جانە باسقا ءداندى داقىلدار بويىنشا شامامەن 300 مىڭ توننانى قۇرايدى. وسىلايشا، 2019 جىلعى ەگىننەن بارلىعى 8،3‒8،5 ملن توننا استىق ەكسپورتتالادى دەپ كۇتىلۋدە.

سوڭعى جاڭالىقتار

تاۋەلسىزدىك – تۇعىرىم

ايماقتار • بۇگىن، 17:01

جاس وتباسىلار باسپانالى بولدى

ايماقتار • بۇگىن، 16:16

كۇلكى كەرۋەنى № 25

رۋحانيات • بۇگىن، 12:49

بقو-دا جاستار سىيلىعى تابىستالدى

ايماقتار • بۇگىن، 10:01

ىرگەلى جوبالار جۇزەگە استى

قوعام • بۇگىن، 07:47

قولداۋ عىلىمعا قاجەت

قوعام • بۇگىن، 07:39

اپتا ۇزدىگى اتاندى

حوككەي • بۇگىن، 07:35

سۇيىسپەنشىلىكتىڭ اناسى – ىقىلاس

رۋحانيات • بۇگىن، 07:26

ءونىم مەن ءوسىم ەسەلەندى

ايماقتار • بۇگىن، 07:18

تارتىمدىلىق تەرەڭدەي تۇسپەك

ايماقتار • بۇگىن، 07:16

ۇلكەن ءومىر جولىنىڭ كەزەڭدەرى

ەكونوميكا • بۇگىن، 07:13

شاردارا گەس-ءى تولىق جاڭعىرادى

ەكونوميكا • بۇگىن، 07:05

ناگرادالار تاپسىرىلدى

قوعام • بۇگىن، 06:57

قۇشاعى كەڭ، جۇرەگى جۇمساق

رۋحانيات • بۇگىن، 06:49

سالتاناتتى ءىس-شاراعا قاتىستى

پرەزيدەنت • بۇگىن، 06:37

ۇقساس جاڭالىقتار