«مەملەكەت باسشىسى ءبىلىم بەرۋ ساپاسىن ارتتىرۋ جانە پەداگوگتەردى قولداۋ جونىندە تاپسىرما بەردى. وسى تاپسىرما اياسىندا مينيسترلىك مەملەكەتتىك جوو رەكتورلارىنا جوو وقىتۋشىلارىنىڭ ەڭبەكاقىلارىن 2020 جىلدىڭ 10 قاڭتارىنا دەيىن 30-دان 50% - عا دەيىن ارتتىرۋ مىندەتىن جۇكتەدى. بۇل شەشىمنىڭ ناقتى نەگىزدەرى بار. ءبىز جوعارى وقۋ ورىندارىنىڭ بيۋدجەتتەرىنە تالداۋ جۇرگىزدىك. ول ەڭبەكاقى تولەۋ قورىن ۇلعايتۋ ءۇشىن رەزەرۆتەردىڭ بار ەكەندىگىن كورسەتتى. بۇگىندە بىرقاتار جوعارى وقۋ ورىندارىنىڭ وقىتۋشىلارى 60-70 مىڭ تەڭگە كولەمىندە جالاقى الاتىن جاعداي قالىپتاسقان. مۇنداي ساياساتپەن ساپانى تالاپ ەتۋ مۇمكىن ەمەس», دەپ جازدى ا. ايماعامبەتوۆ.
مينيستر ەۇۋ, كاسپي ۋنيۆەرسيتەتى مەن تاراز پەداگوگيكالىق ۋنيۆەرسيتەتى سياقتى جوعارى وقۋ ورىندارى جالاقىنى قازىردىڭ وزىندە كوتەرۋدى باستاعانىن اتاپ ءوتتى.
«قالعان مەملەكەتتىك جوو مەنىڭ تاپسىرمامدى مىندەتتى تۇردە ورىنداۋلارى ءتيىس. سونىمەن قاتار, رەكتورلاردىڭ الدىنا ءبىزدىڭ جوو-دا جۇمىس ىستەيتىن اكادەميكتەردى ارنايى قوسىمشا اقىلار بەلگىلەۋ ارقىلى قولداۋ مىندەتى قويىلدى. جوعارى وقۋ ورىندارىندا اكادەميكتەر كوپ ەمەس, سوندىقتان ءبىز ءوزىمىزدىڭ عىلىمي ەليتامىزدى قولداۋعا مىندەتتىمىز. بۇل شارالار مەملەكەتتىك بيۋدجەتتەن قوسىمشا قاراجات پەن وزگە دە كۇش-جىگەردى قاجەت ەتپەيتىنىن ەرەكشە اتاپ وتكىم كەلەدى. بارلىعى قولدا بار مۇمكىندىكتەردىڭ شەڭبەرىندە. جاس عالىمداردى قولداۋ تەتىكتەرى دە بولاشاقتا قاراستىرىلاتىن بولادى», دەپ جازدى ءبىلىم جانە عىلىم ءمينيسترى.
