قۇجات كاسىپكەرلەردىڭ قۇقىقتارىن قورعاۋ ماسەلەلەرىندە ەكى ەلدىڭ ىنتىماقتاستىعىن جانە ىسكەرلىك احۋالدى جاقسارتۋ بويىنشا بىرلەسكەن, كەلىسىلگەن ءىس-ارەكەتتەردى كوزدەيدى. مەملەكەتتەردىڭ ۇلتتىق زاڭناماسىن دۇرىس قولدانۋ ءۇشىن كونسۋلتاتيۆتىك-قۇقىقتىق كومەك كورسەتۋ, عىلىمي-تاجىريبەلىك كونفەرەنتسيالارعا, سەمينارلارعا جانە وزگە دە ءىس-شارالارعا قاتىسۋ قاراستىرىلعان.
قازاقستان الەمنىڭ كوپتەگەن ەلدەرىمەن ىنتىماقتاستىقتا. قازاقستاندىق كاسىپكەرلەر كوپتەگەن ەلدە بيزنەس جۇرگىزۋدە. قازاقستاندىق ستاتيستيكا مالىمەتتەرىنە سايكەس, قازاقستان مەن گرۋزيا اراسىنداعى تاۋار اينالىمىنىڭ كولەمى 2018 جىلى 87 ملن دوللاردى قۇرادى, 2017 جىلمەن سالىستىرعاندا 34,6%-عا ارتىق (64,6 ملن اقش دوللارى).
ء«بىز ءوزارا قارىم-قاتىناستارىمىزدى كەڭەيتۋگە مۇددەلىمىز. كاسىپكەرلەردىڭ قۇقىقتارىن قورعاۋ جونىندەگى جۇمىستا ودان ءارى ءتيىمدى جانە جەمىستى ىنتىماقتاستىق ورناتامىز دەگەن ۇمىتتەمىز. گرۋزيا مەن قازاقستاننىڭ بيزنەس-ومبۋدسمەندەرى اراسىنداعى ىنتىماقتاستىق ىسكەرلىك جانە ەكونوميكالىق بايلانىستاردى دامىتۋعا, گرۋزيا مەن قازاقستاندا بيزنەس جۇرگىزۋ ءۇشىن قولايلى جاعداي جاساۋعا ىقپال ەتەتىنىنە سەنىمدىمىن», – دەپ اتاپ ءوتتى بولات پالىمبەتوۆ.
ءوز كەزەگىندە, يراكلي ليكۆينادزە تاراپتاردىڭ قارىم-قاتىناسىنداعى تىڭ سەرپىندى اتاپ ءوتتى.
«قازاقستان مەن گرۋزيا اراسىنداعى ەكونوميكالىق قاتىناستار سەرپىندى, قازاقستاندىق بيزنەس گرۋزيادا بەلسەندى, تيىسىنشە قازاقستانداعى گرۋزيالىق بيزنەس تە بارىنشا بەلسەندى ءجۇرىپ جاتىر. گرۋزيا مەن قازاقستاننىڭ بيزنەس-ومبۋدسمەندەرى اراسىنداعى بەلسەندى مەموراندۋم جانە بەلسەندى كوممۋنيكاتسيا ەكى مەملەكەت اراسىنداعى ىسكەرلىك پوزيتسيانى ودان ءارى نىعايتا تۇسەدى», دەگەن پىكىردە گرۋزيا اۋماعىندا كاسىپكەرلەردىڭ قۇقىقتارىن قورعاۋ جونىندەگى ۋاكىل.
ەستەرىڭىزگە سالا كەتەيىك, قازاقستاننىڭ بيزنەس-ومبۋدسمەنى رەسەي مەن وزبەكستاننىڭ بيزنەس-ومبۋدسمەندەرىمەن ءوزارا كومەك جانە ىنتىماقتاستىق تۋرالى كەلىسىمگە قول قويعان بولاتىن. ءۇش ەلدىڭ بىرلەسكەن كۇش-جىگەرىمەن قازاقستاندىق, رەسەيلىك جانە وزبەكستاندىق بىرنەشە كاسىپكەرلىك سۋبەكتىلەرىنىڭ قۇقىقتارى قورعالدى.
