پرەزيدەنت • 14 قازان، 2019

«دوستاستىق ۆيزاسىن» ەنگىزۋدى ۇسىندى

88 رەتكورسەتىلدى

مەملەكەت باسشىسى قاسىم-جومارت توقاەۆ تمد مەملەكەتتەرى باسشىلارى كەڭەسىنىڭ وتىرىسىنا قاتىستى، دەپ حابارلادى قازاقستان پرەزيدەنتىنىڭ ءباسپاسوز قىزمەتى.

شاراعا ارمەنيا، ازەر­باي­جان، بەلارۋس، قىرعىزستان، مول­دوۆا، رەسەي، تاجىكستان، تۇرىك­مەنستان، وزبەكستان ەلدەرىنىڭ كوشباسشىلارى قاتىستى.

جيىن بارىسىندا تاۋەلسىز مەملەكەتتەر دوستاستىعى شەڭ­بەرىندە كوپقىرلى ءوزارا ءىس-قي­مىل جونىندە پىكىر الماستى. سونداي-اق 2020 جىلعى تمد-عا تورا­عالىق ەتۋ جانە تمد اتقارۋ كوميتەتىنىڭ توراعاسى تۋرالى ماسەلەلەر قارالدى.

مەملەكەت باسشىسى ءوز سوزىن­دە تاۋەلسىز مەملەكەتتەر دوستاس­تىعى ۇيىمىن ودان ءارى دامى­تۋعا قاتىستى ءوزىنىڭ كەشەندى ۇسىنىستارىن ايتتى.

پرەزيدەنتتىڭ پىكىرىنشە، تمد – دوستاستىق ەلدەرى اراسىندا ساياسي، ەكونوميكالىق جانە گۋمانيتارلىق بايلانىستاردى ساقتاپ، نىعايتۋعا زور ىقپال ەتكەن بەدەلدى حالىقارالىق ۇيىم.

قاسىم-جومارت توقاەۆ دۇ­نيە جۇزىندە شيەلەنىستەر مەن بەلگى­سىزدىكتىڭ ءداۋىرى تۋىپ، سەنىمسىزدىك داعدارىسىنىڭ كەسىرىنەن حالىقارالىق قاتىناستاردىڭ ارحيتەكتۋراسى شاتقاياقتاپ، الەمدىك ەكونوميكانىڭ تۇراقسىزدىعىنان دامۋشى ەلدەردەن قارجى «قا­شىپ» جاتقانىن اتاپ ايتتى. مەملەكەت باسشىسىنىڭ ويىنشا، وسىنىڭ سالدارىنان ايماقتىق ينتەگراتسياعا كوزقاراس وزگەرىپ، بۇعان دەيىن مىزعىماستاي كورىن­گەن قارىم-قاتىناستار مودەلى ءار­تۇرلى سىناقتاردان وتۋدە.

– ءبىزدىڭ ۇيىمعا وزگەرمەلى ومىرگە ىڭعايلانا وتىرىپ، اسا كۇردەلى دە قاجەتتى بەيىمدەلۋ پرو­تسەسىنەن ءوتۋ كەرەك. نۇرسۇلتان ءابىش­ ۇلى نازارباەۆتىڭ باستاماسىمەن تمد-نى قۇرىلىمدىق جاڭعىرتۋ پروتسەسىنە كىرىستىك. 2017 جىلى ۇيىمنىڭ ودان ءارى دا­مۋ تۇجىرىمداماسى مەن ەكو­نو­­ميكالىق دامۋ ستراتەگياسىن وزەك­تەندىرۋ جۇمىستارى باس­تال­دى. مەن وسى جۇمىستاردى جالعاس­­تى­رۋعا نيەتتىمىن،– دەدى پرەزي­دەنت.

مەملەكەت باسشىسى تمد-نىڭ نەگىز­گى مىندەتتەرىنىڭ ءبىرى ساۋ­دا-ەكونوميكالىق ىنتى­ماق­تاس­تىقتى دامىتۋ دەپ سانايدى.

– تمد-دا 2011 جىلى قۇ­رىلعان ەركىن ساۋدا ايماعى ءبىزدىڭ مەملەكەتتەر اراسىنداعى تاۋار اينالىمىن جاقسارتۋعا جاع­داي جاسادى. سونىمەن قاتار ساۋدا ىنتىماقتاستىعىن ودان ءارى كەڭەيتۋ ءۇشىن قازىرگى كەدەر­گىلەردى ازايتۋ جونىندەگى جۇمىس­تار­دى جالعاستىرۋ كەرەك. ۇيىم شەڭ­بەرىندە ەكونوميكالىق ءوزارا ءىس-قيمىلدارعا تىڭ سەرپىن بەرۋ ءۇشىن قوسىمشا ءوسۋ مۇمكىندىكتەرىن قاراستىرۋ قاجەت،– دەپ توپشىلايدى قاسىم-جومارت توقاەۆ.

پرەزيدەنت بىرلەسىپ اتقا­را­تىن بىرقاتار پەرسپەكتيۆالى با­عىتتاردى اتادى. ولار: تسيفرلى تەح­نولوگيالار، ەلەكتروندى ساۋ­دا، ەركىن قىزمەت كورسەتۋ جانە تۋريزم.

– تسيفرلى تەحنولوگيالاردىڭ قارقىندى دامۋى مەملەكەتتەردىڭ تىنىس-تىرشىلىگىن وزگەرتتى. تمد ەلدەرىنىڭ بارلىعىندا ەكونوميكانى تسيفرلاندىرۋ جۇمىستارى ءجۇرىپ جاتىر. بىرلەسكەن جۇمىس­تىڭ ناتيجەسىن كورۋ ءۇشىن ۇيىم شەڭبەرىندە ءبىلىم مەن تاجىريبە الماسىپ، كۇش بىرىكتىرۋ ماڭىزدى. وسى ورايدا تمد اۋماعىندا زاماناۋي تەحنولوگيالار جونىندە تۇراقتى نەگىزدە ارنايى فورۋمدار ۇيىمداستىرۋدى ۇسىنامىن،– دەدى مەملەكەت باسشىسى.

قاسىم-جومارت توقاەۆ 2018 جىلى الەمدەگى ەلەكتروندى ساۋدا كولەمى جەكە تاۋار اينالىمىنىڭ 11،5%-دى قۇراپ، 1،8 تريلليون دول­لارعا جەتكەنىن ايتتى. سا­راپ­­شى­لاردىڭ بولجامىنشا، 5 جىل­دان كەيىن بۇل كورسەتكىش 2،8 تريل­ليون دوللارعا جەتەدى. پرە­زي­دەنت ۇيىم شەڭبەرىندە ەلەك­­تروندى ساۋدانى دامىتۋعا ىق­پال ەتەتىن نورماتيۆتىك قۇ­جات ازىرلەۋدى ۇسىندى. قازىر دوس­تاس­تىق ەلدەرىنىڭ جالپى الەم­دىك ساۋداداعى ۇلەسى 1%.

مەملەكەت باسشىسى تۋريزم سالاسىنداعى ءوزارا ءىس-قيمىلدىڭ بولاشاعى زور ەكەنىنە توقتالدى. قاسىم-جومارت توقاەۆتىڭ ايتۋىنشا، اتالعان سالا الەمنىڭ كوپتەگەن مەملەكەتىنە پايدا اكەلىپ وتىر.

– دوستاستىق ەلدەرىنىڭ ارقاي­سىسىنا ءتان دەمالىس ورىندارى، تابيعي جانە تاريحي نىساندارى بار. ولار الەمنىڭ تارتىمدى تۋريستىك باعىتتارىن تولىقتىرا الادى، – دەدى پرەزيدەنت.

ءتۇرلى ۆيزالىق جانە ميگرا­تسيالىق ەرەجەلەر تۋرالى ايتقان مەملەكەت باسشىسى تمد تەرري­تورياسىندا شەنگەن كەلىسىمى سە­كىلدى «دوستاستىق ۆيزاسى» دەگەن شارتتى اتاۋمەن بىرىڭعاي جۇيە ەنگىزۋ ماسەلەسىن قاراستىرۋدى ۇسىندى.

قاسىم-جومارت توقاەۆ بۇل باس­تاما تۋريستەر سانىن كۇرت ارت­تىراتىنىن، الايدا اتالعان ماسە­لەنى ساراپشىلاردىڭ جان-جاق­تى زەرتتەۋى قاجەت ەكەنىن ايتتى. پرە­زيدەنت ۇيىم اياسىندا 2020 جىل­دى جەڭىستىڭ 75 جىلدىعىنا ار­نالۋىنىڭ سيمۆولدىق ءمانى بار دەدى.

– سول سۇراپىل جىلداردا ءبىز­دىڭ حالقىمىز، سونىڭ ىشىندە قا­زاقستاندىقتار دا بار، باسقىن­شىلار توندىرگەن قاتەرگە جۇدى­رىقتاي جۇمىلىپ قارسى تۇردى. ماي­دان دالاسىندا قازا بولعان باتىر­لارعا، ارداگەرلەر مەن تىل ەڭ­بەككەرلەرىنە قۇرمەت كورسە­تۋ ءبىزدىڭ ورتاق پارىزىمىز. ءبىز، قازاقستاندىقتار، ەكىنشى دۇ­نيەجۇزىلىك سوعىستىڭ تاريحىنىڭ بۇرمالانۋىنا تۇبە­گەيلى قار­سى­مىز،– دەدى مەملەكەت باسشىسى.

ءسوز سوڭىندا قاسىم-جومارت توقاەۆ قازاقستاننىڭ تمد اۋ­ما­­عىندا تەرەڭ ءارى جۇيەلى ۇجىم­­داسۋعا دايىن ەكەنىن ما­لىم­­دەدى.

تمد مەملەكەتتەرى باسشىلارى كەڭەسىنىڭ وتىرىسىنان كە­يىن تومەندەگى قۇجاتتارعا قول قو­يىلدى:

  1. تاۋەلسىز مەملەكەتتەر دوس­تاس­تىعى ۇيىمىنا مۇشە ەلدەردىڭ ستراتەگيالىق ەكونوميكالىق ىنتىماقتاستىعى تۋرالى دەكلا­راتسياسى;
  2. تاۋەلسىز مەملەكەتتەر دوس­تاستىعى ۇيىمىنا مۇشە ەلدەر باسشىلارىنىڭ ۇيىمعا مۇشە مەملەكەتتەردىڭ حالقىنا جانە الەمدىك قاۋىمداستىققا 1941-1945 جج. ۇلى وتان سوعى­سىن­داعى كەڭەس حالقىنىڭ جەڭى­سىنە 75 جىل تولۋىنا وراي ۇندەۋى;
  3. تاۋەلسىز مەملەكەتتەر دوستاستىعى ۇيىمىنا مۇشە ەلدەردىڭ باس بوستاندىعىنان ايىرۋدان باسقا جازا تۇرلەرىن ورىنداۋدى بەرۋ تۋرالى كونۆەنتسياسى;
  4. تاۋەلسىز مەملەكەتتەر دوس­تاستىعى ۇيىمىنا مۇشە ەل­دەر­دىڭ 2020-2022 جىلدار ارا­ل­ى­عىندا تەرروريزممەن جا­نە ەكس­ترە­ميزمنىڭ وزگە دە زور­لىق-زوم­­بىلىق تۇرلەرىمەن كۇرەستە ىن­تى­­ماق­تاستىعى تۋرالى باعدارلاماسى.
سوڭعى جاڭالىقتار

قازالىدا رەترو-فەستيۆال ءوتتى

ايماقتار • بۇگىن، 16:58

كۇلكى كەرۋەنى № 20

رۋحانيات • كەشە

ءحالىڭ قالاي، قوستاناي؟

ايماقتار • كەشە

ۇقساس جاڭالىقتار