-اتاۋلى الەۋمەتتىك كومەك - بۇل اتاۋلى كومەك, از قامتاماسىز ەتىلگەن وتباسىلارعا باعىتتالعان كومەك. جۇمىسپەن قامتۋ ارقىلى وتباسىنىڭ كىرىسىن ارتتىرۋعا باعىتتالعان اقشالاي كومەك جانە الەۋمەتتىك بەيىمدەلۋ, وتباسىنىڭ بيزنەسىن جانە باسقا دا جۇمىس تۇرلەرىن ۇيىمداستىرۋعا باعىتتالعان كومەك.
قازىرگى تاڭداعى اتاۋلى الەۋمەتتىك كومەك بەرۋدىڭ نەگىزگى كريتەريلەرىنە توقتالاتىن بولساق, بۇل - وتباسىنىڭ جان باسىنا شاققانداعى ورتاشا تابىسى كۇنكورىستىك دەڭگەيىنىڭ 70 پايىزىنان از بولعان جاعدايدا, وتباسىنىڭ ءاربىر مۇشەسىنە كەدەيشىلىك شەگىندەگى مولشەرىندە اتاۋلى الەۋمەتتىك كومەك كورسەتىلىپ وتىر.ءاربىر بالاعا كەدەيشىلىك شەگىندەگى مولشەرىندە كومەك تولەنىپ وتىر. بۇل كەدەيشىلىك شەگىندەگى مولشەرى بىزدە 3 توقساندا 26 939 تەڭگەنى قۇرايدى. ەگەر وتباسىنىڭ تابىسى ءاربىر مۇشەسىنە وسى سومادان كەم بولىپ جەتپەگەندە – ءاربىر بالاعا 29 939 تەڭگە مولشەرىندە اتاۋلى الەۋمەتتىك كومەك تاعايىندالايىن دەپ وتىر. ال وتباسىنىڭ ەرەسەك مۇشەلەرىنە سول وتباسى تابىسى مەن كۇنكورىس دەڭگەيىنىڭ اراسىنداعى ايىرماشىلىق مولشەرىندە كومەك تولەنەدى.
اعىمداعى جىلدىڭ 9 ايىندا ااك-كە 9 398 وتباسى نەمەسە 52 163 ادام (34,027 بالا) تاعايىندالدى. ونىڭ ىشىندە 5172 نەمەسە 34433 ادام كوپ بالالى وتباسىلار, ولاردىڭ 23794-ءى بالالار.
جالپى سوماسى 4 318,8 ملن. تەڭگە قاراستىرىلعان, ونىڭ 4 079,1 ملن. تەڭگەسى تولەنگەن.
1665 ادام جۇمىسپەن قامتۋدىڭ بەلسەندى شارالارىنا تارتىلدى (ونىڭ ىشىندە تۇراقتى جۇمىس ورىندارىنا - 1005, ۋاقىتشا جۇمىسقا 574; كاسىپتىك وقۋعا جانە وقۋعا 64 ادام جىبەرىلدى), كاسىپكەرلىكتى دامىتۋعا 159 ميكروكرەديت بەرىلدى, ونىڭ ىشىندە 59 كوپبالالى انالار, مۇگەدەكتەر مەن جاستار. بيزنەس-يدەيالاردى جۇزەگە اسىرۋ ءۇشىن 200 اەك مولشەرىندە 253 گرانت, ونىڭ ىشىندە 23 كوپبالالى وتباسى, 19 از قامتىلعان.
2 مىڭنان استام وتباسى وزدەرىنىڭ ناقتى كىرىستەرىن جاسىرعانى انىقتالدى, بۇل ااك-ءنىڭ زاڭسىز تاعايىندالۋىنا اكەلدى. ولار ءۇشىن بارلىق شارالار قولدانىلدى, ءبىز بۇرىن تاعايىندالعان ااك-ءنى توقتاتۋعا نەمەسە قايتا ساناۋعا ءماجبۇر بولدىق (اياقتالدى - 1000 وتباسى, 113 وتباسى توقتاتىلدى, 1121 وتباسى قايتا ەسەپتەلدى).
ااك الاتىن بالالاردىڭ شامامەن 60% -ى كوپ بالالى وتباسىلاردىڭ بالالارى.
كوپ بالالى وتباسىلار - 4840 وتباسى (55,7%), ءۇش بالا - 2351 وتباسى (27%), ەكى بالا - 1046 وتباسى (12%), ءبىر بالا - 462 وتباسى (5%), بالالارسىز - 31 وتباسى ( 0,3%),- دەدى قاراشاش يشبەرگەنقىزى.
ماڭعىستاۋ وبلىسى
