جيىن قىركۇيەكتىن 11-ءى مەن قازاننىن 11-ءى ارالىعىندا «باتىس» وڭىرلىك قولباسشىلىعىنىڭ «قاراباتان» وقۋ پوليگونىندا ءوتتى. اتىراۋ وبلىسىنىڭ بارلىق ايماقتارىنان شاقىرىلعان 70 زاپاستاعى وفيتسەرلەر, وزدەرىنىڭ اسكەري-ەسەپتىك ماماندىقتارى بويىنشا كۋرستان ءوتتى.
جيىن باسىندا ولارمەن تاكتيكالىق, موبيليزاتسيالىق, اتىس جانە اسكەري-مەديتسينالىق دايىندىق بويىنشا, سونىمەن قوسا حالىقارالىق اسكەري قۇقىق, اسكەري پەداگوگيكا مەن پسيحولوگيا بويىنشا ءدارىس ساباقتارى ءوتتى. كەيىن, ولار وزدەرىنىڭ تىكەلەي اسكەري باعىتتارى بويىنشا ءتالىم الدى.
جيىننىڭ اياقتالۋىنا وراي ۇيىمداستىرىلعان سالتاناتتى ميتينگتە وفيتسەرلەردىڭ اتىنان لەيتەنانت ازامات تورەگەلديەۆ سويلەدى. «بارلىق زاپاستاعى وفيتسەرلەردىڭ اتىنان, جيىن باسشىلىعىنا زور العىسىمىزدى بىلدىرەمىز. ولار ءبىز ءۇشىن ناعىز اسكەري ورتانى جاساپ, ءبىلىم بەرىپ, اسكەري باۋىرلاستىققا باۋلىپ وتىردى, دەدى وفيتسەر. جيىن بارىسىندا كوزگە تۇسكەن وفيتسەرلەر وڭىرلىك قولباسشىلىقتىڭ قولباسشىسى پولكوۆنيك نۇرلان الدياروۆتىڭ قولىنان ماداقتاما قاعازدارى مەن العىس حاتتارمەن ماراپاتتالدى, ال جيىننىڭ ۇزدىك مەرگەنى اتانعان لەيتەنانت سالامات تۇرلان ۇلى كۋبوكتى يەلەندى.
اتالمىش جيىندار قازاقستان رەسپۋبليكاسى قارۋلى كۇشتەرىنىڭ اسكەري بولىمدەرى مەن اسكەري جاساقتارىنىڭ اسكەري-وقىعان رەزەرۆىنىڭ جاۋىنگەرلىك جانە جۇمىلدىرۋ دەڭگەيىن ارتتىرۋ ماقساتىندا جىل سايىن وتكىزىلىپ وتىرادى.
جيىن كەزىندەگى اسكەري مىندەتتىلەردىڭ تۇرمىس ورىنى, ازىق-ت ۇلىك جانە كيىم-كەشەك جابدىقتالىمى قورعانىس مينيسترلىگىنىڭ تاراپىنان جۇرگىزىلەدى.
اسكەري مىندەتتىلەردىڭ جۇمىس ورىنى مەن لاۋازىمى ونىڭ اسكەري بولىمنەن كەلگەنگە دەيىنگى ۋاقىت ارالىعىندا ساقتالادى. سونىمەن قوسا, مەملەكەتتىك بيۋدجەتتىڭ تاراپىنان ورتا ايلىق جالاقى تولەنەتىن بولادى.
ماڭعىستاۋ وبلىسى
