ايماقتار • 11 قازان، 2019

قوستاناي وبلىستىق پوليتسيا دەپارتامەنتىنىڭ باستىعى تاسىمالداۋشىلاردىڭ ماسەلەلەرىن تىڭدادى

161 رەتكورسەتىلدى

«اۆتوبۋس» جەدەل-الدىن الۋ ءىس-شاراسى اياسىندا قوستاناي وبلىستىق پوليتسيا دەپارتامەنتىنىڭ باستىعى، پوليتسيا گەنەرال-مايورى بەكەت ايماعامبەتوۆ رۋدنىي قالاسىندا جولاۋشىلار تاسىمالى كاسىپورىندارىنىڭ وكىلدەرىمەن كەزدەسىپ، ولاردىڭ ماسەلەلەرىن تىڭدادى. بۇل تۋرالى پد ءباسپاسوز قىزمەتى حابارلادى. 

وبلىستىڭ باس پوليتسەيى كەنشىلەر شاھارىنا جاساعان ساپار بارىسىندا جەرگىلىكتى پوليتسيانىڭ فرونت-كەڭسەسىندە ازاماتتاردى جەكە قابىلداپ، «قوستاناي اۆتوۆوكزالى» ءىرى اۆتوكاسىپورنىنا باردى. بۇل كاسىپورىندا 200 جۇرگىزۋشى جۇمىس ىستەيدى. ولار تەك وبلىس ىشىندە عانا ەمەس، سونىمەن قاتار، ودان تىس جەرلەرگە دە تاسىمالدايدى. كاسىپورىن باسشىسى بوتاگوز بوپاتاەۆا بۇگىنگى تاڭدا بۇل سالادا ەكى ۇلكەن ماسەلە بار ەكەنىن ايتتى. ول – زاڭسىز تاسىمالداۋشىلار مەن تەحنيكالىق تەكسەرۋ ساپاسى.

- بىزدە 200 اۆتوبۋس بار. وتكەن جىلى قوعامدىق كولىكتى تەحنيكالىق تەكسەرۋ ءۇشىن ساپالى جابدىقتار ساتىپ الىندى. بىزدە كەز كەلگەن كولىك تەحنيكالىق بايقاۋدان وتە الادى. بىراق بۇگىندەرى وسىنداي قىزمەتتى ەشقانداي تەكسەرىستەن وتكىزبەي، «ۆاتساپ» ارقىلى ساتاتىندار پايدا بولدى. كوپتەگەن ادام ليتسەنزيا الادى، اۆتوبۋستىڭ قاي جەرگە باراتىنىن ايتپاعاندا، قاجەتتى جابدىقتارى جوق. بۇل رەتتە تەحنيكالىق بايقاۋدان وتكەندىگى تۋرالى تالون بەرىلەدى، - دەدى ب.بوپاتاەۆا.

كاسىپورىن باسشىسىنىڭ بۇل ءسوزىن كەزدەسۋگە كەلگەن جۇرگىزۋشىلەر دە قوستادى. ب.ايماعامبەتوۆ كاسىپورىندا جاسالعان جاعدايلاردى قاراپ شىعىپ، شىن مانىندە مۇندا كولىكتى تەكسەرۋ شۇڭقىرلارى، ارنايى جابدىقتار بار ەكەنىنە كوز جەتكىزدى.

- ەگەر قوعامدىق كولىكتەر وسىنداي تەحنيكالىق بايقاۋدان وتسە، كوپتەگەن ماسەلە شەشىلەر ەدى. بۇگىن ەلىمىزدە بىرنەشە ءىرى جول-كولىك وقيعاسى بولدى. ءبىز كولىكتىك باقىلاۋ وكىلدەرىمەن بىرلەسە وتىرىپ، بارلىق جۇرگىزۋشى كولىكتىڭ تەحنيكالىق جاعدايىن ساپالى تەكسەرۋدەن وتكىزۋ تەتىكتەرى تۋرالى ماسەلەنى پىسىقتاپ جاتىرمىز، - دەپ اتاپ ءوتتى پوليتسيا گەنەرال-مايورى.

دەپارتامەنت باسشىسىمەن وتكەن كەزدەسۋدە جۇرگىزۋشىلەر تاعى ءبىر پروبلەمانى كوتەردى. بۇل – زاڭسىز تاسىمالداۋشىلار. 46 جىل اۆتوبۋس تىزگىنىندە كەلە جاتقان ۆلاديمير بۋبليك تاسىمالداۋمەن اينالىساتىن تاكسي جۇرگىزۋشىلەرى، سونداي-اق، اۆتوبۋس جۇرگىزۋشىلەرى جىلىنا ەكى رەت تەحنيكالىق بايقاۋدان وتۋگە مىندەتتى ەكەنىن اتاپ ءوتتى. 6 قازاندا قوستانايدا تاكسي كولىگى جانىپ، جۇرگىزۋشى زارداپ شەكتى. كوبىنە تاكسيلەر اقشانى ويلاپ، قاۋىپسىزدىكتى ەستەن شىعارادى دەيدى ول.

- ءبىز تاكسي جۇرگىزۋشىلەردىڭ اۆتوۆوكزالعا كىرىپ، جولاۋشىلاردى جينايتىنىن كورىپ ءجۇرمىز. قازىردىڭ وزىندە قاشار كەنتىنە باراتىن اۆتوبۋستى توقتاتتىق، ويتكەنى پايدا جوق. سونىمەن قاتار ءبىزدىڭ اۆتوبۋستارعا ۇنەمى تەحنيكالىق باقىلاۋ جۇرگىزىلەدى، - دەدى جۇرگىزۋشى.

بەكەت ايماعامبەتوۆتىڭ ايتۋىنشا، بۇل ماسەلە بۇرىننان بار.

- مەن قوستاناي اۋدانىندا ازاماتتاردى قابىلدادىم، سول جەردە تاسىمالداۋشىلار ماعان شاعىمدانىپ، نارازىلىقتارىن ءبىلدىردى. جەرگىلىكتى پوليتسيا قىزمەتى اتالعان ماسەلەلەردى تەكسەرۋ ءۇشىن رەيدتەر وتكىزۋدە، - دەپ اتاپ ءوتتى پد باستىعى.

بەكەت ايماعامبەتوۆ اتاپ وتكەندەي، وبلىستا «اۆتوبۋس» جەدەل الدىن الۋ ءىس-شارالارىنىڭ ءبىرىنشى كۇنى اۆتوبۋس جۇرگىزۋشىلەرىنىڭ 97 بۇزۋشىلىعى انىقتالدى، ونىڭ ىشىندە كولىكتىڭ تەحنيكالىق جاعدايىنا بايلانىستى 6 بۇزۋشىلىق تىركەلگەن.

 

 

 

سوڭعى جاڭالىقتار

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

بولمىسى ءبۇتىن باعاەۆ

رۋحانيات • بۇگىن، 07:19

ەر ەدىگە جانە ەلدىك مۇددە

رۋحانيات • بۇگىن، 07:11

تەمەكىنىڭ تاۋقىمەتى

مەديتسينا • بۇگىن، 07:05

ەڭ قىسقا اڭگىمە. ولجاس ساندىبەك

ەڭ قىسقا اڭگىمە • كەشە

ەڭ قىسقا اڭگىمە. تالعات ەشەن ۇلى

ەڭ قىسقا اڭگىمە • كەشە

ەڭ قىسقا اڭگىمە. نۇرداۋلەت قاباسوۆ

ەڭ قىسقا اڭگىمە • كەشە

ەڭ قىسقا اڭگىمە. ەرمەك بەگزادا

ەڭ قىسقا اڭگىمە • كەشە

ەڭ قىسقا اڭگىمە. نۇرنازار تۇرىكبەن

ەڭ قىسقا اڭگىمە • كەشە

ۇقساس جاڭالىقتار