«ازاماتتارعا ارنالعان ۇكىمەت» مەملەكەتتىك كورپوراتسياسى ماڭعىستاۋ وبلىسى بويىنشا فيليالىنىڭ ءباسپاسوز حاتشىسى باعيلا جارلانوۆانىڭ ايتۋىنشا, قالا تۇرعىندارىمەن سالىستىرعاندا اۋىل تۇرعىندارىنىڭ كوپشىلىگى تسيفرلىق قىزمەت تۇرىنە قىزىعۋشىلىق تانىتادى. جىلجىمالى حقو-نىڭ توبى كەستەگە سايكەس ىسساپارعا اتتانىپ, اۋىل تۇرعىندارىنىڭ قۇجاتتارىن قابىلدايدى. جانە ەلەكتروندى ۇكىمەت پورتالى ارقىلى ءوز بەتىنشە مەملەكەتتىك قىزمەتتەردى حقو كومەگىنسىز قالاي الۋ كەرەكتىگى تۋرالى تۇسىندىرمە جۇمىستارىن جۇرگىزەدى.
جىلجىمالى حقو 2012 جىلدان باستاپ شالعايداعى اۋىلدىق وكرۋگتەرگە قىزمەت كورسەتە باستادى. اۋىل تۇرعىندارى ولار ارقىلى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت-وفيستەرىندە كورسەتىلەتىن 648 مەملەكەتتىك قىزمەتتىڭ كەز كەلگەنىن, اۋدان ورتالىعىنا شىقپاي حقكو ءموبيلدى توبىنىڭ كەلۋىمەن الا الادى.
مامانداردىڭ ايتۋىنشا, بۇگىنگى تاڭدا وبلىستا 13 شالعاي ەلدى مەكەندى قامتيتىن جانە قىزمەت كورسەتەتىن 3 جىلجىمالى حالىققا قىزمەت كورسەتۋ ورتالىعىنىڭ توبى جۇمىس ىستەيدى. قىزمەت كورسەتۋ كۇنى مەن ۋاقىتى توقسان سايىن الدىن الا وبلىس اكىمدىكتەرىنىڭ سايتتارىندا جاريالانادى. بۇگىنگى تاڭدا تۇرعىندار اراسىندا اقپاراتتىق انىقتامالارعا جانە الەۋمەتتىك قىزمەت تۇرلەرىنە, اتاپ ايتقاندا مەكەنجاي انىقتامالارىنا, 18 جاسقا دەيىنگى بالالارعا جاردەماقى تاعايىنداۋ جانە ت.س.س مەملەكەتتىك قىزمەتتەرگە سۇرانىس كوپ.
جىلجىمالى حقو ەڭ الدىمەن شالعايداعى ەلدى مەكەندەردىڭ تۇرعىندارىنا ۋاقىت پەن جول اقىعا كەتەتىن شىعىندى ۇنەمدەۋگە مۇمكىندىك بەرەدى.
