ءبىرىنشى كەزەكتە ەرلان زامانبەك ۇلى گم 172/6 مەملەكەتتىك مەكەمەسىنە بارىپ, سوتتالعانداردىڭ تۇرمىستىق جاعدايلارىمەن, مەديتسينالىق-سانيتارلىق كومەك كورسەتىلۋى, تاماقتانۋى جانە ەڭبەكپەن قامتۋى ماسەلەلەرىمەن تانىستى. سونداي-اق ە.تۇرعىمباەۆ قاماۋداعىلاردىڭ جەكە سۇراقتارى بويىنشا قابىلداۋ جۇرگىزدى.
پوليتسيا دەپارتامەنتىندە مينيستر مۇراجايعا بارىپ, ەكسپوناتتارمەن تانىستى. ايتا كەتۋ كەرەك, مۇراجايدا "حالىق قاھارمانى" اتاعىنا يە بولعان باتىر پوليتسەي عازيز بايتاسوۆقا ارنالعان بۇرىش بار.
ودان كەيىن ە. تۇرعىمباەۆ پد, تجد, قاجد باسشىلىعىمەن جانە جەكە قۇراممەن كەزدەستى. دەپارتامەنت باسشىلارى 9 اي قورىتىندىسى بويىنشا اتقارىلعان جۇمىس تۋرالى مينيستر الدىندا ەسەپ بەردى.
ءىس-شارا سوڭىندا ىشكى ىستەر ءمينيسترى باسشىلىق قۇرامعا مەرزىمىنەن بۇرىن ارنايى اتاقتار بەرىپ, قازاقستان رەسپۋبليكاسى ءىىم العىس حاتتارىمەن جانە گراموتالارىمەن ماراپاتتادى.
اتاپ ايتقاندا, ماڭعىستاۋ وبلىستىق پوليتسيا دەپارتامەنتىنىڭ اكىمشىلىك پوليتسيا باسقارماسى باستىعىنىڭ ورىنباسارى, پوليتسيا مايورى نۇرجان وراز ۇلى ماحمۋتوۆقا, اقتاۋ قالالىق پوليتسيا باسقارماسى كريمينالدىق پوليتسيا ءبولىمىنىڭ م ۇلىكتىك قىلمىستاردى اشۋ بولىمشەسىنىڭ باستىعى, پوليتسيا مايورى مارات ەلۋباي ۇلى ەرنيازوۆقا, اقتاۋ قالالىق پوليتسيا باسقارماسىنىڭ اعا كريميناليسى, پوليتسيا مايورى الەكساندر ۆالەرەۆيچ كورەنسكيحكە پوليتسيا پودپولكوۆنيگى اتاعى بەرىلدى.
سونىمەن قاتار قازاقستان رەسپۋبليكاسى ءىىم گراموتاسىمەن ماڭعىستاۋ وبلىستىق پوليتسيا دەپارتامەنتىنىڭ جەدەل ارەكەت ەتۋ ارنايى جاساعىنىڭ ۆزۆود كومانديرى, پوليتسيا كاپيتانى مانتاق پاراحات اسان ۇلى, قازاقستان رەسپۋبليكاسى ءىىم العىس حاتىمەن ماڭعىستاۋ وبلىستىق پوليتسيا دەپارتامەنتىنىڭ اقتاۋ قالالىق پوليتسيا باسقارماسى پاترۋلدىك پوليتسيا باتالونى قىزمەتىنىڭ ينسپەكتورى, پوليتسيا لەيتەنانتى ناسيحانوۆ نۇربەك حاارمان ۇلى, ءىى دارەجەلى "ىشكى ىستەر ورگاندارىنىڭ ۇزدىگى" ءتوس بەلگىسىمەن ماڭعىستاۋ وبلىستىق پوليتسيا دەپارتامەنتىنىڭ جاڭاوزەن قالالىق پوليتسيا باسقارماسى جەرگىلىكتى پوليتسيا قىزمەتى ءبولىمىنىڭ كامەلەتكە تولماعاندار ىستەرى جونىندەگى اعا ۋچاسكەلىك پوليتسيا ينسپەكتورى, پوليتسيا كاپيتانى ەلەمەسوۆ بيعالي بيسەنعالي ۇلى ماراپاتتالدى.
سونداي-اق قىزمەتتىك مىندەتتەرىن ادال اتقاراتىن جانە قوعامدىق ءتارتىپتى قامتاماسىز ەتەتىن پوليتسيا قىزمەتكەرلەرىن تاربيەلەگەنى ءۇشىن قازاقستان رەسپۋبليكاسى ءىىم العىس حاتتارىمەن پوليتسيا لەيتەنانتى قۇرمانتاەۆ نۇرجان بەكنازار ۇلىنىڭ اكەسى قۇرمانتاەۆ بەكنازار تالىب ۇلى جانە پوليتسيا لەيتەنانتى ۋنايباەۆا التىناي بەيسەنقىزىنىڭ اناسى ۋنايباەۆا ارتيك وتەعاليقىزى ماراپاتتالدى.
مينيستر كوشى-قون قىزمەتتەرىن كورسەتۋ ورتالىعىنا, اقتاۋ قالالىق پوليتسيا باسقارماسىنىڭ فرونت-كەڭسەسىنە, "كاسپي" ستاتسيونارلىق پوليتسيا بەكەتىنە بارىپ, قىزمەتتەرىمەن تانىستى.
