ايماق باسشىسى وبلىستىڭ عانا ەمەس, كۇللى قازاق ەلىنىڭ نامىسىن قورعاپ, كوك بايراعىمىزدى جەلبىرەتىپ جۇرگەن بوكستان الەم چەمپيوناتىنىڭ قولا جۇلدەگەرى ساكەن بيبوسىنوۆ, بوكستان الەم چەمپيونى (2017) قايرات ەراليەۆ, جامبى اتۋدان الەم چەمپيونى ەرالحان ايكوز جانە سامبودان بەس دۇركىن ازيا جەڭىمپازى ايجان جىلقىباەۆاعا سىي – قۇرمەت كورسەتتى.ءتورت جىلدىقتىڭ باستى سپورت دوداسى - توكيو وليمپياداسىنىڭ ليتسەنزيالىق تۋرنيرلەرىندە سپورتشىلارعا جەڭىس تىلەدى. سونداي - اق وبلىسىمىزدا سپورتتى دامىتۋدا الدا ۇلكەن جوسپارلاردىڭ بار ەكەندىگىن اتاپ ءوتتى. بۇل سالاعا الداعى ۋاقىتتا دا بارىنشا قولداۋ كورسەتىلەدى. وبلىس اكىمىنىڭ ايتۋىنشا, جاستاردى جاپپاي سپورتقا باۋلۋ ماقساتىندا وڭىردە وليمپيادالىق رەزەرۆتەگى مەكتەپ, ستاديون, تەننيس الاڭى مەن يپپودروم قۇرىلىسى قولعا الىنادى.
ءوز كەزەگىندە سپورت شەبەرلەرى وبلىس اكىمىنىڭ قولداۋىنا ريزاشىلىقتارىن ءبىلدىرىپ, اقتوبە قالاسىندا وتكەن ۇلتتىق سپورت تۇرلەرى سايىسىندا توپ جارىپ, جەڭىپ العان باس جۇلدە - كۋبوكتى تارتۋ ەتتى.
