بۇل كۇنى ورتالىقتىڭ كەلۋشىلەرى بىلىكتى پسيحياترلار مەن پسيحولوگتاردان كونسۋلتاتسيا الىپ, ورتالىقتىڭ پسيحو-الەۋمەتتىك ورتالىعىنىڭ كليەنتتەرى جاساعان قولونەر بۇيىمدارىنىڭ كورمەسىنە قاتىستى.
قازاقستان رەسپۋبليكاسىنىڭ دم قوعامدىق دەنساۋلىق ۇلتتىق ورتالىعىمەن بىرلەسىپ, ءسۋيتسيدتىڭ الدىن الۋ بويىنشا سەمينار ۇيىمداستىرىلدى. نۇر-سۇلتان قالاسىنىڭ № 35 جانە № 1 مەكتەپ-ليتسەيلەرىنىڭ 8-11 سىنىپ وقۋشىلارىنىڭ الدىندا ورتالىقتىڭ سۋيتسيدولوگى ميحايل سمەتسكوي ءدارىس وقىدى. ونىڭ ايتۋىنشا, دۇرىس ءارى ساۋاتتى ءومىر سۇرسە ادام ءومىرىن ساقتاپ قالۋعا بولادى.
دۇنيەجۇزىلىك پسيحيكالىق دەنساۋلىق كۇنىنە وراي, العاش رەت فۋتبولدان «Mental cup» ءوتىپ, وعان ورتالىقتىڭ ناۋقاستارى مەن «نۇر-وتان» پارتياسىنىڭ, «Green Tall» الەۋمەتتىك شەبەرحاناسى, ء«ومىر تىنىسى» قوعامدىق قورىنىڭ كوماندالارى قاتىستى. اتالعان ءتۋرنيردى شجق "پدمو" مكك-ءنىڭ پسيحو-الەۋمەتتىك وڭالتۋ ورتالىعى جانە «وليمپيونوك» الەۋمەتتىك قورى ۇيىمداستىردى. جارىس ناتيجەسى بويىنشا ءبىرىنشى ورىندى «نۇر وتان» پارتياسىنىڭ كومانداسى, ەكىنشى ورىندى ء«ومىر تىنىسى» قب, ال ءۇشىنشى ورىندى پسيحيكالىق دەنساۋلىق مەديتسينالىق ورتالىعىنىڭ كومانداسى يەلەندى.
ماتچ ۇيىمداستىرۋشىلارى مۇنداي ينكليۋزيۆتىك جولداستىق كەزدەسۋلەردى رەسپۋبليكالىق دەڭگەيگە شىعارۋدى كوزدەپ وتىر, ويتكەنى ول پسيحيكالىق اۋىتقۋلارى بار ادامداردى وڭالتۋدىڭ ءبىر باعىتى بولىپ تابىلادى.
