ايماقتار • 10 قازان، 2019

قاسكەلەڭدە قاراساي باتىرعا ەڭسەلى ەسكەرتكىش قويىلدى

49 رەتكورسەتىلدى

الماتى وبلىسى قاراساي اۋدانىنىڭ 90 جىلدىعىن مەرەكەلەۋ اياسىندا قاسكەلەڭ قالاسىنداعى ورتالىق الاڭعا داڭقتى قاراساي باتىردىڭ 11 مەترلىك ەڭسەلى ەسكەرتكىشى تۇرعىزىلدى. ەسكەرتكىش جەرگىلىكتى مەتسەناتتار مەن كاسىپكەرلەردىڭ قولداۋىمەن جاسالدى. ونىڭ اشىلۋ سالتاناتىنا وبلىس اكىمى اماندىق باتالوۆ قاتىستى. بۇل تۋرالى الماتى وبلىسى اكىمىنىڭ ءباسپاسوز قىزمەتى حابارلادى.   

اۋدان تۇرعىندارى مەن قوناقتارىن قۇتتىقتاعان وبلىس اكىمى ا. باتالوۆ:

- ەلباسىنىڭ «رۋحاني جاڭعىرۋ: بولاشاققا باعدار» اتتى باعدارلامالىق ماقالاسى شەڭبەرىندە وبلىستا تاريحي قۇندىلىقتارىمىزدى ساقتاۋعا، ۇلى تۇلعالارىمىزدىڭ ەسىمىن قۇرمەتتەۋگە باعىتتالعان اۋقىمدى شارالار اتقارىلۋدا. بۇگىن، مىنە، قاراساي اۋدانىنىڭ 90 جىلدىعىنا وراي اتى اڭىزعا اينالعان قاھارمان قاراساي باتىرعا ارناپ ەسكەرتكىش اشىپ وتىرمىز. بۇل كەيىنگى جاستاردى ەلجاندىلىققا تابيەلەۋگە قوسىلعان ۇلكەن ۇلەس دەپ بىلەمىز، - دەدى ءوز سوزىندە.  

بۇدان سوڭ وليمپيادا چەمپيونى، قازاقستاننىڭ ەڭبەك ەرى جاقسىلىق ۇشكەمپىروۆ جانە اۋدان تۇرعىندارى مەن قوناقتارى مەرەيلى مەرەكەمەن كوپشىلىكتى قۇتتىقتاپ، اۋداندا جاسالىپ جاتقان يگى ىستەردى، سونىڭ ىشىندە قاراساي اۋدانىنىڭ الەۋمەتتىك-ەكونوميكالىق دامۋىنداعى دەمەۋشى مەتسەنات ازاماتتاردىڭ ەلەۋلى ەڭبەگىن دە اتاپ ءوتتى.  

باتا بەرىلىپ، ەسكەرتكىشتىڭ شىمىلدىعى ءتۇسىرىلدى، كوپشىلىك باتىرعا تاعزىم ەتىپ، گۇل شوقتارىن قويدى.

اتاپ وتسەك، ەسكەرتكىشتىڭ اۆتورى - نۇركەن داۋكەنوۆ. ەسكەرتكىش قولادان جاسالعان، قاسكەلەڭنىڭ ورتالىق الاڭىنا قويىلدى. جالپى بيىكتىگى – 11 مەتر.

 

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار