ايماقتار • 10 قازان، 2019

تۇركىستان: پارا ۇسىنۋ دەرەكتەرى ءالى دە كەزدەسۋدە

86 رەتكورسەتىلدى

تۇركىستان وبلىسىندا بيىلعى 9 ايدا لاۋازىمدى تۇلعالارعا پارا بەرۋ فاكتىسى بويىنشا 7 قىلمىستىق ءىس تىركەلىپ، ونىڭ 5-ءۋى سوتقا جولدانعان. قىلمىستىق ىستەر بويىنشا بۇگىنگى كۇنى سوت ۇكىمىمەن 3 تۇلعاعا قاتىستى ايىپتاۋ جازالارى قولدانىلعان.

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى عانيجان اسان ۇلى مالىمدەدى.  

«جەكە تۇلعالاردىڭ زاڭسىز ماتەريالدىق سىياقى بەرۋى قىلمىستىق كودەكسكە سايكەس، 3 جىلعا دەيىنگى مەرزىمگە باس بوستاندىعىنان ايىرۋ جازاسى قولدانىلادى. مەملەكەتتىك مەكەمەدەن قىزمەت العانى ءۇشىن، قىزمەتشىگە پارا بەرمەۋ كەرەكتىگىن ءاربىر ازامات ءبىلۋى ءتيىس. ال قىزمەت بەرۋشى پارا تالاپ ەتسە، ول جاعدايدا اگەنتتىكتىڭ 1424 كولل ورتالىعىنا حابارلاۋ كەرەك»، – دەدى ع. اسان ۇلى.

وبلىس كولەمىندە سىبايلاس جەمقورلىق كورىنىستەرىنىڭ الدىن الۋ ماقساتىندا 505 مىڭنان استام ادامدى قامتىعان 2 537 ءىس-شارا ۇيىمداستىرىلعان. سونىڭ ىشىندە 1908-ءى – ءبىلىم بەرۋ ۇيىمدارىنداعى بىرىڭعاي ساعاتتار. بۇگىندە وبلىس بويىنشا كورسەتىلگەن مەملەكەتتىك قىزمەتتەردىڭ ەلەكتروندى تۇردەگى ۇلەسى 88%-دى قۇراپ وتىر. الايدا، وتكىزىلىپ جاتقان شارالارعا قاراماستان، ازاماتتار اراسىندا پارا ۇسىنۋ دەرەكتەرى ءالى دە كەزدەسۋدە.

عانيجان اسان ۇلىنىڭ ايتۋىنشا، كەيبىر ازاماتتار دەپارتامەنت قىزمەتكەرلەرىنە بەرەمىز دەگەن سىلتاۋمەن  مەكەمەنىڭ قىزمەتكەرلەرىنەن اقشا جينايدى ەكەن. سونداي-اق، بريفينگ بارىسىندا وبلىستاعى بارلىق مەملەكەتتىك ورگاندار قامتىلعان #پارابەرمە چەلەندجىنىڭ كيەلى وڭىردە باستاۋ العاندىعىن ايتىپ، وعان بارشا ازاماتتاردى بەلسەندى تۇردە قاتىسۋعا شاقىردى.

 

تۇركىستان وبلىسى

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار