قوعام • 10 قازان، 2019

Nur Otan: پارتيالىق باقىلاۋ كوميتەتىنىڭ وتىرىسى وتەدى

41 رەتكورسەتىلدى

ەرتەڭ Nur Otan پارتياسىنىڭ پارتيالىق باقىلاۋ كوميتەتىنىڭ وتىرىسى بولادى. جيىن «پارتيا مۇشەلەرى: جەرگىلىكتى اتقارۋشى جانە ورتالىق مەملەكەتتىك ورگان باسشىلارىنىڭ پارتيانىڭ قوعامدىق قابىلداۋ بولمەلەرىندە 2018 جىلى جانە 2019 جىلدىڭ 8 ايىندا ازاماتتاردىڭ وتىنىشتەرىن قاراۋ تۋرالى» تاقىرىبىندا وتەدى. بۇل تۋرالى پارتيانىڭ ءباسپاسوز قىزمەتى حابارلادى. 

جيىندا ەلباسىنىڭ تۇرعىندارمەن كەرى بايلانىستى نىعايتۋ، ازاماتتاردىڭ تالاپ-تىلەكتەرىن جەكە-جەكە قاراۋعا قاتىستى 2019 جىلدىڭ 21 تامىزدا وتكەن پارتيانىڭ ساياسي كەڭەسىنىڭ كەڭەيتىلگەن ماجىلىسىندە بەرگەن تاپسىرمالارىن، سونداي-اق، پرەزيدەنتتىڭ «حالىق ۇنىنە قۇلاق اساتىن مەملەكەت» كونتسەپتسياسىنىڭ شەڭبەرىندە ايقىندالعان باعىتتاردى جۇزەگە اسىرۋ ماسەلەلەرى قارالادى. 

بۇل ماسەلەلەر بويىنشا ايماقتىق جانە اۋماقتىق پارتيالىق باقىلاۋ كوميسسيالارى قىركۇيەك ايىندا جۇمىس جۇرگىزدى. سونىڭ ناتيجەسىندە پارتيا مۇشەلەرىنىڭ ازاماتتاردىڭ وتىنىشتەرىن قاراۋىنا قاتىستى اتقارىلعان وڭ ىستەردىڭ، سونىمەن قاتار، ولقىلىقتار مەن كەمشىلىكتەر، پاريتيانىڭ جەكەلەگەن مۇشەلەرىنىڭ ونىڭ ىشىندە جەرگىلىكتى اتقارۋشى ورگان باسشىلارىنىڭ، ءماسليحات دەپۋتاتتارىنىڭ قر زاڭدارى مەن پارتيالىق ادەپ كودەكسىن بۇزعان جاعدايلارعا قاتىستى اۋقىمدى مالىمەت جينالدى.     

كوميتەت وتىرسىندا ورتالىق جانە ايماقتارداعى پارتيالىقتاردىڭ جۇمىسىنداعى بارلىق كەمشىلىكتەر مەن ولقىلىقتارعا پارتيالىق باعا بەرىلەدى. ونىڭ ىشىندە پارتيانىڭ قوعامدىق قابىلداۋ بولمەلەرىندە ازاماتتاردى قابىلداۋعا فورمالدى تۇردە قاراۋ، ءماسليحات دەپۋتاتتارى مەن مەملەكەتتىك ورگانداردىڭ لاۋازىمدى تۇلعالارىنىڭ بەلگىلەنگەن قابىلداۋعا كەلمەگەن (ماسەلەن، قىزىلوردا وبلىسىندا) ورەسكەل فاكتىلەرىنە قاتىستى ماسەلە قارالادى. 

سونىمەن قاتار پارتيالىق باقىلاۋ كوميتەتى جەرگىلىكتى اتقارۋشى جانە مەملەكەتتىك ورگانداردىڭ باسشىلارى بولىپ تابىلاتىن پارتيا مۇشەلەرىنە ازاماتتاردىڭ وتىنىشتەرىن قاراۋ جانە ولارمەن قارىم-قاتىناس جاساۋ كەزىندە جارعىنىڭ، پارتيانىڭ ادەپ كودەكسىن جانە جالپى قابىلدانعان مورالدىق-ەتيكالىق تالاپتاردى بۇزعانى ءۇشىن ايىپپۇل سالۋدى ۇسىنادى.

سونداي-اق جيىنعا قاتىسۋشىلار ازاماتتاردىڭ ءوز وتىنىشتەرىندە جانە پارتيانىڭ قوعامدىق قابىلداۋ بولمەلەرىندە وتكەن قابىلداۋلار كەزىندە كوتەرگەن ماسەلەلەردى قاراۋدا نەمقۇرايلىلىققا جول بەرمەۋ ءۇشىن ۇسىنىستار ازىرلەنەدى. پارتيانىڭ بىرقاتار نورماتيۆتىك-قۇقتىق اكتىى مەن ىشكى رەتتەۋشى قۇجاتتارىنا تۇزەتۋلەر ەنگىزۋ بويىنشا ۇسىنىستار دايىندالۋدا.

قارالىپ جاتقان ماسەلە قاتىستى كەرى بايلانىستى قامتاماسىز ەتىپ، ۇسىنىستار، وتىنىشتەر مەن تالاپ-تىلەكتەر ءبىلدىرۋ ءۇشىن پارتيانىڭ رەسپۋبليكالىق قوعامدىق قابىلداۋ بولمەسىندە سەنىم تەلەفونى جۇمىس ىستەيدى: 8-800-080-44-41.

 

سوڭعى جاڭالىقتار

ۇقساس جاڭالىقتار