پرەزيدەنت • 08 قازان، 2019

قاسىم-جومارت توقاەۆ ۋرسۋلا فون دەر ليايەنگە قۇتتىقتاۋ جەدەلحاتىن جولدادى

39 رەت كورسەتىلدى

مەملەكەت باسشىسى ەۋروپالىق كوميسسيانىڭ سايلانعان پرەزيدەنتى ۋرسۋلا فون دەر ليايەندى تۋعان كۇنىمەن قۇتتىقتاپ، جەدەلحات جولدادى. بۇل تۋرالى اقوردانىڭ ءباسپاسوز قىزمەتى حابارلادى. 

جەدەلحاتتا ەۋروپالىق وداق ۋرسۋلا فون دەر ليايەننىڭ باسشىلىعىمەن ءوزىنىڭ ىرگەتاسىن نىعايتىپ، حالىقتىڭ ءال-اۋقاتىن ارتتىرىپ، حالىقارالىق ارەناداعى مەرەيىن ارتتىرۋ جولىندا بيىك بەلەستەردى باعىندىرىپ، يگى ماقسات-مۇراتتارعا جەتە بەرۋىنە تىلەكتەستىگىن بىلدىرگەن.

«قازىرگى تاڭدا ءوڭىردىڭ تۇراقتى ىلگەرىلەۋى مەن وركەندەۋى ءۇشىن كەڭەيتىلگەن سەرىكتەستىك پەن ىنتىماقتاستىق تۋرالى كەلىسىم جانە ەو-نىڭ ورتالىق ازيا بويىنشا جاڭا ستراتەگياسى نەعۇرلىم بەرىك بايلانىستاردىڭ جاڭا داۋىرىنە جول اشۋدا. الداعى جىلدارى قازاقستان مەن ەۋروپالىق وداق اراسىندا دوستىق نەگىزىندە قالىپتاسقان جەمىستى قاتىناستاردىڭ ودان ءارى دامي تۇسەتىنىنە كامىل سەنەمىن» دەپ جازدى قازاقستان پرەزيدەنتى.

قاسىم-جومارت توقاەۆ ەۋروكوميسسيانىڭ سايلانعان پرەزيدەنتىنە مول تابىس پەن ساتتىلىك تىلەدى. 

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار