تۇركىستان وبلىسىنىڭ اكىمى ومىرزاق شوكەەۆ جاپونيانىڭ قازاقستانداعى توتەنشە جانە وكىلەتتى ەلشىسى تاتسۋحيكو كاساي مىرزانى جانە جاپوندىق Kawasaki مەن Marubeni كومپانياسىنىڭ وكىلدەرىن قابىلدادى.
كەزدەسۋدە تاراپتار ەكىجاقتى قارىم-قاتىناستاردى دامىتۋ ماسەلەلەرىن تالقىلادى. ايماق باسشىسىنىڭ ايتۋىنشا, جاپونيا قازاقستان رەسپۋبليكاسى ءۇشىن, جانە تۇركىستان وبلىسىنا ماڭىزدى ستراتەگيالىق سەرىكتەستەردىڭ ءبىرى. كۇنشىعىس ەلىنەن وڭىرگە گەربيتسيدتەردىڭ ۇلكەن كولەمى يمپورتتالادى.
«تۇركىستان وبلىسى مەن جاپونيا اراسىندا ءوزارا ءتيىمدى وندىرىستىك, ساۋدا-ەكونوميكالىق جانە ينۆەستيتسيالىق ىنتىماقتاستىقتى ارتتىرۋ ءۇشىن ۇلكەن پەرسپەكتيۆالار بار ەكەنىنە سەنىمدىمىن. ءبىز بىرلەسكەن جوبالاردى ىسكە اسىرۋ ءۇشىن تولىق قولداۋ كورسەتۋگە دايىنبىز», - دەدى ومىرزاق شوكەەۆ.
سونىمەن قاتار وبلىس اكىمى تۇركىستان ءوڭىرىنىڭ تۋريزم جانە اگرارلىق ونەركاسىپ سالاسىنداعى جوعارى الەۋەتىن اتاپ ءوتتى. وسىلايشا, الداعى ۋاقىتتا شەت ەلدىكتەرمەن ورتاق مۇددەمىز ۇشتاسقان جوبالاردى ىسكە اسىرۋعا قازاقستاندىق جانە جاپوندىق كومپانيالار تارتىلۋى مۇمكىن.
Kawasaki كومپانياسى تۇركىستان قالاسىنداعى 50 مۆت بۋ-گاز ەلەكتر ستانتسياسىن سالۋ جوباسى ءۇشىن ءوز تەحنولوگياسىن ۇسىندى. ءوز كەزەگىندە وبلىس اكىمى جاپوندىق ءونىم ساپاسىن جوعارى باعالايتىندىعىن ءبىلدىردى. الداعى كونكۋرستارعا قاتىسۋدى ۇسىنىپ, ساتتىلىك تىلەدى.
ايتا كەتۋ كەرەك, بيىلعى جىلدىڭ 8 ايىنىڭ قورىتىندىسى بويىنشا وبلىسقا جاپونيادان جالپى سوماسى 513 مىڭ اقش دوللارىن قۇرايتىن تاۋارلار يمپورتتالعان. ونىڭ باسىم بولىگى اۆتوموبيلدەر مەن ولاردىڭ جيىنتىقتارى, گەربيتسيدتەر مەن ەلەكتر قۇرالدارى. قازاقستاندا قازىردىڭ وزىندە جاپون كاپيتالىنىڭ قاتىسۋىمەن مۇناي مەن گاز, مەتاللۋرگيا, قارجى, تاۋ-كەن ونەركاسىبى, اۆتوموبيلدەردى كوتەرمە باعامەن ساتۋ, ەلەكتر بايلانىسى, اعاش دايىنداۋ جانە لوگيستيكا سياقتى سالالاردا 80-گە جۋىق كاسىپورىن جۇمىس ىستەيدى.
