وبلىستىق چەمپيوناتقا قوستاناي وبلىسىنىڭ قۇراماسى مەن پوليتسيا دەپارتامەنتىنىڭ «دينامو» كومانداسى, سونداي-اق, مايلين, سارىكول, اۋليەكول, دەنيسوۆ اۋداندارىنىڭ سپورتشىلارى قاتىستى.
توپتىق كەزەڭدە پوليتسيا شاباندوزدارى قوستاناي وبلىسىنىڭ قۇراماسىن 7:1 ەسەبىمەن, سارىكول اۋدانىن 3:0 ەسەبىمەن تىزە بۇكتىردى. فينالدىق باسەكەدە ءتارتىپ ساقشىلارى تاعى دا وبلىس قۇراماسىمەن كەزەدەستى. دەپارتامەنت كومانداسى ءبىرىنشى سەكۋندتان باستاپ ءوز مىقتىلىعىن كورسەتتى. ۇيىمداسقان ويىن ناتيجەسىندە پوليتسيا قىزمەتكەرلەرى قارسىلاستارىنان تاعى دا باسىم ءتۇستى. بۇل جولى پوليتسەيلەر 3:0 ەسەبىمەن جەڭىسكە جەتتى.
- بالا كەزىمنەن ات ۇستىندەمىن. پوليتسيادا كاۆالەريالىق ۆزۆود بار, مەنىڭ قىزمەتتىك اتىم «وقجەتپەس». ءبىزدىڭ كوماندامىزدا 12 ادام بار. پوليتسيادان بولەك, تجم مەن ءىىم اكادەمياسى قىزمەتكەرلەرى دە بار. ويىن 40 مينۋت ءوتتى, ارقايسىسى ماڭىزدى بولدى. قارسىلاستار مىقتى. مەن كوماندادا شابۋىلشىمىن, سوندىقتان ماعان ۇلكەن جاۋاپكەرشىلىك جۇكتەلدى, - دەپ اتاپ ءوتتى جقاج ينسپەكتورى باقداۋلەت اسانوۆ.
-ء بىزدىڭ جىگىتتەر شىمىر. كومانداعا ءوز ءىسىنىڭ شەبەرلەرى جينالعان, ولار الاڭدا ءبىر-ءبىرىن جاقسى تۇسىنەدى. الداعى ۋاقىتتا ءبىز دايىندىقتى كۇشەيتەتىن بولامىز, - دەيدى «دينامو» كوكپار كومانداسىنىڭ جەتەكشىسى, جقاج كومانديرى جانىبەك مۇحامەدجانوۆ.
ەستەرىڭىزگە سالا كەتەيىك, بۇل بيىلعى ءبىرىنشى جەڭىس ەمەس, جىل باسىنان بەرى قوستاناي وبلىسى پوليتسيا دەپارتامەنتىنىڭ كومانداسى «ناۋرىز-2019» رەسپۋبليكالىق تۋرنيرىندە جانە 9 مامىر جەڭىس كۇنىنە ارنالعان وبلىستىق تۋرنيردە جەڭىسكە جەتكەن بولاتىن.
