80-گە جۋىق ەلوردالىق قۇتقارۋشى اۋقىمدى سەنبىلىك ۇيىمداستىرىپ, مەكەمە اۋماعىن تازالاپ, شىرشالار وتىرعىزىلدى. ءىس-شاراعا استانا قالاسى تجد «ۆم-قۇتقارۋشىلار» ءانسامبلى, قازاقستاندىق ەسترادا جۇلدىزدارى جانە ت.ب. قاتىستى. اتالعان شاراعا ءماسليحات دەپۋتاتتارى, سارىارقا اۋدانى اكىمى, قالالىق اكىمدىك جانە نۇر-سۇلتان تج دەپارتامەنتىنىڭ باستىقتارى قاتىستى.
تجد باستىعىنىڭ مىندەتىن ۋاقىتشا اتقارۋشى پولكوۆنيك مارعۇلان امانباەۆ قۇتتىقتاۋ ءسوز سويلەپ, ورتالىقتىڭ تۇرعىندارىنا مىقتى دەنساۋلىق, رۋح سەرگەكتىگىن, سارقىلماس قۋات تىلەدى.
سونداي-اق توتەنشە جاعدايلار دەپارتامەنتى شاحمات زالىنا 25 ورىندىق تۇرىندە جيھاز سىيلادى. «شاراپات» الەۋمەتتىك قىزمەت كورسەتۋ ورتالىعىنىڭ ديرەكتورى ر.ج.بايماعامبەتوۆا كەلگەن ساپارلارى ءۇشىن قاتىسۋشىلارعا العىسىن ءبىلدىرىپ, ورتالىقتىڭ تىنىس-تىرشىلىگىنە بەلسەندى قاتىسقانى, سپورتقا سىڭىرگەن ەڭبەگى ءۇشىن قىزمەتكەرلەر مەن تۇرعىندارىن سىيلىقتارمەن جانە گراموتالارمەن ماراپاتتادى. قۇتقارۋشىلار مەرەكەلىك كونتسەرتپەن بىرگە ءورت قاۋىپسىزدىگى ەرەجەلەرى بويىنشا نۇسقاۋلىقتار, ءورت-تاكتيكالىق وقۋ-جاتتىعۋلار وتكىزدى.
