ءىس-شارادان كەيىن وتكەن كەزدەسۋ بارىسىندا پرەزيدەنت ر.كوۆيند قازاقستان وكىلىنىڭ ءراسىمدى حيندي تىلىندە وتكىزگەنى ءۇشىن ريزاشىلىعىن ءبىلدىردى جانە ديپلوماتيالىق ميسسياسىنىڭ باستالۋىمەن قۇتتىقتاي وتىرىپ, ەكى ەل اراسىندا قالىپتاسقان قارىم-قاتىناستاردىڭ سەنىمدى سيپاتىن اتاپ ءوتتى.
ەلشى ە.الىمباەۆ ءۇندىستان پرەزيدەنتىن قر پرەزيدەنتى قاسىم-جومارت توقاەۆتىڭ العاشقى جولداۋىندا ايتىلعان ەل ەكونوميكاسىن جاڭعىرتۋ جانە الەۋمەتتىك سالانى جاقسارتۋ بويىنشا قازاقستاندا جۇزەگە اسىرىلىپ جاتقان شارالار تۋرالى حاباردار ەتتى.
سونىمەن قاتار, اڭگىمەلەسۋشىلەر بىرقاتار وزەكتى ماسەلەلەردى, ونىڭ ىشىندە ساۋدا-ەكونوميكالىق جانە ينۆەستيتسيالىق ىنتىماقتاستىق, سونداي-اق مادەني-گۋمانيتارلىق ىقپالداستىق تۋرالى پىكر الماستى.
