جالپى قۇنى 1,5 ملرد تەڭگەگە جۋىق قىرۋار جۇمىس «قازاگروفينانس» اق-نىڭ تاراپىنان ليزينگىلىك شارت نەگىزىندە نەسيەلەندىرىلۋدە. جاڭا سۋارۋ ءادىسىنىڭ ارقاسىندا ءتىپتى ديقانداردىڭ ءوز كۇشتەرىمەن يگەرە الماي جۇرگەن بوس جاتقان جەرلەرى ءتيىمدى پايدالانىلاتىن بولادى. جاڭبىرلاتىپ سۋارۋ ءادىسى بولاشاقتا كيەلى تۇركىستان ولكەسىنىڭ كوگالداندىرىلۋى مەن جاڭا ميكروكليماتتىڭ قالىپتاسۋىنا وڭ اسەرىن تيگىزەدى. ازىرگە بۇل جۇمىس ءتۇرى وبلىس ورتالىعىنان 12 شاقىرىم جەردە ورنالاسقان شاعا اۋىلىنان باستاۋ الماق.
بۇگىنگى تاڭدا بولىنگەن 200 گەكتار جەردىڭ تەڭ جارتىسىنان استامى جىرتىلىپ, وڭدەلگەن. ءداندى-داقىلداردىڭ ۇرىعىن جەتكىزۋدى «قازاق ەگىنشىلىك جانە وسىمدىك شارۋاشىلىعى عىلىمي-زەرتتەۋ ينستيتۋتى» جشس جۇزەگە اسىرۋعا دايىن. اتالعان ينستيتۋت كەيىننەن بارلىق اگروتەحنيكالىق ءىس-شارالارعا قولداۋ كورسەتەتىن بولادى. اۋىل شارۋاشىلىعى سالاسىندا كەڭىنەن ەتەك جايعالى وتىرعان ماشينا ستانتسياسىنىڭ ءتيىمدى تۇستارى كوپ. تەحنيكالىق قىزمەت كورسەتۋدە قاراپايىمدىلىعىمەن ەرەكشەلەنەدى. ءارى قاۋىپسىز. ەنەرگيا كوزى رەتىندە ديزەل گەنەراتورى قولدانىلادى. ەڭ باستىسى – ەكونوميكالىق ءتيىمدى. جاڭبىرلاتىپ سۋارۋ ءادىسىنىڭ ارقاسىندا ارىقپەن سۋارىلعان جەرلەرگە قاراعاندا استىق مولىراق جينالاتىن كورىنەدى.قازىرگى تاڭدا جوبانى قولداپ, باسى-قاسىندا جۇمىسقا ەتەنە ارالاسا ىسكە اسىرىپ جۇرگەن «اق جول» جشس مەن «تۇركىستان» اوك» اق.
